Ársrit Ræktunarfélags Norðurlands - 01.01.1986, Page 30

BJARNI E. GUÐLEIFSSON:
UM RANNSÓKNIR Á TLJNUM
í NORÐUR-NOREGI
Ég sit hér með heilmikinn doðrant, 266 síðna doktotsritgerð
sem út kom 1985 um rannsóknir á túnum í Nordlandfylki í
N-Noregi. Höfundur er Lars Nesheim og byggjast niðurstöður
á rannsóknum frá árunum 1978-1982.
Norður-Noregi er skipt í þrjú fylki, Nordland, Troms og
Finnmörk. Nordland er syðst þeirra, á milli Þrændalaga og
Troms, frá 65-69 breiddargráðu eða nánast því sama og Is-
land. Búskapur er á ýmsan hátt líkur því sem við eigum að
venjast. Þrátt fyrir þetta er veðurfar þarna heldur hlýrra en
hér, og hafa mér virst aðstæður í Troms líkari því sem hér er. í
Nordland er ársúrkoman 1000-1500 mm og vaxtartíminn
140-166 dagar og túnstærð í heild um þriðjungur af því sem er
hérlendis. Mér þykja niðurstöður þessara viðamiklu rann-
sókna samt eiga erindi til okkar og ætla því að kynna þær
nokkuð.
Athuganir voru gerðar á 641 túnspildu á 170 bæjum og var
safnað geysimiklum upplýsingum um gróður, jarðveg og
nytjar. Að meðaltali báru bændur þessir á túnin 129 kg N, 37
kg P og 116 kg K/ha og virtust menn ekki draga úr tilbúnum
áburði enda þótt búfjáráburður væri notaður. Um 25% tún-
anna höfðu verið kölkuð og kalknotkun fór vaxandi. Meðal-
aldur túnanna var 15 ár og skiptist þannig í þrjá flokka:
32