Ársrit Ræktunarfélags Norðurlands - 01.01.1986, Page 84

sýningagagna og útgáfu árbókar hrossaræktarinnar auk leið-
beininga í sambandi við nýtt kerfi kynbótaeinkunna.
BLUP-kynbótaeinkunnir verða frá og með þessu ári reiknað-
ar árlega út fyrir öll ræktunarhross. Kynbótaeinkunnir eru
matstölur á eðlisfar undaneldishrossa en rétt hagnýttar geta
slíkar einkunnir orðið ræktendum mikilsverð aðstoð. Megin
heiðurinn af þessu einkunnakerfi á Þorvaldur Árnason bú-
fjárkynbótafræðingur í Svíþjóð og verða þær árlega unnar að
hluta til af honum. Nýjar rannsóknarniðurstöður höfundar
um kynbótaáætlun fyrir íslensk hross verða leiðbeininga-
þjónustunni einnig mikilsverðar.
Skýrsluhaldið.
Mikið starf er framundan viðkomandi skráningu ræktunar-
hrossa bæði vegna þessa nýja kynbótaeinkunnakerfis og ann-
ars. Ætlunin er að gefa öllum skýrslufærðum folöldum fæð-
ingarnúmer og tölvufæra þau með því. Hefðbundnum ætt-
bókarnúmeringum verður hætt (samt sem áður minnkar
mikilvægi dómanna í engu), vinnubrögð við folaldaskýrslu-
haldið verða miðuð við hið nýja kerfi. Nafnskírteini verða
útbúin á hrossin með fæðingarnúmerum og skírteinin verða
að fylgja hrossinu ævilangt. Útgáfa upprunavottorða vegna
útflutningsins verður samræmd þessu kerfi. Mjög brýnt er
einnig að sem flestir hrossabændur og aðrir hrossaræktendur
láti frostmerkja hross sín með fæðingarnúmerinu, en slíkt
stóreykur öryggið við ættfærsluna og auðkenningu hrossanna.
Starfsmaður Búnaðarfélags Islands, Pétur Hjálmsson
ráðunautur, tekur að sér samkvæmt sérstöku samkomulagi að
frostmerkja hross gegn gjaldi. Frostnúmerakerfið og fæðing-
arnúmerakerfið er eitt og hið sama. Hrossaeigendur geta
hvort sem er fengið Pétur til þess að frostmerkja hrossin með
fæðingarnúmerinu í táknrófi („arabísku letri“) eða með tölu-
stöfum. Brýnt er að stéttarfélag hrossabænda, Félag hrossa-
bænda, marki skýrari stefnu en nú um slík grundvallarmál
sem auðkenning hrossanna er.
Hrossasýningarnar.
Sá þáttur ræktunarstarfsins í hrossaræktinni sem kunnastur
86