Ársrit Ræktunarfélags Norðurlands - 01.01.1986, Síða 87

tala margfelda þessara eiginda yfirsvipsins er sem fyrr 16.
Fram til ársins 1979 var einnig einungis gefin ein einkunn
fyrir fœtur, þær urðu nú einnig þrjár eða fyrir fótagerð, réttleika
og hófa með margfeldunum 5, 6 og 5 eða samtalan 16 eins og
áður var.
A fundi Sýningarnefndar þann 22. desember 1985 var
samþykkt að tvöfalda vægi tölts i dómseinkunninni. Þannig
fékk það margfeldið 20 í stað 10 áður en margfeldi annarra
eiginda hélst óbreytt. Þannig er nú heildar deilitala hæfnis-
einkunnarinnar 70 í stað 60 áður en bygging og hæfni vega
jafnt í aðaleinkunn sem fyrr. Þetta er fyrsta raunverulega
breyting dómskerfisins rúma tvo síðustu áratugi. Ætlunin
með breytingunni var að auka veg töltsins í kynbótahrossa-
sýningunum, breytingin styðst við kynbótafræðilegar rann-
sóknir sem sýndu m.a. að hún hafði óveruleg áhrif á kyn-
bótaeinkunnir hrossanna en veruleg á dómseinkunnir.
Landsmót hefur verið haldið eftir að þessar nýjungar gengu í
garð. Þar mátti sjá augljós jákvæð áhrif þeirra, en töltið er
tvímælalaust verðmætasti eiginleiki hrossastofns okkar.
Núgildandi dómstigi kynbótahrossa er sem sagt þessi:
Dómsatriði:
1. Sköpulag Vægi 2. Kostir Vægi
Höfuð 4 Tölt 20
Háls, herðar, bógar . 6 Brokk 8
Bak og lend 6 Skeið 10
Samræmi 8 Stökk 6
Fótagerð 5 Vilji 12
Réttleiki 6 Geðslag 8
Hófar 5 Fegurð í reið 6
Eftir dómsniðurstöðunum eru sýndu kynbótahrossin
flokkuð í verðlaunaflokka ýmist sem einstaklingar eða fyrir
afkvæmi og sérstakar reglur gilda um ættbókarfærslu (núm-
eringu) gripanna. Þannig eru stóðhestar færðir í ættbók sem
fá sjálfir 7.75 eða meira i aðaleinkunn ef ekkert atriði i bygg-
ingu þeirra er upp á lægri tölu en 7.0 eða ef þeir ná a.m.k.