Ársrit Ræktunarfélags Norðurlands - 01.01.1986, Side 99

prótein. Ákveðinn hluti þvagefnisins úr blóðinu flæðir til
baka til vambar, annað hvort með munnvatninu eða beint
inn í vömb.
Ef fóðrið á hinn bóginn inniheldur of lítið af uppleysanlegu
próteini (torleyst) þá er hætt við að vambarörverurnar skorti
ammoníak til eðlilegrar próteinmyndunar. Skert örverustarf-
semi af þeim sökum getur haft áhrif á gerjun í vömb og
þar með meltanleika fóðursins og jafnvel takmarkað fóðurát
skepnunnar (7). Rétt fóðrun með próteini byggist á að þekkja
leysni fóðurpróteinsins í vömb, þannig að unnt sé að gera
sér grein fyrir því magni sem örverunum stendur til boða.
Til þess að hagnýta nýja þekkingu á eðli próteina og um-
myndun þeirra við meltingu í vömb jórturdýra þarf víðtækari
matsaðferð en þá að mæla einungis meltanleika próteinsins
sem hlutfallslegan mismun í fóðri og saur.
Árið 1980 var eins og áður sagði komið á fót norrænum
starfshópi er vinna skyldi að mótun nýrrar próteinmatsað-
ferðar. Starfshópurinn hefur nýlega skilað niðurstöðum þar
sem lagt er til að ný matsaðferð verði tekin í notkun og
gerð er grein fyrir helstu þáttum hennar (8). Höfuðtilgangur
með þróun hennar er:
* að ná betra samræmi á milli próteinþarfa jórturdýra og
áætlaðs próteininnihalds einstakra fóðurtegunda og/eða
fóðurskammta en unnt er með notkun meltanlegs prót-
eins.
* að fyrirbyggja sóun eða skort á próteini í mjólkur- og
kjötframleiðslu.
Aðferðin hefur enn ekki verið tekin opinberlega í notkun
á Norðurlöndum, en hún er núna til reynslu og er verið
að sannprófa matsniðurstöðurnar í sérstaklega skipulögðum
tilraunum. Hérlendis er slíkt starf ekki haíið ennþá.
Við mótun aðferðarinnar var ensk tunga ráðandi og því
eru ýmis hugtök og mælistærðir táknuð á ensku. Til að auð-
velda skilning á og umfjöllun um aðferðina hefi ég leyft mér
að íslenska hugtök og heiti (skammstafanir). Rétt er þó að
taka fram, að íslenskun hugtaka er á ábyrgð höfundar.
101