Ársrit Ræktunarfélags Norðurlands - 01.01.1986, Page 117

skammtar af blönduðum áburði og Kjarna. Tilraunin er á
gamalræktuðu túni sem hafði fengið búfjáráburð árlega um
langa hríð og vel áborið að öllu leyti. Niðurstöður þessa árs
sýna að nú þegar á þriðja ári frá upphafi tilraunar er veru-
legur uppskerumunur á reitum sem fengu blandaðan áburð
annars vegar og Kjarna einn hins vegar, blandaða áburðin-
um í hag. Sýnir þetta enn hve varlega þarf að fara í það að
nota köfnunarefni eitt sér jafnvel á tún sem talin eru gamal-
gróin í rækt. Skortseinkenni á grösum s.l. sumar bentu á
verulegan kalískort við alla stærri skammta af Kjarna. Er
þetta í takt við það sem áður er fundið (m.a. tilraun með
kalíáburð í Birkihlíð í Skagafirði) að varhugavert er að sleppa
steinefnum — sér í lagi kalí — nema eitt til tvö ár jafnvel þótt
um áralanga mikla áburðarnotkun hafi verið að ræða.
Nauðsyn er að greiða betur úr þessum málum nú þegar ár-
áttan er að minnka áburðarnotkun jafnvel verulega sums-
staðar. Önnur tilraun var gerð í fyrra og að nokkru leyti lokið
við efnagreiningar sýna og uppgjör á þessu ári. Þessi tilraun
var með áburðar- og sláttutíma. Helsta niðurstaða tilraunar-
innar er sú að land sem er í góðri rækt og getur þess vegna
farið að spretta á vorinu er ekki svo viðkvæmt fyrir því hvort
borið er á örlítið fyrr eða seinna. Hins vegar ef mold er ófrjó
eða í illri rækt fer spretta ekki af stað að marki fyrr en borið er
á og ef því seinkar tapast góður sprettutími sem ekki kemur
aftur og heildaruppskera verður minni. Hægt er að seinka
þroska grasa með því að bera seinna á. Þá má geta þess að
nokkrar stofna- og afbrigðatilraunir eru gerðar fyrir sérfræð-
inga á Keldnaholti.
Fóðurtilraunir voru gerðar tvær. Sú fyrri í nóvember þar
sem reynt var hve mikið væri hægt að koma af heyi og hey-
kögglum í kýr í lágri nyt. Síðari tilraunin var gerð í mars, apríl
og maí. Þar var einnig reynt að koma sem mestu heyi i kýr, að
hluta í formi heyköggla. Nú voru kýr nýbornar og í hárri nyt.
Einstaka kýr át mjög mikið af heykögglum. Bragi Lindal
Ólafsson hafði veg og vanda af skipulagningu þessara til-
rauna og uppgjör sem enn er ekki lokið er í hans höndum.
Fyrirhuguð er ferð um Norðurland seinna í haust til að halda
119