Ársrit Ræktunarfélags Norðurlands - 01.01.1986, Side 118

fræðslufundi meðal bænda þar sem síðustu niðurstöður á
Möðruvöllum verða lagðar fyrir.
Gúmmímottur í fjósbása frá Gúmmívinnslunni á Akureyri
voru settar í sautján bása i fjósinu á Möðruvöllum til þess að
sjá hve vel þær entust. Gerð hefur verið skýrsla um þessa
athugun.
íslenski melrakkinn er til húsa í fjárhúshlöðunni og hirtur
af starfsmönnum stöðvarinnar.
Framkvœmdir.
Haustið 1985 var lokið við það húsnæði í Eggertsfjósi sem
Sauðfjársæðingar á Norðurlandi taka á leigu. Gólf og loft í
þeim hluta sem Tilraunastöðin hefur var einnig frágengið og
vesturveggur einangraður. Meira hefur ekki verið unnið í því
fjósi.
Lagt var rafmagn í hlöðu á nýju fjósi haustið 1985, einnig
sett útiljós á hlöðu.
Síðla vetrar og vorið 1986 var innréttað tilraunapláss í fjósi.
Ekki varð það þó nema uppsetning skilrúma og þau máluð.
Allar lagnir eru eftir, bæði vatn, loftræsting og rafmagn, en
fjárráð leyfðu ekki meir.
Sett var ristarhlið á merkjum að norðan og stuttu sunnan
prestshúss að sunnan. Er þá tún og hús ofan Dalvíkurvegar
hringafgirt. Byrjað var að rífa ýmsar girðingar innan þessa
svæðis.
Viðhald hefur verið mjög smátt í sniðum. Lítillega málað
inni í íbúðarhúsi. Að öðru leyti aðeins það sem brýnt hefur
verið. Nauðsynlegt er að geta málað öll hús utan og dyttað
meir að ýmsu en nú er gert, en til þessa hefur skort fjármagn.
120