Frjáls verslun - 01.06.1950, Blaðsíða 17

Launamál verzlunarmanna — Klœðum
landið skógi — Markaðsmálin og frjáls
utanríkisverzlun — Gnoð ber að landi.
NO ERU liðnir meira en 3 mánuðir síðan launþegar
í V.R. sögðu upp samningum, en ennþá liafa ekki tek-
izt samningar. Samningur V.R. við atvinnurekendur
gekk úr gildi þann 1. apríl s.l., og lagði launakjara-
nefnd félagsins þá strax fram samningstilboð. En
það verður að segja hverja sögu eins og hún er.
Atvinnurekendur hafa ekki fengizt til að ræða það
samningstilboð, þrátt fyrir ítrekaðar tilraunir stjórn-
ar og launakjaranefndar félagsins. Hefur gengið í sí-
fellu þófi um þetta mál af hálfu atvinnurekenda, og
hafa þeir fengið frest á frest ofan, en því miður. enn
sem kiomið er hefur lítið bólað á viðleitni til samn-
ingsgerðar af þeirra hálfu.
Verzlunarmenn verða að endurskipuleggja samtök
sín í framtíðinni, ef þeir ætla að koma í veg fyrir,
að þeir verði á eftir öðrum stéttum þjóðfélagsins í
launa- og kjaramálum.
Því neitar enginn sem til þekkir, að öll verzlun
og iðnaður landsmanna berst í bökkum sökum sí-
minnkandi vöruinnflutnings og aukins kostnaðar.
Álagning verzlunar- og iðnaðarfyrirta'kja hér á landi
er einnig svo lág, að slíkt má teljasl einsda-mi um
víða veröld. Þessum aðilum er því brýn nauðsyn á
að rétta hlut sinn, ef öll verzlun og iðnaður á ekki
að leggjast í lóma.
En slíkt getur ekki orðið á kostnað launþega í verzl-
unarstétt.
Verzlunarmenn hljóta að halda fast við kröfur sín-
ar um hækkun launa, þar sem þeir hafa fengið sára-
litla lagfæringu launa sinna síðan 1945, en síðan hef-
ur dýrtíðin aukizt til muna.
Þeir hafa þar að auki fengið sönnun þess, að
launakröfur þeirra eru fyllilega réttmætar, með því
að bæði ríki og bær hafa samþykkt launauppbætur
til starfsmanna sinna og með því viðurkennt réttmæti
hækkaðra launa til þeirra, sem eru lægra launaðir
en opinberir starfsmenn, og vinna áþekk störf og þeir,
en það eru einmitt skrifstofu- og verzlunarmenn.
Þetta viðhorf verða atvinnurekendur að skilja og fara
eftir, og síðan nota til stuðnings kröfum sínum um
hækkun á álagningu vara.
Verzlunarmenn hafa nú til samkomulags komið fram
með málamiðlunartillögu í launamálum sínum, er
samþykkt var á almennum launþe'gafundi þann 12.
júní s.l. Samkvæmt þeirri tillilgu telja þeir sig geta
gengið að 15% kauphækkun á þrjá fyrstu flokka A
og B liðs launaflokkanna, en 17% á lægstu flokkana.
Eru þessar launahækkanir miðaðar við það. sem op-
inberir starfsmenn hafa fengið.
Þetta eru ekki nema eðlilegar og sanngjarnar kröf-
ur, og er þess fastlega vænst, að atvinnurekendur
gangi að þessu samningstilboði verzlunarmanna, en
dragi þá ekki á tálar með samninga. eins og þeir hafa
gert fram að þessu.
•
EITT ÞEIRRA félaga, sem unnið hafa að gróðursetn-
ingu trjáplantna í friðlandi Reykvíkinga, Heiðmörk,
er Verzlunarmannafélag Reykjavíkur. Á vegum félags-
ins hafa verið gróðursettar 1500 trjáplöntur þar upp
frá.
Sveinbjörn Árnason, verzlstj. og stjórnarmeðlimur
í V.R. er helzti forgöngumaður þess, að félagið gerðist
þátttakandi ásamt fleiri félagasamtökum í að klæða
Heiðmörk skógi.
Að klæða landið skógi er stórfenglegt framfaramál.
ísland framtíðarinnar er land, sem er skógi klætt
milli fjalls og fjöru. Við, sem nú lifum, sjáum senni-
lega ekki þann draum rætast, að hér verði mikill
nytjaskógur. En með því að leggja skerf okkar til
þeirra mála nú, þá erum við að búa í haginn fyrir
komandi kynslóðir. Ber vissulega að hvetja alla menn
til að gerast virkir þátttakendur í þessu stórfenglega
framfaramáli.
•
ISLENDINGAR eiga nú æ erfiðara með að selja eina
aðalframleiðsluvöru sína, hraðfrysta fiskinn, og sölu-
horfur virðast ekki vera bjartar framundan, nema
FR.TÁLS VERZLUN
93