Frjáls verslun - 01.08.1954, Blaðsíða 13

Flestar íslenzkar húsmæður liannast sennilega
við orðið Pfaff, og þær eru orðnar nokkuð marg-
ar, sem eiga á heimilum sínum kjörgrip með
sama nafni. Saumavélin Pfaff á hér marga að-
dáendur í hópi veika kynsins og enn fleiri myndu
óska návistar hennar, ef þess væri kostur.
Fyrsta Pfaff saumavélin var seld hér á landi
fyrir rúmum 25 árum síðan, eða nánar tiltekið
28. október 1929. Kaupandinn var saumakona
ein í Reykjavík, og greiddi hún Magnúsi Þor-
geirssyni, umboðsmanni Pfaff á Tslandi, kr.
240.00 fyrir þessa stignu saumavél. Tveimur ár-
um seinna hætti saumakonan að stunda sauma-
skap sem atvinnu og fékk þá handsnúna sauma-
vél í skiptum fyrir þá stignu. Hefur sú vél verið
í eigu verzl. Pfaff síðan og notuð jöfnum hönd-
um til kennslu fyrir nýja kaupendur.
Eins og áður hefur verið getið, var fyrsta Pfaff
saumavélin selcl í Reykjavík fyrir liðlega 25 ár-
um síðan, en verzl. Pfaff var opnuð sama dag-
inn og þessi fyrsta vél var seld.
FRJÁLS VERZLIIN átti nýlega samtal við
Magnús Þorgeirsson, eða Magnús í Pfaff eins og
hann er venjulega kallaður, en hann hefur verið
eigandi verzlunarinnar frá byrjun. Skýrði Magn-
Verzlunin Pfaff
25 ára
ús svo frá, að verzl. Pfaff hafi fyrst verið til
húsa að Bergstaðarstræti 7, en í ársbyrjun 1939
var flutt í ný húsakynni við Skólavörðustíg 1,
þar sem verzlunin er í dag.
Pfaff saumavélarnar, sem framleiddar eru í
Þýzkalandi, urðu brátt vinsælar hér á landi. Ár-
ið 1931 sendi Magnús systur sína, Emelíu Þor-
geirsdóttur, til Þýzkalands til þess að kynna sér
meðferð saumavélanna og ýmsar nýjungar varð-
andi rekstur þeirra. Þegar heim kom, tók hún
að kenna íslenzkum kaupendum Pfaff saumavél-
anna, hvernig þær skyldu bezt meðhöndlaðar, og
hefur sá 'háttur verið hafður á ætíð síðan. í
seinni tíð hefur verið um geysimiklar framfarir
að ræða hvað snertir fjölhæfni saumavélanna,
og má í því sambandi nefna áhald á nýjustu
gerð Pfaff vélanna, sem afkastað getur 1100 mis-
munandi gerðum af útsaumi með aðeins þremur
stillingum.
Pfaff saumavélaverksmiðjurnar voru stofnað-
ar árið 18(52. Traustur hornsteinn var lagður að
þessu fyrirtæki, því í dag, röskum 90 árum síðar,
er þetta stærsta saumavélaverksmiðja Evrópu
og sú næst stærsta í allri veröldinni. Framleiðsl-
an nemur nú hátt að annað þúsund saumavélum
á dag, en í febrúar s.l. höfðu verksmiðjurnar
framleitt 5 milljónir saumavéla frá því þær tóku
til starfa. I síðustu styrjöld var meira en helm-
ingur Pfaff verksmiðjanna eyðilagður og í stríðs-
lok var mikið af framleiðsluvélum þeirra teknar
og fluttar í burtu af hernámsaðiluin. Sem dæmi
um þá öru þróun, sem orðið hefur hjá Pfaff í
Þýzkalandi frá því stríðinu lauk, má geta þess,
að í dag er framleiðsla verksmiðjanna orðin 50%
meiri en hún var í stríðsbyrjun. Auk hinna
FUJALS VEllZLUN
89