Frjáls verslun - 01.08.1954, Blaðsíða 16

Egill Vilhjálmsson hJ.
25 ára
Bifreiðavöruverzlunin Egill Yilhjálmsson h. f.
átti 25 ára afmæli þann 1. nóvember s.l. Árið'
1929 stofnsetti Egill Vilhjálmsson fyrirtækið, og
hefur liann ávallt rekið það síðan af miklum
dugnaði og myndarskap. I fyrstu var verzlunin
til 'húsa að Grettisgötu 16—18, en árið 1932 var
flutt í ný húsakynni við Laugaveg 118, þar sem
reist hafði verið sérstaklega yfir íyrirtækið. Síð'-
an hefur það fært út kvíarnar hvað ef'tir annað,
og er nú svo komið, að bygging Egils Viihjálms-
sonar við Laugaveg mun vera eins sú stærsta á
landinu að flatarmáli, en samanlögð lengd húsa-
raðanna er um 200 metrar.
Á fyrstu árum fyrirtækisins voru eingöngu
framkvæmdar bifreiðaviðgerðir auk varahluta-
sölu. Árið 1932, þegar flutt var í hin nýju húsa-
kynni, hóf fyrirtækið yfirbyggingu langferðabif-
reiða. Ári síðar var svo byrjað að byggja yfir
strætisvagnana, en Egill var einn af stofnendum
Strætisvagna Reykjavíkur og meðeigandi, þar
til Reykjavíkurbær tók við rekstri þeirra árið
1943. Yfirbyggingarverkstæðið' hefur frá því
fyrsta verið snar þáttur í allri starfsemi fyrir-
tækisins, enda eru þeir ekki svo fáir langferða-
og strætisvagnarnir, sem komið liafa út frá verk-
stæði Egils Vilhjálmssonar gljáandi og glæsi-
legar ásýndum.
Með auknum húsakosti jukust samhliða
starfsgreinar fyrirtækisins, en þær eru í dag,
sem hér segir: Bifreiðaviðgerðir, bifreiðayfir-
byggingar, bifreiðamálun, rennismíði, glerskurð'-
ur og slípun, svo og bifreiðainnflutningur og
varahlutasala. Árið 1935 tók Egill Vilhjálmsson
fyrsta nemandann í bifreiðavirkjun, en nú munu
um 70—80 iðnnemar hafa lokið námi hjá fyrir-
tækinu í bifreiðavirkjun, bifreiðasmíði og renni-
smíði.
Egill Vilhjálmsson er án efa einhver athafna-
mesti maður á sviði bifreiðasölu og bifreiðasmíði
hér á landi. Hann fékk snemma áhuga fyrir þessu
merkilega farartæki, bílnum; hefur sennilega haft
meiri trú á framtíð hans en margur samtíðar-
maðurinn. Egill vai þriðji Islendingurinn, sem
fékk ökuréttindi hér, en prófraunin fór fram
árið 1915. Sama ár gerðist hann bifreiðastjóri
hjá Bifreiðastöð Reykjavíkur, en í þá tíð var lítið
um bíla á götum höfuðborgarinnar og því minna
um þægindi þessara „frumbyggja“. Egill var enn-
fremur prófdómari í bifreiðaakstri í Reykjavík
um nokkurt skeið, en sagði því starfi lausu, er
hann hóf að stunda verzlun.
Fyrirtækið Egill Vilhjálmsson h. f. ber öðrurn
fremur vott um framtakssemi og dugnað, og má
eflaust þakka það hinum ötula stofnanda þess,
senr ávallt hefur fvlgzt með öllum nýjungum
í bílaiðnaðinum svo sem kos'tur hefur verið á.
Ber hinn öri vöxtur fyrirtækisins þess Ijósan
vott, að vel hefur verið unnið að því marki að
hafa „allt á sama stað“.
92
FliJALS VEUZLUN