Frjáls verslun - 01.04.1971, Blaðsíða 57

FRJÁLS VERZLUN NR. 4 1971
GREINAR OG VIÐTÖL
57
Fríhafnir á alþjóðaflugvöllum
Lægst verð í Amsterdam og
Keflavík? Alla vega lágt
Enda þótt fríhafnarverð á
víni og tóbaki sé yfirleitt lágt,
borgar sig tæpast að fljúga til
Moskvu, Jóhannesarborgar eða
Amsterdam, eingöngu til þess
að kaupa inn ódýrt vín eða ó-
dýrt tóbak. Magntakmörkunin
sér fyrir því. Það er létt reikn-
isdæmi, að lítir af víni og kart-
on af vindlingum er ekki svo
ódýrt, að unnt sé að ferðast
ókeypis fyrir mismuninn og
hagnast samt.
En þegar farið er í ferðalag
milli landa með flugvélum, er
hins vegar sjálfsagt að nota
sér lágt verð í fríhöfnunum,
að því marki, sem það er heim-
ilt, og þá auðvitað fyrst og
fremst þar, sem verðið er lægst.
Verðið í fríhöfnunum er nefni-
lega misjafnt, jafnvel meira en
lítið.
Lægst verð í Amsterdam og
Keflavík?
Eftir nokkra rannsókn, sem
þó er hvergi nærri tæmandi, er
Ijóst, að fríhafnirnar á Schip-
hol-flugvelli í Amsterdam í
Hollandi og á Keflavíkurflug-
velli selja hvað ódýrast, og
munar miklu á verðinu þar og
t.d. í fríhöfninni á Heathrow-
flugvelli í London, a.m.k. í
flestum aðalatriðum.
Hálfflaska af whisky kostar
þannig 1.50 dollara bæði í Am-
sterdam og Keflavík, en t.d.
hjá Braathens SAFE 1.90. Heii-
flaska kostar 2.50 dollara í Am-
sterdam, 2.75 í Keflavík og
London og 3.00 dollara hjá
Braathen.
Heilflaska af cognac kostar
2.00 dollara í Keflavík, 3.50 í
Amsterdam og 4.95 dollara í
London. í fríhöfnum í Skandi-
navíu er verðið nálægt 4.50
dollurum.
Heilflas'ka af gin kostar 1.55
og allt niður í 1.00 dollara í
Amsterdam, 2.00 dollara í
Keflavík, 2.20 í London og um
2.40 í Skandinavíu.
Vindlaverð er að vonum lágt
í Hollandi, en þar stöndum við
næstum jafnt að vígi, þótt
næsta ótrúlegt sé. Alla vega
eru vindlar um eða yfir helm-
ingi ódýrari í Amsterdam og
í Keflavík en í London,
Karton af vindlingum, eða
líkkistunöglum, kostar 2.00 doll
ara í Amsterdam, 2.25 dollara
í Keflavík niður í 1.75, en 3.35
dollara í London.
Og þannig má lengi telja
áfram ýmsar vörur. T.d. kostar
þekkt tegund myndavéla 68.50
dollara í Amsterdam, lítið eitt
meira í Keflavík, en 116.25 doll-
ara í London.
Betra að gleypa ekki agnið.
Af þessum samanburði er
augljóst, að betra er að fara
sér hægt í innkaupum, þegar
ferðast er um heiminn, og var-
ast það, að lága verðið í sumum
fríhöfnunum er í rauninni hátt.
Og annað er það, að sums stað-
ar eru krónurnar okkar aðeins
keyptar með afföllum. Það er
vissara að skipta þeim í banka
en í fríhöfn. En ekki má heldur
gleyma því, að bannað er að
fara með of margar krónur út
fyrir pollinn.
Fríhöfnin á Heathrow-flug-
velli í London er dæmi um
stað, sem ganga ber varlega um,
og svipaða sögu er að segja um
fríhafnirnar í Brussel í Belgíu
og Kastrup í Kaupmannahöfn.
Annars vegar eru vörur dýrar,
hins vegar eru krónurnar
keyptar lágu verði, nema hvort
tveggja sé í sumum tilfellum.
Og enda þótt fríhafnirnar á
Schiphol-flugvelli og á Kefla-
víkurflugvelli séu síður en svo
gallalausar frá sjónarmiði ferða
■langsins, bjóða þær alla vega
hvað lægst verð.