Frjáls verslun - 01.06.1983, Page 11
Verulegur samdráttur
í bóksölu
Bóksalar eru almennt
sammála um að verulegur
samdráttur hafi orðið í bók-
sölu fyrir jólin og ertalað um
töluna 20—30% í því sam-
bandi. Eru menn ekki á einu
máli um ástæðuna, þar sem
Ijóst þykir að jólasala í
mörgu öðru var síst minni nú
en oftast áður og einkum
teija þeir sem höfðu á boð-
stólum góða vöru og dýra að
þeirra hlutur hafi verið góð-
ur í jólasölunni. Virðist bók-
in, einhverra hluta vegna,
hafa orðið undir í sam-
keppninni og hefur salan
minnkaö ár frá ári í nokkur
ár. Búist var við að titlum
myndi fækka verulega, en
sú varð ekki raunin og munu
margir útgefendur hafa
freistast til mikillar útgáfu í
þeirri von að aðrir drægju
verulega saman seglin og
þeir gætu því setið að mark-
aðinum.
Ljóst þykir að mjög
margar bækur seldust
trauöla lítið og jafnvel met-
sölubækurnar seldust í mun
minna upplagi en vant er. Er
talið að fáar bækur hafi nú
náð 3000—4000 eintaka
sölu. Þá munu menn ekki
sammála um hvaða bækur
náðu mestri sölu. Fyrir jólin
fór fram könnun bæði hjá
tveimur dagblöðum og Fé-
lagi bókaútgefenda á mest
seldu bókunum og var at-
hyglisvert hve illa bar sam-
an. Þannig var t.d. bók
Andrésar Indriðasonar
„Fjórtán bráðum fimmtán"
sem efst var hjá einum aðil-
anum ekki að finna á skrá
yfir 10 hæstu hjá öðrum og
einstakar bækur sem
hreyfðust varla hjá öðrum
fengu svo mikla sölu að þær
komust á skrá. Og eina bók
vitum við um sem var prent-
uð í um 4000 eintökum og
seldist algjörlega upp sem
hvergi komst þó á skrá. Var
það bók Steingríms Sig-
urðssonar um Brynhildi
Björnsson „Ellefu lif“. Virð-
ist því að ekki sé fullkomlega
að marka bóksölulistana
sem birtast fyrir jólin og að
ýmis sjónarmið komi þar
fram, einkum hjá þeim sem
gefa upplýsingarnar. Væri
fróölegt ef Félag bókaútgef-
enda léti fara fram könnun
þegar uppgjöri væri lokið og
birti lista yfir söluhæstu
bækurnar þótt ekki væri til
annars en að fólk fengi
hugmynd um hve áreiðan-
legir listarnir sem birtast
fyrir jólin eru.
Dauft yfir
skáldsögunum
Sú þróun sem verið hefur í
bóksölu hvað varðar ís-
lenskar skáldsögur undan-
farin ár mun hafa haldið
áfram í ár. Þótt tiltölulega
fáar íslenskar skáldsögur
færu á markaðinn að þessu
sinni var salan á þeim mjög
dauf og sumar munu lítið
sem ekkert hafa hreyfst. Það
var helst saga Sigurðar
Magnússonar „Jakobs-
glírna" sem seldist, en þó
ekkert í líkingu við tvær fyrri
bækur hans í sama flokki.
Þá mun bók Þórarins Eld-
járns „Kyrr kjör" einnig hafa
náð sæmilegri sölu. Hætt er
við að daufar undirtektir
verði til þess að draga enn
úr útgáfu á íslenskum
skáldsögum og er það mjög
miður. Þær bækur sem tví-
mælalaust áttu upp á pall-
borðið að þessu sinni voru
ævisögur og voru tvær slík-
ar tvímælalaust meðal allra
söluhæstu bókanna, þ.e.
„Skrifað i skýin" eftir Jó-
hannes Snorrason og bókin
um Bjarna heitinn Bene-
diktsson. Þá mun hafa verið
ágæt sala í bókinni um Ólaf
Jóhannesson, þótt það
kæmi ekki mjög fram í frétt-
um, en bókin var seld í ásk-
rift og munu um 1800 manns
hafa keypt hana þannig.
Kommissar í
Framkvæmdastofnun?
Nú stendur til að setja í
kommissar embætti Sverris
Hermannssonar í Fram-
kvæmdastofnun ríkisins.
Ekki er búist við því að póli-
tíkus hljóti sætið heldur
verði maðurinn fundinn inn-
anhúss. Kristinn Ziemsen,
forstöðumaður byggða-
deildar er helst talinn koma
til grein, en Helgi Ólafsson.
forstöðumaður áætlana-
deildar hefur einnig verið
nefndurtil sögunnar. Sverrir
hefur ekki sagt starfinu
lausu þrátt fyrir samkomu-
lag stjórnarflokkanna um að
þingmenn séu ekki forstjór-
ar stofnunarinnar og á
meðan svo er telur Tómas
Árnason sig einnig óbund-
inn af þessu samkomulagi.
En þótt talið sé að innan-
hússmaður verði settur í
þetta starf sækja pólitíkusar
hart að. Fremstur er þar í
flokki Árni Johnsen, sem ýtir
fast á eftir kröfu sinni um að
ónefndur bankamaður úr
Vestmannaeyjum hljóti
hnossið.
11