Frjáls verslun - 01.02.1987, Side 25

Spáö í stöðuna. Skákirnar á IBM skákmótinu voru flestar mjög spennandi enda var yfirleitt teflt til vinnings. Fremst
á myndinni með Gunnari eru Friörik Friðriksson framkvæmdastjóri fjármálasviðs IBM og Matthías Á. Mathiesen
utanríkisráðherra.
Góður þegn
— Nú hafið þið gengist fyrir ýms-
um þjóðþrifamálum i tengslum við
20 ára afmæli IBM á íslandi. Eruð
þið að kaupa ykkur góða ímynd?
„Það getur verið að einhverjir telji
að við séum ekki einlægir í þessari
viðleitni okkar. En eins og við höf-
um rætt um er það eitt af markmið-
um IBM að vera góður þjóðfélags-
þegn í því landi sem það starfar. Við
teljum það skyldu okkar gagnvart
þjóðfélaginu að láta gott af okkur
leiða. Þess vegna völdum við að
halda þetta skákmót og myndlistar-
sýningu. Hugbúnaðarsamkeppnin
var haldin til þess að örva hugbúnað-
arfyrirtæki til að víkka sjóndeildar-
hring sinn og koma með hugmyndir
að áður óþekktum lausnum fyrir ís-
lensk fyrirtæki. Framleiðsla hugþún-
aðar er það svið þar sem við getum
staðið jafnfætis öðrum þjóðum og
vonandi getum við áður en langt um
líður farið að flytja út hugbúnað í
einhverjum mæli.
Við höfum einnig beitt okkur fyrir
því að fá stórar IBM ráðstefnur hing-
að til lands undanfarin ár. Ég geri
ráð fyrir að um 2000 manns frá IBM
komi til Islands á þessu ári til ráð-
stefnuhalds og ætti landið að hafa
mjög góðar tekjur af þessum ferða-
mönnum auk þess sem þeir koma
hingað utan aðalferðamannatímans.
Við teljum að það sé íslandi mjög
til hagsbóta að hafa fyrirtæki á borð
við IBM. Með því flytst tækniþekk-
ing og þekking á stjórnun inn í land-
ið auk þess sem IBM á íslandi hefur
verið á meðal hæstu skattgreiðenda.
Við viljum auðvitað láta líta á okkur
sem hvert annað íslenskt fyrirtæki
en erum hins vegar stoltir af upp-
runa okkar. Ég vil taka það fram að
við njótum engra sérréttinda þótt
IBM sé öflugt erlendis. Við þurfum
að spjara okkur hér og vanti okkur
fjármagn þurfum við að leita á fjár-
magnsmarkaðinn hér eins og hvert
annað fyrirtæki."
Nýjungar hjá IBM
— IBM erlendis hefur orðið undir
í samkeppni við eftirlíkingar af PC
og hagnaðurinn hefur dottið niður
vegna þess. Menn bíða spenntir eftir
nýrri einkatölvu sem ætlað er að
treysta markaðsstöðu IBM og auka
hagnaðinn.
„Ég er ekki sammála því að IBM
hafi orðið undir. Til dæmis seldum
við og flest önnur Evrópulönd fleiri
PC vélar á s.l. ári en áætlað hafði ver-
ið. IBM hefur lagt gífurlega fjármuni
í að þróa og fullkomna framleiðsluna
og framleiðsluaðferðirnar. IBM ætl-
ar sér að vera áfram á einkatölvu-
markaðnum og á örugglega eftir að
koma á óvart eins og 1981 þegar fyr-
irtækið kynnti IBM PC vélina í
fyrsta sinn.“
— Það hefur verið sagt að IBM
hefði gert mistök að hafa PC svo
opinn að hægt var að líkja eftir hon-
um og einnig að lítil þróun hafi átt
sér stað þannig að eftirlíkingarnar
25