Frjáls verslun - 01.09.1988, Síða 5

RITSTJORNARGREIN
ÞRÍEFLDUR MIÐILL
Á þessu hausti sameinaði Frjálst framtak hf. þrjú af tíma-
ritum sínum þegar Iðnaðarblaðið og Viðskipta & tölvublaðið
runnu saman við Frjálsa verslun.
Þessi breyting hefur mælst afar vel fyrir enda er útgáfu-
tíðni Frjálsrar verslunar aukin þannig að blaðið kemur út
mánaðarlega og stóraukinn metnaður er lagður í ytri um-
gjörð blaðsins, m.a. með aukinni litprentun og vönduðu út-
liti.
Fjögur tölublöð eru þegar komin út í breyttri mynd og er
full ástæða til að þakka lesendum frábærar viðtökur. Frjáls
verslun er eftir þessar breytingar öflugri fjölmiðill en
nokkru sinni fyrr.
100 STÆRSTU 0G OLÍS
Aðalefni blaðsins að þessu sinni er árlegur listi Frjálsrar
verslunar um 100 stærstu fyrirtækin. Blaðið birti fyrst upp-
lýsingar um 100 stærstu fyrirtæki landsins fyrir 11 árum en
þá var flokkunin byggð á starfsmannafjölda einvörðungu.
Síðan hefur verið unnið að endurbótum á listanum í þeim
tilgangi að auka upplýsingagildi hans og öryggi. Óhætt er að
segjaaðþessiárvissi listi Frjálsrar verslunar hafi skipaðsér
sess sem mikilvæg heimild um íslensk fyrirtæki og íslenskt
atvinnulíf.
Listinn yfir 100 stærstu fyrirtækin vekur ávallt mikla
athygli og forvitni enda fylgja honum miklar viðbótarupplýs-
ingar um fjölda fyrirtækja á sérlistum. Auk afkomu- og
veltutalna eru birtar m.a. upplýsingar um eiginfjárstöðu,
fjárhagsstöðu, starfsmannafjölda og meðallaun sem jafnan
vekja forvitni, leiða til samanburðar og koma af stað umræð-
um úti í þjóðlífinu. Hér birtast að þessu sinni tölulegar upp-
lýsingar um 1545 íslensk fyrirtæki.
í blaðinu birtist einkaviðtal Frjálsrar verslunar við Þórð
S. Gunnarsson hrl. sem nýlega sagði af sér stjórnarfor-
mennsku hjá Olís en afsögn hans hefur vakið talsverða at-
hygli og margar spurningar. Þórður hefur fram til þessa
verið ófáanlegur til að ræða við fjölmiðla um átökin í Olís
enda er hann gætinn og orðvar eins og títt er um lögmenn.
Það er því mikill fengur í þessu viðtali við Þórð og þeim
upplýsingum sem þar koma fram.
BLAÐRIÐ í STEINGRÍMI
Fyrir nokkrum árum var Ólafur Ragnar Grímsson spurður
að því hvað hann teldi mesta efnahagsvandamálið á fslandi.
Ilann svaraði umsvifalaust:
„Blaðrið í Steingrími Hermannssyni.“ Þetta var sagt í kjöl-
far einhverra óviðeigandi yfirlýsinga Steingríms sem þá var
ráðherra.
Óábyrgt blaður hefur einkennt stjórnmálaferil Steingríms
Hermannssonar og oft valdið ólgu og skaða í efnahagslífinu.
En nú tekur fyrst steininn úr. Þann 16. nóvember sl. lýsti
Steingrímur þvf yfir að íslendingar hafi ekki staðið nær þjóð-
argjaldþroti en nú.
Yfirlýsingar af þessu tagi rýra mjög lánstraust og lánakjör
þjóðarinnar erlendis þegar þær koma frá forsætisráðherra.
Enda gripu yfirmenn Seðlabankans til þess ráðs að reyna að
koma í veg fyrir að þetta óábyrga bull í Steingrími spyrðist til
útlanda.
Sem betur fer er íslenska þjóðin fráleitt gjaldþrota en hún
stendur ráðþrota frammi fyrir þeim vanda að sitja uppi með
annan eins forsætisráðherra og Steingrím Hermannsson sí-
blaðrandi.
Stofnuð 1939
Sérrit um viðskipta-, efnahags- og atvinnumál
RITSTJÓRI OG ÁBYRGÐARMAÐUR: Helgi Magnússon — RITSTJÓRNARFULLTRÚI: Valþór Hlöðversson —
AUGLÝSINGASTJÓRAR: Sjöfn Sigurgeirsdóttir og Kristrín Eggertsdóttir — LJÓSMYNDARAR: Grímur Bjamason, Gunnar
Gunnarsson, og Kristján Einarsson — ÚTGEFANDI: Frjálst framtak hf. — Tímaritið er gefið út í samvinnu við samtök í verslun og viðskiptum —
SKRIFSTOFA OG AFGREIÐSLA: Ánnúli 18, súni 82300, Auglýsingasúni 31661 - RITSTJÓRN: Bfldshöfði 18, súni 685380 -
STJÓRNARFORMAÐUR: Magnús Hreggviðsson — AÐALRITSTJÓRI: Steinar J. Lúðvíksson — FRAMKVÆMDASTJÓRI: Halldóra
Viktorsdóttir - ÁSKRIFTARVERÐ: 1.975 kr. (329 kr. á eintak) - LAUSASÖLUVERÐ: 399 kr. - SETNING, TÖLVUUMBROT,
PRENTUN OG BÓKBAND: Prentstofa G. Benediktssonar — LITGREININGAR: Prentmyndastofan hf. Öll réttindi áskilin varðandi efni og
myndir

5