Frjáls verslun - 01.09.1988, Síða 16

Þessi mynd var tekin daginn sem nýr eigandi tók við stjórn Olís um
mánaðarmótin nóv./des. 1986. A myndinni eru Tryggvi Geirsson núverandi
stjórnarformaður Olís, Óli Kr., Þórður Gunnarsson og Gunnar Sigurðsson
umboðsmaður Olís á Akranesi.
Kr. kveðst reyndar ekki hafa fengið í
hendur fyrr en 1. nóvember.
„Úrsögn mín úr stjórn Olís á sér
talsverðan aðdraganda. Um sum atr-
iði þess máls er ég bundinn þagnar-
skyldu en vil þó upplýsa að gefnu til-
efni að ein meginástæðan fyrir úrsögn
minni er sú staða að félagið sjálft á í
dag og hefur um nokkurt skeið átt
28,2% af heildarhlutafénu. Sam-
kvæmt ákvæðum hlutafé-
lagalaga má félagið ekki
eiga meira en 10%
hlutafjárins en
eignist það meira
þarf að selja þau
bréf innan 3 mán-
aða. Sá frestur er nú
liðinn. Það gefur auga-
leið að ég get ekki sem lög-
fræðingur og hæstaréttarlögmaður
setið í stjóm hlutafélags við slíkar að-
stæður og þar sem málið var komið í
sjálfheldu og á annarra valdi en mínu
að leysa það var ekki um annað að
ræða en hverfa af vettvangi.
Um bréfið margfræga frá 21. októ-
ber er í sjálfu sér ekki mikið meira að
segja en fram hefur komið í fréttum.
Hið rétta í málinu er að Óla Kr. var
strax 21. október kunnugt um efni
bréfsins. í þessu sambandi verða
menn að hafa hugfast að bréfið féll
ekki skyndilega af himni ofan í hendur
mér heldur átti það langa forsögu sem
Óli Kr. fylgdist með og gjörþekkir
enda sneri málið auðvitað fyrst og
fremst að honum sem forstjóra fé-
lagsins og aðaleiganda. Aðrir „Olís-
menn“ voru aðeins statistar í því máli.
Óli Kr. var kallaður á fund í bankanum
sama dag og bréfið var sent mér og
honum þar vitaskuld gerð fullnægj-
andi grein fyrir þeirri afstöðu bankans
sem í bréfinu felst. Ég afhenti honum
sömuleiðis eintak af bréfinu
þennan dag. Hvers
vegna Óli Kr. kaus að
segja ósatt um það
hvenær hann fékk
þessa vitneskju
verður hann sjálfur
að svara fyrir en hver
sem ástæðan var voru
ósannindi Óla Kr. í minn garð
ómakleg og meiðandi. Tryggvi Geirs-
son hefur nú tekið við stjórnarfor-
mannsstöðunni til bráðabirgða."
— Hefur Landsbankinn gert kröfu
um að Óli Kr. selji hlutabréfi sín í
Olís?
„Þessu verða Landsbankinn og/
eða Óli Kr. að svara.“
— Er fótur fyrir því að Sund hf.
hafi fjármagnað hlutabréfakaup sín í
Olís með lánafyrirgreiðslu frá Olís?
„Um þetta vil ég segja eftirfarandi:
Fjármál Sunds hf. eru mér með öllu
óviðkomandi og ég hef aldrei haft
neitt með þau mál að gera.
Hvað Olís varðar vil ég að skýrt
komi fram að meðan ég sat í stjórr
félagsins voru aldrei lagðar neinai
upplýsingar fyrir stjórnina hvorki al
forstjóra né löggiltum endurskoðend-
um félagsins, sem í þessum efnum
eru trúnaðarmenn stjórnar og hlut-
hafa, um að óeðlileg lánafyrirgreiðsla
ætti sér stað milli Olís og móðurfé-
lagsins Sunds hf.
Ég heyrði hins vegar strax í des-
ember 1986 þá sögu að Olís hefði
greitt fyrstu útborgun Óla Kr. vegna
hlutabréfakaupanna. Það er rangt.“
— Á Olís framtíð fyrir sér eða mun
olíufélögunum fækka um eitt?
„Annan janúar sl. voru 60 ár liðin
frá því að Olís tók til starfa. Olís ei
félag sem byggir á langri og merki-
legri sögu og ég hef enga ástæðu til að
ætla að félagið eigi ekki langa framtíð
fyrir höndum. Það þarf meiriháttar
mistök til að beina málefnum Olís inn
á aðrar brautir. Olís hefur í dag sterka
markaðsstöðu og er reyndar í sókn á
ýmsum sviðum. Kostnaðareftirlit
virðist vera markvisst, eiginíjárstað-
an traust og þannig mætti lengi telja.
Það er hins vegar alkunnugt og hefur
lengi verið að greiðslubyrði Olís er
mjög þung og öllum ljóst sem til
þekkja að hana þarf að létta. Þessu
markmiði má ná með ýmsum hætti.
Varðandi framtíð félagsins skiptir
mestu að stjórnun þess sé í öruggum
og hæfum höndum og að stjórnendur
félagsins njóti trausts. Eignarhald á
félaginu skiptir hins vegar minna máli.
Þá má ekki gleyma því að framtíð fé-
lagsins byggir ekki síst á starfsmönn-
um þess og að Olís hefur yfir að ráða
mjög hæfum starfsmönnum sem hafa
staðið sig einstaklega vel við mjög
erfiðar aðstæður oft á tíðum.“
— Telur þú að stjómarmenn í
hlutafélögum séu að verða sér með-
vitaðri um ábyrgð sína?
„Ég tel tvímælalaust að svo sé.
Stjórnum hlutafélaga er ætlað tiltekið
og veigamikið hlutverk skv. hlutafé-
lagalögum. Undan þeirri ábyrgð geta
stjórnarmenn ekki skotið sér með at-
hafnaleysi. Þetta er mönnum að
verða æ ljósara. Þessi þróun er af
hinu góða og mun vonandi leiða til
sterkari hlutafélaga hér á landi þegar
fram líða stundir og þar með eflingu
atvinnurekstrar.“
Hvers vegna Óli Kr. kaus
að segja ósatt verður hann
sjálfur að svara fyrir.
16