Frjáls verslun - 01.09.1988, Qupperneq 133

AUGLYSINGAR
HAGSMUNIR AUGLÝSINGASTOFA
OG VIÐSKIPTAVINA FARA SAMAN
— SEGIR DAVID WHEELER FRAMKVÆMDASTJÓRI FÉLAGS
AUGLÝSINGASTOFA í BRETLAND
David Wheeler fram-
kvæmdastjóri Félags auglýs-
ingastofa í Bretlandi var að-
alfyrirlesari á ráðstefnu SÍA
nú í nóvember. Hann er tal-
inn einn af reyndustu mönn-
um samtíðarinnar á sviði
auglýsingamála.
Hann sagði að grundvallarmarkmiðin
breytust ekki neitt. Hagsmunir auglýs-
ingastofanna fari saman við hagsmuni við-
skiptavina þeirra, auglýsendanna. Til-
gangur samstarfsins sé að ná árangri.
í ræðu sinni kynnti David Wheeler m.a.
niðurstöður könnunar sem gerð var meðal
viðskiptavina auglýsingastofa í Bretlandi
sem hættu viðskiptum við þær.
Spurt var um ástæður þess að fyrirtæki
hætta viðskiptum við auglýsingastofu. Og
svörin voru:
40% — Árangurinn var ekki sá sem við
vonuðumst til.
36% — Stöðnun og skortur á nýjum
hugmyndum.
20% — Slæm þjónusta.
18% — Skortur á skynsemi.
14% — Útlagður kostnaður skilaði sér
ekki í gildi auglýsinganna.
12% — Auglýsingastofan á niðurleið.
12% — Viðskiptavinurinn orðinn of
stór fyrir auglýsingastofuna.
12% — Auglýsingastofan skildi ekki
viðfangsefnin.
10% — Stöðug samkeppni kallar á nýj-
an svip.
10% — Samband milli viðskiptavinar
og auglýsingastofu ófullnægjandi.
David Wheeler gerði einnig grein fyrir
helstu ástæðum sem liggja að baki vali
manna á auglýsingastofu. Þar bar hæst að
menn hefðu trú á að auglýsingastofan skilji
viðfangsefnið. Orðstír skiptir miklu máli
sem og gott persónulegt samband, hentug
stærð, alþjóðleg tengsl, sköpunarhæfni
og traust í viðskiptum.
Bjarni Snæbjörn Jónsson frá Skeljungi
taldi íslensk fyrirtæki ekki veita auglýs-
ingafé sínu með markvissum hætti enda
væri þróun auglýsingamarkaðarins svo
hröð að erfitt væri að spá hárrétt í spilin
hverju sinni.
Valur Blomsterberg hjá Sláturfélagi
Suðurlands var gagnrýninn í garð auglýs-
ingastofanna og taldi að þær gerðu allt of
mikið af því að reisa sjálfum sér minnis-
varða í stað þess að hugsa einungis um hag
viðskiptavinanna. Auglýsingastofur hugs-
uðu allt of mikið um listrænt gildi auglýs-
inga í stað sölugildis þeirra.
Það var mál manna að Baldvin Jónsson
auglýsingastjóri Morgunblaðsins virtist
hafa misskilið efni fundarins því ræða hans
snérist nær einungis um ágæti Morgun-
blaðsins. Helgi S. Helgason auglýsinga-
stjóri Ríkisútvarpsins féll í svipaða gryflu
og olli framlag þeirra til fundarins von-
brigðum og furðu.
Halldór Guðmundsson formaður SÍA
og framkvæmdastjóri GBB Auglýsinga-
þjónustunnar og Hallur Baldursson fram-
kvæmdastjóri Yddu fjölluðu um þá þætti
sem mikilvægastir eru í samskiptum aug-
lýsingastofa og viðskiptavina þeirra.
Lögðu þeir m.a. áherslu á hugmynda-
auðgi, heildaryfirsýn, viðsýni og það að
ekki mætti gleymast að auglýsingin er
framleiðsluvara.
David Wheeler og Halldór
Guðmundsson fram-
kvæmdastjóri GBB —
Auglýsingaþjónustunnar
hf.
TEXTI: ÞORGRÍMUR ÞRÁINSSON
133