Frjáls verslun - 01.08.1990, Blaðsíða 35

framkvæmdastjóri samtakanna, segir
það einn helsta kost frumvarpsins að
nú verði allir hagsmunaaðilar auglýs-
ingaheimsins að hlíta sameiginlegri
reglugerð en ekki einungis þeir sem
eiga aðild að SÍA. Neytendasamtökin
hafa hinsvegar óskað eftir viðbót við
frumvarpið þar sem lagt er bann við
birtingu auglýsinga inni í dagskrá
sjónvarpsstöðva. Lagt er til að ekki
megi rjúfa útsendingu kvikmynda eða
einstakra þátta í sjónvarpi til flutnings
á auglýsingum. Þetta eigi þó ekki við
um beinar útsendingar þar sem eðli-
leg rof verða á útsendingu.
„Við gerðum könnun árið 1988 um
viðhorf fólks til auglýsinga í sjónvarpi
og hljóðvarpi. Þar var spurt: Hvað
fyndist þér um að auglýsingar kæmu
inn í kvikmyndir í sjónvarpinu? 91,2 af
hundraði sögðu það slæmt en 4,3 af
hundraði voru þvífylgjandi. Það er því
ljóst að Islendingar vilja ekki þriggja
tíma kvikmyndir," segir Jóhannes.
Eina athugasemdin, sem samtökin
gera við frumvarpið varðar einstaka
ákvæði þess sem þeim þykir full loð-
in. Jóhannes bendir á að í frumvarpinu
sé sagt að aðeins'skuli refsa sé brot
framið af ásetningi eða stórfelldu gá-
leysi. „Ég myndi ekki treysta mér til
að skera úr um muninn á stórfelldu og
einföldu gáleysi,“ segir Jóhannes.
MÁLFAR HVERS TÍMA
Kristín Þorkelsdóttir, fram-
kvæmdastjóri AUK hf., sem er ein af
þremur stærstu auglýsingastofum
landsins, segir frumvarpið ekki boða
mikla breytingu fyrir þá sem hafa
haldið sig við siðareglurnar. Hinsveg-
ar lýsir hún yfír áhyggjum yfir nokkr-
um atriðum í frumvarpinu, sérstak-
lega ákvæðinu um „lýtalausa ís-
lensku“ í auglýsingum. „Maður veltir
því fyrir sér hver ætli að dæma og
hvaða viðmiðun verði höfð. Auglýs-
ingar verða að geta tekið mið af mál-
fari hvers tíma og því eru slanguryrði
oft nauðsynleg. Slík orð verða þó að
lúta lögmálum íslensks máls,“ segir
Kristín. Hún bendir einnig á það að
áframhaldandi ákvæði um það að er-
lendur söngtexti megi vera hluti af
auglýsingu sé hálf einkennilegt. „Það
er eins og það sé verið að búa þetta
ákvæði til fyrir einhverja sérstaka að-
ila,“ segir Kristín.
HVAÐ SEGJA ÞAU
UM MÁLIÐ
Kristín Þorkelsdóttir, fram-
kvæmdastjóri auglýsingastof-
unnar AUK, segir það miklu
nær að hagsmunaaðilar gangist
sjálfviljugir undir siðareglur
Alþjóðaverslunarráðsins.
Hinsvegar segir hún þetta
frumvarp ekki breyta neinu
fyrir þá sem hafa miðað við sið-
areglumar í starfsemi sinni.
Halldór Guðmundsson, formað-
ur SIA og framkvæmdastjóri
Hvíta hússins, segir að menn
megi ekki vera of viðkvæmir
fyrir harðri samkeppni í auglýs-
ingum. Annars er hætt við því
að samkeppnin verði geld.
Menn verði að geta bmgðið á
leik og svarað í sömu mynt beiti
keppinauturinn hörðum brögð-
um. Það að kæra hjálpi oftast
þeim aðila sem fyrir kæmnni
verður.
Óneitanlega velta menn því nú fyrir
sér hvemig þetta frumvarp komi til
með að virka í framkvæmd. Er verið
að þrengja stakk auglýsenda með nýj-
um ákvæðum og kemur auglýsinga-
nefndin til með að hafa alræðisvald
yfir því hvaða auglýsingar megi birta?
„Það er ekki ætlunin að vera með
ítarleg lög sem taka á öllum hugsan-
legum tilvikum sem gætu komið upp.
Til þess að þau geri eitthvert gagn
verður að vera hægt að túlka lögin,“
segir Sólveig Ólafsdóttir. „Sú túlkun
verður að mótast af viðskiptavenjum
og hugmyndum þjóðfélagsins um
góða viðskiptahætti hverju sinni. Það
eru engin lög sem geta kveðið á um
þetta atriði.“
Sólveig segir að úrskurður auglýs-
inganefndar sé ekki lög. „Menn geta
áfram leitað til dómsstóla ef þeir
FULLBÚNIR
FÆIjANLEGIR
SKALAR ,0G
VINNUSKURAR
er hagkvœm lausn
BÚÐAVERK'V
VESTURBRAUT 8, 370 BÚÐAROAEUR, SÍMI93 41330