Frjáls verslun - 01.04.1991, Blaðsíða 36

INNRETTINGAR
ELDHÚS OG BAÐ
Verslunin Eldhús og bað, Funa-
höfða 19, selur innréttingar og fata-
skápa sem hannað og smíðað er hér á
landi og innréttingar frá þýska fyrir-
tækinu Poggenpohl. Það er Ár-
mannsfell sem framleiðir innlendu
innréttingarnar. Eldhúsinnréttingin á
myndinni er smíðuð úr plastefni sem
unnið er á mjög nýstárlegan máta.
Myndlistarmenn eru fengnir til að
mála munstur á ál, það er myndað og
prentað á plast sem síðan er notað í
innréttinguna. Þessi innrétting kost-
ar frá 170.000.- til 200.000.- krónur.
Að sögn Gunnars Árnasonar er
mikil áhersla lögð á innri frágang ís-
lensku innréttinganna, líkt og Þjóð-
verjarnir gera. Þýsku innréttingamar
eru mjög vandaðar og sterkbyggðar,
ekki síst fyrir það að Þjóðverjar taka
eldhúsinnréttingar með sér á milli
íbúða þegar þeir flytja og verða þær
því að geta staðist álagið sem því fylg-
ir.
Baðherbergisinnréttinguna er
hægt að fá bæði lakkaða eða spón-
lagða með fuglsauga eða lituðum aski.
Takið eftir hornskápunum með
speglahurðunum sem opnast þannig
að hægt er að spegla sig allt um kring.
HÚSTRÉ
Fyrirtækið Hústré flytur inn
danskar innréttingar sem kallast Bo-
form. Þetta eru innréttingar í íbúðar-
hús, verslanir og skrifstofur. Mest
áhersla er lögð á sprautulakkaðar inn-
réttingar í öllum hugsanlegum litum
en innréttingarnar fást einnig í öllum
viðartegundum.
HÚSTRÉ: Hér má sjá fallega sprautulakkaða innréttingu frá Boform sem
kostar um kr. 780.000.- með granítborðplötu og halogenljósum.
36