Frjáls verslun - 01.08.1991, Page 69

kennir góðan stjórnanda hjá stóru
fyrirtæki að hans mati? „Góður
stjórnandi þarf að vera dugmikill og
búinn þeim hæfileika að geta nýtt sér
menntun sína fyrirtækinu til fram-
dráttar. Hann þarf að hafa góða heild-
aryfirsýn yfir reksturinn, geta stillt
saman strengi starfsmanna, halda
góðu sambandi við starfsfólk, hlut-
hafa og viðskiptamenn fyrirtækisins
og síðast en ekki síst að skapa með
störfum sínum og framkomu sjálfum
sér og fyrirtækinu verðskuldað traust
hjá þeim sem hann þarf að hafa sam-
skipti við. Ef allt þetta fer saman er
líklegra að ákvarðanir hans og stjóm-
un fari vel.“
Tími Indriða er á þrotum en að
lokum segist hann vera ánægður
þegar hann líti yfir farinn veg. „Ég hef
ekki undan neinu að kvarta í því efni.
Ég hef kynnst fjölmörgu góðu fólki,
starfsfólki, samstarfsmönnum og við-
skiptamönnum.“ Ánægjan leynir sér
ekki í andliti Indriða þegar hann kveð-
ur með þéttu handabandi.
RAGNAR S. HALLDÓRSSON, STJÓRNARFORMAÐUR ÍSAL
DREG MIG EKKI í HLÉ MEÐAN
ÉG GET ORÐIÐ AÐ LIÐI
Ragnar S. Halldórsson lét af
störfum sem forstjóri Álversins
í Straumsvík árið 1988 en hann
hafði þá verið við stjórnvölinn
frá fyrirtækinu frá byrjun árs
1967. Haft var eftir Ragnari
þegar hann hætti störfum að
honum hafi verið „sparkað upp á
við hjá fyrirtækinu“ og verið
gerður að stjórnarformanni.
„Þetta er oft orðað svona erlend-
is þegar menn hætta að sinna
daglegri stjórnun og setjast í
stjórn fyrirtækisins,“ segir
hann. „Reyndar leyfa íslensk
lög ekki að sami maður gegni
stjórnarformennsku í stórfyrir-
tæki samhliða forstjórastarfi.“
En hvenær eiga stjórnendur stórra
fyrirtækja að láta af störfum að mati
Ragnars? „Mér þykir eðlilegt að
menn láti af krefjandi störfum á með-
an þeir hafa ennþá fullt starfsþrek, þá
njóta þeir best eftirlaunanna. í Banda-
ríkjunum er til dæmis algengt að
stjórnendur láti af störfum 50 til 55
ára gamlir og sjaldgæft að þeir séu
lengur í starfi en til sextugs.“ Sjálfur
var Ragnar 59 ára þegar hann lét af
störfum. „Ég er líka sammála því við-
horfi að það sé gott að menn skipti um
starf á fimm til tíu ára fresti. Að ég var
svona lengi forstjóri Álversins kom
meðal annars til vegna þeirra póli-
tísku átaka sem urðu hér innanlands
um starfsemi fyrirtækisins. Það þótti
ekki ráðlegt að ég skipti um starf á
þeim tíma.“
Ragnar hefur ekki skrifstofu hjá ís-
al enda segist hann ekki hafa þörf fyrir
það. „Stjórnarformennskan felst ein-
faldlega í því að stjóma fundum
stjómarinnar. Það em venjulega tveir
fullskipaðir stjórnarfundir á ári, annar
hér heima en hinn í Sviss, og svo eru
mánaðarlegir fundir íslenskra stjóm-
armanna og framkvæmdastjórnarinn-
ar.“
Hann segir bæði kosti og galla
fylgja því að láta af krefjandi starfi.
„Til að byrja með fannst mér eins og
svolítið tómarúm væri í lífinu. En ég
hef unnið að ýmsum verkefnum síðan
ég hætti, þannig að það hefur verið
nóg að gera.“ Ragnar virðist raunar
vera sú manngerð sem verður að hafa
mörg jám í eldinum og helst að vera
að byggja eitthvað upp. Dæmi um það
er þátttaka hans í „Ándraævintýrinu"
svokallaða fyrir tveimur árum þegar
íslenska úthafsútgerðarfélagið hf. var
stofnað um rekstur togarans Andra
sem veiða átti í bandarískri lögsögu
undan ströndum Alaska. Þegar Andri
var kominn á miðin sneru bandarísk
stjórnvöld við blaðinu og neituðu að
veita togaranum leyfi til veiða. „Æv-
intýrið var endasleppt," segir Ragn-
ar. „Það var gaman að þessu meðan á
því stóð en okkar mistök voru að
treysta orðum stjórnmálamanna sem
höfðu gert með sér samkomulag um
veiðileyfi sem síðan var ekki staðið
við.“
Ragnar átti þátt í stofnun Hluta-
bréfamarkaðarins hf. fyrir urn fimm
árum og Hlutabréfasjóðnum í fram-
haldi af því og á sæti í stjóm beggja
fyrirtækjanna. „Þessi hlutafélög
komu í raun á þeim öflugu viðskiptum
með hlutabréf sem gjörbreytt hafa
möguleikum fyrirtækja til að efla eig-
infjárstöðu sína,“ segir Ragnar. Þá
koma hann á fót ásamt fleirum hug-
69