Frjáls verslun - 01.12.1991, Qupperneq 16

FORSIÐUGREIN
FEÐGARNIR ÞORVALDUR GUÐMUNDSSON í SÍLD & FISK OG
SKÚLIÞORVALDSSON Á HÓTEL HOLTI:
LÁTA VERKIN TALA
VIÐTÖL VIÐ MENN ÁRSINS í ÍSLENSKU VIÐSKIPTALÍFI1991
Auðvitað hlýtur val á
manni ársins á einhverju
sviði ávallt að vera umdeilt.
En þegar litið er til ferils
feðganna Þorvaldar
Guðmundssonar og Skúla
Þorvaldssonar þarf naumast
að deila um niðurstöðu dómn-
efndar Stöðvar 2 og Frjálsrar
verslunar varðandi val á
mönnum ársins í íslensku
viðskiptalífi að þessu sinni.
Það má með sanni segja að ein-
kenni þeirra feðga séu fremur
öðru þau að þeir láti verkin tala.
Allt frá því Þorvaldur
Guðmundsson hóf eigin atvinnu-
rekstur árið 1944 hefur hann náð
einstæðum árangri á hverju því
sviði sem hann hefur kosið að
starfa á. Það á við um rekstur
smásöluverslana, svínaræktun,
kjötvinnslu, markaðssetningu iðn-
aðarvara og síðast en ekki síst
hótel- og veitingarekstur.
Skúli Þorvaldsson hefur annast
rekstur Hótel Holts síðustu átján
árin og lengst af fyrir eigin reikn-
ing. Honum hefur tekist að skapa
Hótel Holti þá raunsönnu ímynd
að þar sé um að ræða hótel á
heimsmælikvarða. Ánægðir við-
skiptavinir geta án efa borið vitni
um að viðurgjörningur allur og
þjónusta á Hótel Holti við Berg-
staðastrætið í Reykjavík sé eins
og best verður á kosið.
Það er erfitt að fjalla um ein-
staklinga sem skara fram úr öðru
vísi en freistast til að hlaða þá lofi
og hátimbruðum lýsingum um