Frjáls verslun - 01.12.1991, Page 17

Feðgarnir Þorvaldur Guðmundsson í Síld & fisk og Skúli Þorvaldsson hótelstjóri á Hótel Holti. Þeir hafa verið
kjörnir menn ársins í íslensku viðskiptalífi árið 1991. Viðurkenningin er veitt fyrir einstæðan dugnað og árangur í
störfum þar sem oft hefur verið barist við samkeppni úr hörðustu átt.
ágæti og mikinn árangur í starfi.
Þótt vissulega væri ástæða til er
þó einhvem veginn ekki við hæfi
að fara slíkum orðum um Þorvald
og Skúla. Um þá tala verkin skýr-
ustu máli og em órækari vitnis-
burður en mörg orð.
Mjög er rætt um erfiðleikana í
íslensku viðskiptalífi um þessar
mundir. Þorvaldur Guðmundsson
dregur ekki úr því að bágindi steðji
að þjóðinni en bætir því við að
kynslóð sem þekki ekki annað en
góðæri, taki mótlætinu illa. í stað
þess að leggja árar í bát sé nauð-
synlegra en nokkru sinni fyrr að
setjast á þóftur þar sem hart er
róið. Og það hefur hann sjálfur
gert og gerir enn þótt áttræðis-
afmælið sé að baki.
Hér á landi virðast flestir orðnir
sammála um að hið opinbera eigi
sem minnst að taka þátt í atvinnu-
lífinu með beinum hætti. Það hef-
„AUÐVITAÐ HLÝTUR VAL Á
MANNIÁRSINS Á EINHVERJU
SVIÐIÁVALLT AÐ VERA
UMDEILT. EN UM NIÐURSTÖÐU
DÓMNEFNDAR STÖÐVAR 2 og
FRJÁLSRAR VERSLUNAR NÚ
ÞARF VART AÐ VERÐA
ÁGREININGUR.“
ur þó færst í aukana að þeir sem
mest tala um mikilvægi einkar-
ekstrar, hafa haft forgöngu um að
nýta opinbera sjóði og skattfé al-
mennings til að hasla ríki og borg
völl í atvinnulífinu. Ríkissjóður
hefur um langt árabil verið um-
svifamikill aðili í veitingarekstri og
Reykjavíkurborg á nú tvö af glæsi-
legustu veitingahús borgarinnar
og hótel við Austurvöll. Þá er nú
verið að undirbúa umsvifamikinn
veitingarekstur í nýju Ráðhúsi —
allt í samkeppni við einkaframtak-
ið. Um þetta er m.a. fjallað í viðtali
við Skúla Þorvaldsson hótelstjóra,
hér á eftir.
Við óskum þeim Þorvaldi Guð-
mundssyni og Skúla Þorvaldssyni
til hamingju með kjörið sem menn
ársins í viðskiptalífinu árið 1991.
17