Frjáls verslun - 01.12.1991, Page 48

Sá orðstír sem fer af af Miami
borg er oft á einn veg: Eiturlyf,
vopn og illa fenginn gróði.
Verksmiðjueigandi frá Suður-
Kóreu var spurður að því nýl-
ega, hvort hann gæti hugsað sér
að setja upp útibú í Miami. Svar-
ið lét ekki á sér standa: „Miami
vice, Miami vice, mikil hætta,
mikið óöryggi.“
Má vera að þetta hafi verið ríkjandi
skoðun á áttunda áratugnum, þessa
dagana er hún óðfluga á undanhaldi.
Ekki svo að skilja að allt sé nú í himna-
lagi í Miami. Vopnaviðskipti og eitur-
lyf eru enn sem fyrr stór þáttur í neð-
anjarðarhagkerfi borgarinnar. Og
ímynd borgarinnar varð fyrir áfalli
nýlega þegar tveir breskir ferðamenn
voru skotnir til bana. En þessir van-
kantar geta ekki stöðvað þá þróun
sem nú er að auka hlutverk Miami í
alþjóðaverslun. Hin hefðbundnu
tengsl Miami við Rómönsku Ameríku
og nálægðin við sívaxandi markaði á
því svæði hefur vakið upp áhuga fyrir-
tækja um allan heim á möguleikum
borgarinnar.
Fjöldamörg evrópsk og bandarísk
fyrirtæki eru nú í óða önn að setja upp
skrifstofur og verksmiðjur í Miami og
í kjölfarið fylgja ríki Suðaustur-Asíu.
Franski flugvélarisinn Aerospatiale
og ítalski saumavélaframleiðandinn
Rimoldi eru á meðal þeirra sem hafa
sett upp skrifstofur sínar í Miami,
einnig bandarísk fyrirtæki á borð við
American Telephone & Telegraph,
Texaco, General Motors, Eastman
Kodak og Hewlett Packard. Fransk-
ur iðnjöfur, sem var á ferð á Miami
strönd nýlega, hreifst af alþjóðlegu
andrúmslofti gangstéttakaffihúsanna,
þar sem heyra mátti flest tungumál
heims, n.k. smækkuð útgáfa af Sam-
einuðu Þjóðunum að hans mati.
Miami býður upp á góðar samgöng-
ur jafnt til ríkja Mið- og Suður-Amer-
íku sem og til Evrópu og Bandaríkj-
anna og þar er einnig að finna stóran
hóp vel menntaðra spænskumælandi
starfsmanna. Þessir kostir setja
Miami framar öðrum borgum eins og
Mexíkóborg eða Sao Paulo þegar
velja skal stjórnstöð verslunar og við-
skipta við Rómönsku Ameríku. Af-
leiðingin er sú að hartnær fjórðungur
viðskiptalífs Miami tengist beint milli-
rílíjaverslun. Flugvöllur Miami er
annar helsti viðkomustaður erlendra
ferðamanna í Bandaríkjunum, næst á
eftir John F. Kennedy flugvellinum í
New York, og í gegnum höfnina í
Miami fer mestur hluti þeirra vöru-
flutninga sem eiga sér stað milli Róm-
önsku-Ameríku og Bandaríkjanna.
Nokkrar megin ástæður liggja að
baki þess að Miami nýtur slíkra vin-
sælda meðal alþjóðlegra fyrirtækja.
Einna helst má telja þá staðreynd að
mörg ríki Suður- og Mið-Ameríku eru
í óða önn að opna efnahagskerfi sín og
sækjast eftir auknum viðskipta-
tengslum við Norður-Ameríku. Lönd
á borð við Brasilíu, Venesúela og
Argentínu eru að hverfa frá mið-
stýrðu og lokuðu efnahagskerfi í átt til
meira frelsis og vegna hefðbundinna
48