Helgarpósturinn - 05.12.1994, Blaðsíða 24

36
MORGUNPÓSTURINN SPORT
MÁNUDAGUR 5. DESEMBER 1994
Tokyo-maraþonið
Undirbúningurinn fyrir HM
‘95: Úttekt á stöðu markvarðar
Akonay
sigurvegari
Boay Akonay frá Tansaníu sigr-
aði í Alþjóðlega Fukuoka maraþon-
inu sem fram fór í Tókyó í gær.
Tími hans var 2,09,45 og varð hann
aðeins fimm sekúndum á undan
Portúgalanum Manuel Matias
sem veitti honum harða keppni all-
an tímann.
Akonay var að vonum í skýjun-
um að hlaupinu loknu. „Þegar 37
kílómetra markinu var náð var ég
viss um sigurinn," sagði hlauparinn
sem hefur tekið þátt í þremur
maraþonhlaupum um ævina og
unnið tvö þeirra, nú síðast í Boston
fyrr á árinu á glæsilegu mótsmeti
2,o8,35.B
Nýja Greg Norman
golfmótið
Heima-
maðurinn
vann
Á s t r a 1 s k i
golfarinn Ant-
hony Gilligan
valdi rétta tím-
ann fyrir sinn
fyrsta sigur á
a 1 þ j ó ð 1 e g u
golfmóti þegar
hann vann sig-
ur í „The Greg
Greg Norman Norman Classic
í gærdag.
Gilligan, sem er 32 ára, fékk að
launum 100,000 dali en Greg Nor-
man, sem varð í öðru sæti og Mark
Calcavecchia sem varð þriðji
fengu mun minna í sinn hlut.H
Davis Cup
tennisbikarkeppnin
Svíar unnu
Svíar unnu keppnina um Davis-
bikarinn í tennis með glæsibrag á
laugardag. Það voru þeir Jan Apell
og Jonas Bjorkman sem tryggðu
sigurinn í úrslitaleik gegn Rúss-
um.l
Heimsmeistaramótið
í bobsleðaakstri
Þjóðverjar
unnu alH
Það er víst óhætt að segja að
Þjóðverjar hafi einokað verðlaunin
á heimsmeistaramótinu í bobsleða-
akstri sem fram fór í Þýskalandi um
helgina. Allar þrjár sveitir Þjóðverja
röðuðu sér í verðlaunasætin og
tókst C-sveitinni að vera á undan
B-sveitinni á lokasprettinum.B
Mikið lagt upp úr
góðri markvörshi
Niðurtalning MORGUNPÓSTS-
INS fyrir HM ‘95 heldur áfram og í
þetta sinn verður tekin fyrir staða
markvarðar. íslendingar koma til
með að leggja þunga áherslu á
markvörslu í leikjum sínum í
keppninni, og er alveg ljóst að gengi
liðsins kemur til með að ráðast
mikið af frammistöðu markvarð-
anna. Það hefur líka sýnt sig í leikj-
um liðsins hingað til að grunnur-
inn að góðu gengi hefur fyrst og
fremst legið í vörn og markvörslu.
Við höfum ætíð getað státað okkur
af frábærum markvörðum og nægir
þar að nefna Guðmund Hrafn-
keisson, Bergsvein Bergsveins-
son, Einar Þorvarðarsson og
Kristján Sigmundsson. Þeir tveir
síðasttöldu eru hættir að ieika en
hinir tveir eru í dag okkar bestu
markverðir og ef að líkum lætur
koma þeir til með að leika lykil-
hlutverk á HM.
I stórmótum á borð við HM spil-
ar reynslan stórt hlutverk. Guð-
mundur og Bergsveinn hafa báðir
töluverða reynslu með landsliðinu,
sem er mjög mikilvægt og gott
veganesti fyrir átökin. Guðmundur
hefur þó sínu meiri reynslu. Hann
hefur leikið 211 landsleiki en Berg-
sveinn 86, og eiga þeir því að baki
samtals 297 leiki með íslenska
landsliðinu. Viðmælendur MORG-
UNPÓSTSINS voru sammála um
að þetta væru þeir tveir menn sem
eiga að verja mark Islands í keppn-
inni. Það kemur svo til með að ráð-
ast á næstu mánuðum hver þriðji
markvörður íslenska liðsins verður.
Bjarni Frostason var í landsliðs-
hópi Þorbergs Aðalsteinssonar í
Alþjóðlega Reykjavíkurmótinu, og
verður hann að teljast líklegur
kandídat, en einnig má gera ráð
fyrir Sigmar Þresti Óskarssyni
sem hugsanlegum þriðja manni. En
í hverju felast helstu styrkleikar og
veikleikar þeirra Guðmundar og
Bergsveins? Því svara Kristján Sig-
mundsson, fýrrverandi landsliðs-
markvörður, og Ólafur Lárusson,
þjálfari handknattleiksliðs KR.
Kristján Sigmundsson
„Guðmundur Hrafnkelsson og
Bergsveinn Bergsveinsson koma til
með að leika langmest, kannski 90
prósent eða svo. Það er enn langt í
keppnina og því er útilokað að
segja til um það núna hvor verður
aðalmarkvörður liðsins. Eins er
ómögulegt að segja til um það hver
verður þriðji markmaðurinn. Mín
persónulega skoðun er sú að taka
eigi ungan mann inn í landsliðið,
mann sem hefur ekki endilega spil-
að landsleik áður, og skapa honum
þannig reynslu með liðinu. Við
þurfum líka að horfa til framtíðar
og þetta yrði liður í því.
Áð mínu áliti er Bergsveinn í
betra líkamlegu formi en Guð-
mundur í dag, en Guðmundur hef-
ur á hinn bóginn mun meiri
reynslu með landsliðinu, og það
kemur til með að skipta miklu máli
á HM. Hann hefur staðsetningar
fram yfir Bergsvein og ef eitthvað
er, þá ver hann meira niðri en uppi.
Þá er hann útsjónarsamur, les skot-
mennina vel með tilliti til varnar-
innar, og vinnur að öllu leyti vel
með vörninni. Veikleikar Guð-
mundar um þessar mundir felast
kannski helst í snerpunni. Þá á
hann það til að setjast of fljótt.
Hans sérgrein felst í að verja í ná-
vígum, úr hornum og af línu.
Markverðirnir eiga það sameigin-
legt að vera fljótir að koma boltan-
um í leik, og skapa þannig góð
hraðaupphlaup.
Bergsveinn er í mjög góðu formi
þessa dagana og hefur yfir mikilli
snerpu að ráða. Hann les leikinn
mjög vel en öfugt við Guðmund ver
hann minna úr návígum, og má
kannski segja að það sé veikleiki hjá
honum. Þess í stað ver en hann
meira utan af velli.“
Ólafur Lárusson
„Guðmundur Hrafnkelsson og
Bergsveinn Bergsveinsson hafa
leikið flesta landsleiki og eru með
mesta reynslu íslenskra markvarða.
Spurningin er hins vegar hver verð-
Reynsla
Staðsetningar
Útsjónarsemi
Les skotmenn vel
Markvarsla úr návígum
Fljótur að koma
bolta í leik
Snerpa
Á til að
setjast of fljótt
Gólfskot
Guðmundur Hrafnkelsson
Bergsveinn Bergsveinsson
Kristján Sigmundsson „Mark-
verðirnir eiga það sameiginlegt
að vera fljótir að koma boltanum í
leik, og skapa þannig góð hraða-
upphlaup."
Ólafur Lárusson „Guðmundur
og Bergsveinn eru frekar ólíkir
markmenn."
ur þriðji markvörður. Það verður
líklega sá sem spilar best út Islands-
mótið, og ég hef trú á að það verði
Hallgrímur Jónasson. Hann er
geysilega efnilegur markvörður og
töluvert ólíkur þeim Guðmundi og
Bergsveini. Ég tel að það væri ekk-
ert vitlaust að hafa einn ungan og
efnilegan sem þriðja markvörð til
að veita honum reynslu, og auka
um leið breiddina í liðinu.
Guðmundur og Bergsveinn eru
frekar ólíkir markmenn. Þeir eru
svokallaðir tveggja týpu mark-
menn, og það er plús fyrir liðið að
hafa svoleiðis menn innan sinna
raða. Guðmundur hefur mjög góð-
ar staðsetningar, vinnur mjög vel
með 6-0 vörn, og hefur mikla
reynslu, sem er gífurlega mikilvægt
fyrir landsliðið í stórmótum. Berg-
sveinn er hins vegar í betra líkam-
legu formi en Guðmundur, hefur
meiri snerpu, og á betri sendingar
fram völlinn í hraðaupphlaupum.
Hann skipti um félag fýrir keppnis-
tímabilið og það hefur gefið hon-
um viðbót, enda sést það bersýni-
lega á því að hann er í mjög góðri
æfingu sem síðan skilar sér í auknu
sjálfstrausti. Það vegur mjög þungt
í þessu öllu saman. Bergsveinn
sýndi á Alþjóðlega Reykjavíkur-
mótinu hvers hann er megnugur,
og var þar að öðrum ólöstuðum
besti maður íslenska liðsins. Hann
er hungraður í árangur og það
fleytir honum langt. Guðmundur
og Bergsveinn eiga það sameigin-
legt að vera mjög sterkir í styttri
færum. Hins vegar eiga þeir báðir í
erfiðleikum með skotin sem þeir
geta ekki unnið með vörninni, þar
sem vörnin lokar einu horninu og
þeir eiga að loka hinu. Einnig hafa
þeir átt í vandræðum með gólfskot-
in og hefur það háð þeim dálítið.
Markvarsla hefur löngurn verið
veikleiki hjá íslenska landsliðinu og
nú er korninn tírni til að þar verði
breyting á.“ -RM
Þjóðverjar deila enn innbyrðis
Þýski landsliðsmaðurinn
Christian Ziege tryggði Bayern
Munchen sigur á Dynamo Dresden
með tveimur fallegum mörkum á
þriggja mínútna kafla í leik liðanna
á laugardag. Sigurinn var kærkom-
inn fýrir Munchenarliðið og ætti að
gefa þeim aukið sjálfstraust fyrir
leikinn mikilvæga í Meistarakeppn-
inni á miðvikudag gegn Dynamo
Kiev.
Borussia Dortmund hélt upp-
teknum hætti um helgina og vann
sinn leik. Að þessu sinni urðu Duis-
borg fyrir barðinu á toppliðinu og
eru fá Íið líkleg til þess þessa dagana
að ná toppsætinu af Dortmund.
Eintrach Frankfurt vann sinn
leik örugglega um helgina en þó
vörpuðu snarpar innanfélagsdeilur
töluverðum skugga á sigurinn. Þrír
lykilmenn liðsins, þeir Marizio
Gaudino, Anthony Yeboah og
Jay Jay Okocha, léku ekki með
liðinu í leiknum og báru við veik-
indum eftir harðvítugar deilur við
Jupp Heynckes, þjálfara félagsins.
„Ég ætla ekki að leyfa svo vellaun-
uðum mönnum að haga sér
svona,“ sagði Heynckes eftir leik-
inn. „Mínum aðferðum breyti ég
ekki.“B
Maurizio Gaudino, þýski lands-
liðsmaðurinn hjá Eintracht Frank-
furt, er einn þeirra leikmanna sem
skyndilega veiktust í kjölfar rifr-
ildis við þjálfarann.
Dregið í ensku bikarkeppninni
Stórteikur Newcastle
og Blackbum
Ljóst er að stórleikur þriðju um-
ferðar í ensku bikarkeppninni
verður leikur Blackburn og Newc-
astle. Dregið var á laugardag.
Blackburn, sem er í efsta sæti
deildarinnar, og Newcastle, sem
vermir þriðja sætið, hafa bæði
spilað mjög vel í vetur og því er
strax byrjað að tala um leikinn
sem verður í janúar.
Enn á eftir að taka fyrir kæru
Tottenham vegna banns þeirra í
bikarkeppninni og er úrskurðar
ekki að vænta fyrr en um áramót.
Þangað til er ekki ljóst hvort utan-
deildarliðið Altrincham fer áfram í
fjórðu umferð án þess að leika.
Bikarmeistarar Manchester Un-
ited þurfa að leika gegn Sheffield
United og er það þriðja árið í röð
sem slíkt gerist.
Annars voru þessi
lið dregin saman:
Blackburn - Newcastle
Man. Utd. - Sheff. Utd.
Tottenham - Altrincham
Chelsea - Charlton
Arsenal - Millwall
Aylesbury - Q.P.R.
Enfield/Torquay - Leicester
Mansfield/Halifax - Wolves
Marlow/Woking - Swindon
Bashley/Swansea - Middlesboro
Peter Beardsley og félagar í
Newcastle eiga erfiðan leik fyrir
höndum í ensku bikarkeppninni.