Morgunblaðið - 11.02.2001, Síða 64

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 SUNNUDAGUR 11. FEBRÚAR 2001 VERÐ Í LAUSASÖLU 165 KR. MEÐ VSK.
FUGLAR eru jafnan samtaka og sammála þegar þeir hópast saman og
þeysa um loftin. Sendlingarnir í Skerjafirði eru þar engin undanteking og
þar fara þeir allir sem einn í sömu beygjuna, á sama hraða og í sama hall-
anum. Stefnan er greinilega sett á sameiginlegan áfangastað.
Morgunblaðið/Ómar
Sendlingar í Skerjafirði
Rannsókn-
arstofur
sameinaðar
STJÓRNARNEFND og fram-
kvæmdastjórn Landspítala – há-
skólasjúkrahúss (LSH) hafa ákveðið
að sameina rannsóknarstofnun Land-
spítalans við Hringbraut, rannsókn-
arstofu spítalans í Fossvogi og rann-
sóknarstofur í sýkla- og veirufræði í
Fossvogi í eina rannsóknarstofnun.
Var reikningshald rannsóknarstofa
sameinað frá og með 1. janúar sl. und-
ir nafni Rannsóknarstofnunar LSH.
Er að því stefnt að því að endurskipu-
lagning á starfsemi Rannsóknar-
stofnunarinnar leiði til 12% hagræð-
ingar á árunum 2001 og 2002
samanborið við seinasta ár.
Fram kemur í nýju yfirliti Magn-
úsar Péturssonar, forstjóra LSH, að
unnið var allt síðastliðið ár að und-
irbúningi þess að rannsóknarstofur
spítalans yrðu reknar eins og um fyr-
irtæki væri að ræða.
Fram fór kostnaðargreining á
starfseminni og hefur heilbrigðis-
ráðuneytið ákveðið hvernig viðskipt-
um við þetta fyrirtæki skuli háttað.
LSH er stærsti kaupandi þjónustunn-
ar eða um 66%, hlutdeild heilsugæsl-
unnar í viðskiptunum er um 14%,
einkareknar lækningamiðstöðvar o.fl.
standa fyrir 14% viðskiptanna, og
aðrar heilbrigðisstofnanir 6–7%.
LÍNUR eru nokkuð farnar að skýr-
ast í afstöðu ráðamanna gagnvart
þeim kostum í málefnum Reykjavík-
urflugvallar sem í raun verður kosið
um 17. mars. Yfirvöld samgöngumála
og flugmála eru á einu máli um að
Reykjavíkurflugvöllur skuli áfram
vera í Vatnsmýrinni í svipaðri mynd
og nú. Það er einnig afstaða forystu-
manna á landsbyggðinni sem rætt
hefur verið við og forystufólks í ferða-
þjónustu og flugrekstri, en sjónarmið
þeirra koma fram í einni greininni.
Verulega skiptar skoðanir eru
meðal borgarfulltrúa um val á kost-
um, sumir vilja völlinn alveg í burtu
og þá er helst horft suður fyrir Hafn-
arfjörð en aðrir sjá möguleika á því að
búa til byggingarsvæði á núverandi
flugvallarsvæði með því að flytja
meginhluta flugumferðarinnar á nýja
austur-vestur-braut sem byggð yrði
út í sjó. Þá eru þau sjónarmið einnig
uppi að halda beri flugvellinum í
óbreyttri mynd og leggja ekki í fjár-
festingar þar, til að hægt verði að losa
alla Vatnsmýrina þegar réttar að-
stæður skapast í innanlandsfluginu.
Ekki hefur verið ákveðið endan-
lega hvað spurt verður um en í um-
ræðunni nú mun vera að leggja ein-
ungis grundvallarspurninguna fyrir,
það er að segja hvort Reykjavíkur-
flugvöllur eigi að vera áfram í Vatns-
mýrinni eða fara burt eftir 2016.
Stefnt er að afgreiðslu málsins í borg-
arráði næstkomandi þriðjudag.
Í greinaflokki Morgunblaðsins um
framtíð flugvallarins, sem hefst í dag
og birtast mun í sex næstu blöðum,
kemur einnig fram að framkvæmdir
við nýjan flugvöll til snertilendinga
eru áformaðar á árinu 2003, sam-
kvæmt flugmálaáætlun. Til greina
koma nokkrir staðir á Reykjanesi, í
Melasveit og á Mosfellsheiði og er
unnið að mati á þeim. Áætlað er að
slíkur völlur kosti um 250 milljónir
kr., skv. upplýsingum samgönguráðu-
neytisins. Þegar hann kemst í notkun
mun flughreyfingum á Reykjavíkur-
flugvelli fækka um 19 þúsund, eða um
nærri því fjórðung. Ekki hafa verið
teknar ákvarðanir um framhaldið en
hugsanlegt er að einkaflugið flytjist
síðar á þennan nýja flugvöll.
Í meginatriðum má segja að reif-
aðir hafi verið fimm kostir varðandi
flugvöll undir innanlandsflugið. Í
fyrsta lagi að flugvöllurinn verði
áfram í Vatnsmýrinni með óbreyttum
hætti, í öðru lagi að gerð verði ný
austur-vesturbraut út í Skerjafjörð
sem muni losa um talsvert land í
Vatnsmýrinni, þá að gerður verði nýr
innanlandsflugvöllur við Löngusker í
Skerjafirði, í fjórða lagi að nýr flug-
völlur verði gerður í Hvassahrauni
sunnan Hafnarfjarðar og loks að inn-
anlandsflugið verði flutt til Keflavík-
ur. Þrátt fyrir þá kosti sem borginni
hefur tekist að velta upp hefur sam-
gönguráðuneytið, flugráð og Flug-
málastjórn haldið sig við fyrri af-
stöðu, þá að aðeins væri um tvo kosti
að velja, Reykjavíkurflugvöll eða
Keflavíkurflugvöll.
Ítarlegur greinaflokkur um
framtíð Reykjavíkurflugvallar
Horfur á að
kosið verði um
tvo kosti
Morgunblaðið/Árni Sæberg
 Framtíð flugvallar/10–15
MEIRI eftirspurn er nú eftir þjón-
ustu heilsugæslulækna á höfuðborg-
arsvæðinu en stöðvarnar geta ann-
ast og fjöldi fólks þarf að bíða lengi
eftir þjónustu. Fjöldi fólks er án
heimilislæknis og ekki unnt að út-
vega því lækni þar sem þeir sem þeg-
ar eru starfandi eru þegar með of
marga skjólstæðinga á sinni könnu.
Þetta kemur fram í ritstjórnar-
grein eftir Emil L. Sigurðsson, yf-
irlækni á heilsugæslustöðinni á Sól-
vangi í Hafnarfirði, í nýjasta
tölublaði Læknablaðsins. Þar kemur
einnig fram að þrjátíu heimilislækna
vanti að minnsta kosti til starfa á
höfuðborgarsvæðinu miðað við að
hver læknir skuli sinna um það bil
1.500 sjúklingum. Þyrftu þeir að
vera 120 en í dag eru þeir 90. Emil L.
Sigurðsson tjáði Morgunblaðinu að
áhugaleysi stjórnvalda á málinu væri
alvarlegt og væri nú svo komið að
heimilislæknar hyrfu úr greininni og
legðu í sérnám í öðrum sérgreinum.
Forgangsröðun ekki rétt
Emil segir í grein sinni að upp-
byggingu heilsugæslunnar á höfuð-
borgarsvæðinu miði hægt. Þjónust-
an sé vel skilgreind í lögum en láðst
hafi að búa svo um hnútana að
heilsugæslan geti sinnt hlutverki
sínu og bið sé löng eftir þjónustu.
Segir hann þetta meðal annars koma
fram í aukinni ásókn til Læknavakt-
arinnar og Barnalæknavaktarinnar.
Í samtali við Morgunblaðið segir
Emil að skorturinn sé í raun meiri en
þessir 30 læknar ef reikna eigi með
að leysa þurfi lækna af í sumar- og
námsleyfum. „Mér hefur ekki fund-
ist heilbrigðisyfirvöld forgangsraða
rétt í uppbyggingunni og eru bæði
aðstaðan og kjörin slík að unglæknar
eru ekki ginnkeyptir fyrir að leggja
þessa grein fyrir sig,“ segir Emil og
segir lítið hafa verið spurt um lausar
stöður. Átján stöður heilsugæslu-
lækna eru nú lausar víða um land og
gegna þeim unglæknar eða læknar
úr öðrum sérgreinum til bráða-
birgða. Þá segir hann að nokkuð á
annan tug lækna hafi undanfarin
misseri horfið úr greininni og hafið
sérnám í öðrum sérgreinum, m.a.
endurhæfingarlækningum og geð-
lækningum.
Emil segir jafnframt að þótt bætt
verði úr aðstöðu og unnt að fjölga
læknisstöðum dugi það eitt ekki til.
„Það þarf jafnframt að bæta kjörin
og Félag íslenskra heimilislækna
hefur markað þá stefnu að heimilis-
læknum beri sambærileg kjör og
læknum í öðrum sérgreinum. Þar er
átt við að heimilislækni sé gefinn
kostur á að vinna sjálfstætt á eigin
stofu eða á þeirri heilsugæslustöð
sem hann starfar eftir að hann hefur
uppfyllt vinnuskyldu sína. Þannig
gætu þeir fengið sambærilegar
tekjur og aðrir sérfræðingar.“ Föst
mánaðarlaun heilsugæslulækna eru
um 260.000 og eftir 15 ára starf eru
þau orðin um 290.000. Taki þeir að
sér fleiri sjúklinga en þá 1.500 sem
miðað er við hækka föstu launin fyrir
hverja 100 skjólstæðinga sem bæt-
ast við. Hámarksfjöldinn má vera
2.400 og fyrir það fá læknar um
120.000 krónur til viðbótar.
Um þrjátíu heimilislækna vantar í
heilsugæsluna á höfuðborgarsvæðinu
Læknar farnir
að leita í annað
sérnám