Morgunblaðið - 13.05.2001, Page 7

ÞAÐ er orðið langt síðan vín frá Frakklandi, sem
slæðst hefur inn á reynslulista, hefur komið mér jafn-
skemmtilega á óvart og Bordeaux-vínið Chateau
Merville 1996, sem nýlega hóf göngu sína í reynslu-
sölunni. Þetta er vín frá svæðinu Saint-Estephe,
nyrst á Médoc-skaga, karaktermikið og öflugt. Í nefi
reykur og jörð, karamella og sykraður rabarbara-
grautur. Vínið er farið að sýna byrjandi þroska í lit og
bragði og sýnir vel hvers vegna Bordeaux heillar svo
marga vínunnendur án þess þó að kosta allt of mikið,
eða 1.970 krónur. Vínið hefur góða lengd, fyllingu og
bragðdýpt og ætti að henta vel með jafnt lambakjöti
sem nautakjöti eða þá þurrum ostum. Vín sem ég
mæli eindregið með sem góðum kaupum miðað við
verð.
Gömlu, sígildu víngerðarríkin í Evrópu hafa átt
nokkuð undir högg að sækja upp á síðkastið, sem
greinilega sést á sölutölum hjá ÁTVR síðastliðin ár.
Spennan hefur verið meiri í kringum til dæmis Chile,
Ástralíu og nú einnig Suður-Afríku og Argentínu. Að
vissu leyti hefur það verið verðskuldað, þar sem vín
þaðan hafa verið fersk og spennandi og að auki oft á
betra verði miðað við gæði en mörg vín frá Evrópu.
Það er þó alls ekki algilt og vönduðu evrópsku vínin
ættu ekki að gleymast í nýjabruminu.
Einn besti framleiðandi Frakklands, og þótt víðar
væri leitað, er Marcel Guigal, sem smám saman hefur
verið að byggja upp mikið veldi í norðurhluta Rónar.
Bestu vín hans eru mjög eftirsótt og því fagnaðarefni
að flest þeirra skuli fást hér á landi. Þrjú rauðvín frá
Guigal eru fáanleg hér (þau allra bestu eru til í það
litlu magni, hingað koma einhverjir tugir flaskna á
ári, að þau eru einungis seld til veitingahúsa).
Einfaldasta vín Guigal er Cotes du Rhone 1998
(1.520 krónur). Það er dökkt á lit með ágengan ilm
þar sem kirsuber, þroskuð og dökk, eru í fyrirrúmi. Í
munni er vínið þétt, kryddað með miklu lakkrískeim.
Vín fyrir allt kjöt, t.d. grillsteikur.
Þekktastur er Guigal þó fyrir Cote Rotie vín sín frá
hæðunum við heimabæ hans Ampuis. Einnar ekru
vín hans eru með eftirsóttustu vínum heims en Cote
Rotie Cote Brune et Blonde 1994 (3.230 krónur) sýnir
vel stíl hans og sérkenni. Öflugt en jafnframt fínlegt
og fágað, í nefi þroskaður ávöxtur, rúsínur, lyng og
rjúpublóð. Í bland við þetta þó nokkur eik sem samt
er ekki áberandi heldur smýgur inn í alla aðra þætti
vínsins og myndar fullkomna heild líkt og vera bera í
góðum vínum. Mann beinlínis langar í villibráð þegar
þetta vín er smakkað. Það gengur hins vegar með
mörgu öðru, enda ekki algengt að sjá rjúpur á
borðum á heimaslóðum Guigals. Vín fyrir þau
tækifæri sem menn vilja gera vel við sig og vand-
að er til matargerðarinnar. Hreinasta sælgæti og
gæti vel batnað næstu fimm árin.
Frá hinum grýttu ekrum Chateauneuf-du-
Pape kemur síðan vín frá hinum stórgóða ár-
gangi 1997. (2.650 krónur). Það hefur nokkuð
„sveitalegan“ ilm, mikið leður og tóbak, sætir
villisveppir og jafnvel smá malbik. Þétt og mik-
ið, mikil sól og þroski í ávextinum, milt og
tannín mjúk. Enn og aftur mikið matarvín,
sem hægt er að velja með ýmsu. Væri vel
hægt að nota sem lúxus-grillvín með bestu
nauta- og lambasteikunum.
Vín Guigals standa svo sannarlega und-
ir nafni og nú þegar ekki lengur er óal-
gengt að sjá vín frá Ástralíu, Kaliforníu
og jafnvel Chile á 3-5.000 krónur eru
betri vín Frakklands allt í einu orðin
virkilega góð kaup.
Eftir þessi orð er kannski við hæfi
að benda á tvö góð Kaliforníuvín. Ég
fjallaði í síðustu viku um vín hin ágæta
Kaliforníuframleiðanda Robert Mond-
avi, sem markað hefur djúpari spor í
vínframleiðslu Bandaríkjanna en flest-
ir aðrir.
Meðal þeirra vína hans sem nú eru
fáanleg hér eru tvö vín úr hinni „kali-
fornísku“ þrúgu Zinfandel.
Woodbridge Zinfandel 1998 (1.270
krónur), sem selt er á aðallista ÁTVR.
Þetta er þægilegur Zin, góður berja-
keimur, sveskjugrautur og krydd,
jafnvel kanill. Heitur ávöxtur og þægi-
legur.
Í línunni fyrir ofan Woodbridge er
svo fáanlegt á sérlista vínið Coastal
Zinfandel (1.630 krónur). Súkkulaði-
hjúpuð kirsuber og ríkjandi lakkrís.
Ekki í þessum þykka áfenga og eikaða
stíl sem svo algengur er í kaliforn-
ískum Zinfaldelvínum þessa stundina
heldur fremur skarpt og sýrumikið,
sem gerir það að góðu matarvíni.
sts@mbl.is
Vín vikunnar
MORGUNBLAÐIÐ SUNNUDAGUR 13. MAÍ 2001 B 7
VÍNBARINN í Kirkjuhvoli er
með þéttskipaða dagskrá í
þessum mánuði og ýmislegt um
að vera fyrir vínáhugamenn.
Nú í dag lýkur Elsass-viku en
við tekur Torres-vika, þar sem
lögð verður áhersla á vín þess
ágæta katalónska framleið-
anda. Meðal annars verður boð-
ið upp á þekktasta rauðvín
hans, „svarta miðann“ eða Mas
la Plana. Þann 28. maí verður
svo Yalumba-vika þar sem vín
samnefnds ástralsks framleið-
anda verða í öndvegi og meðal
annars boðið upp á vínið Maw-
sons. Af öðru sem í gangi er má
nefna smökkun á Cabernet
Sauvignon vínum frá Chile nú á
miðvikudaginn, en það vín sem
kemur best út úr þeirri keppni
verður Cabernet Sauvignon-
vín ársins á Vínbarnum.
Vínþjónar gefa grillráð
Vínþjónarnir á veitinga-
staðnum Sommelier verða með
tvö námskeið á næstu vikum,
þann 16. maí og 30. maí þar sem
sérstök áhersla verður lögð á
að skoða vín sem henta vel með
grillmat. Skráning á námskeið
er á heimasíðu veitingastaðar-
ins, www.sommelier.is
Freisting með nýja heimasíðu
Matreiðsluklúbburinn
Freisting hefur opnað nýja og
endurbætta heimasíðu en
markmið hennar er að verða að
„fréttamiðli veitingageirans“.
Slóðin er www.freisting.is.
Ýmislegt
á Vín-
barnum