Morgunblaðið - 13.05.2001, Qupperneq 14






 


 

     




!
"
#
$
%
&
'
(

!&
(
&(
#(
!&
$
'
#
"
"
#

)*+, 



 
 
 

 
 
 
 
 


)-, .
14 B SUNNUDAGUR 13. MAÍ 2001 MORGUNBLAÐIÐ
Bíllinn er mun
skemmtilegri í
millihröðun
vegna mikils
togs vélarinnar.
PORSCHE Carrera GT verður senuþjófurinn á
sportbílasýningu sem haldin verður í Laug-
ardalshöll dagana 24.–27. maí nk. Bíllinn er
fluttur inn af Bílabúð Benna en hér er um að
ræða sýningarbíl sem ekki er farinn í framleiðslu,
og verður það því að teljast mikil rós í hnappagat
Porsche-umboðsins á Íslandi að fá þennan fá-
gæta grip hingað til lands. Aðeins tveir slíkir
bílar eru til og fékk Bílabúð Benna sérstakt leyfi
frá Dr. Wendelin Wiedeking, stjórnarformanni
Porsche, til að sýna bílinn hér. Hann mun
kosta án tolla og gjalda 750.000 þýsk
mörk þegar hann verður
framleiddur, en það
samsvarar til
rúmlega 33
milljóna
ÍSK.
Carrera
GT var
frum-
sýndur í
Louvre-safninu í París haustið 2000 og nokkr-
um dögum síðar á bílasýningunni í París, þar
sem hann var óvæntasta uppákoma sýning-
arinnar.
Þótt Carrera GT teljist vera götubíll byggist
öll smíði hans á lögmálum keppnisbílsins. Mesta
þyngdin er um hann miðjan og næst með því
sem jöfnust þyngdardreifing milli fram- og aftur-
ása. Yfirbyggingin er úr koltrefjaefni sem dregur
úr þyngd en veitir jafnframt mikla vörn sökum
mikils styrkleika. Bíllinn vegur 1.250 kg, hann er
afturhjóladrifinn og með sex gíra, handskiptum
kassa. Porsche segir að búast megi við að bíllinn
nái allt að 330 km hámarkshraða og hröðun úr
kyrrstöðu verði undir fjórum sekúndum. 200
km hraða á bíllinn að ná á 10 sekúndum.
Vélin er 5,5 lítra, V10 sem skilar að hámarki
558 hestöflum og togið er 600 Nm að hámarki.
Vélarblokkin er gerð úr hitaþolnum léttmálmi.
Bíllinn er á 19 tommu felgum að framan og 20
tommum að aftan og þær eru úr magn-
esíumblöndu. Diskabremsurnar eru 380 mm í
þvermál, 50 mm stærri en í Porsche Turbo. Þær
eru gerðar úr götuðu keramiki, vega 50% minna
en hefðbundnir diskar og eru að auki mun hita-
þolnari.
Carrera GT var
frumsýndur í
París sl. haust.
Carrera GT
til Íslands
Morgunblaðið/Árni Sæberg

SAMKVÆMT heimildum undirbýr GM að tilkynna
upp úr miðjum mánuði kaup á stórum hlut í hinu
gjaldþrota fyrirtæki Daewoo Motors. Haft var eftir
Jin Nyum, fjármálaráðherra landsins, í kóreskum
fjölmiðlum sl. föstudag að samningar þar um væru
á lokastigi.
GM undirbýr kaup á Daewoo

FULLVÍST
má telja að
margir leggi
sig í óþarfa
hættu við
aksturinn með
því að stilla
ekki hnakka-
púða bifreið-
arinnar rétt. Í
Bretlandi var
nýlega gerð könnun á 500 bílum og kom í ljós að
55% þeirra voru með ranglega stilltan hnakkap-
úða. Talið er að verulega megi draga úr kostnaði í
heilbrigðisþjónustunni með því einu að fleiri stilli
púðana rétt en þeir geta með réttri notkun dregið
úr eða komið í veg fyrir hálshnykk í aftanákeyrslu.
Efsti hluti hnakkapúða á að vera í sömu hæð og
hvirfill þess sem í sætinu situr. Hann á jafnframt
að vera eins nærri höfðinu og hægt er. Sumir bílar,
þ.á m. Renault og Nissan, hafa sjálfvirka hnakka-
púða sem færast nær höfði ökumanns og farþega í
framsæti þegar högg kemur aftan á bílinn og grípa
þannig höfuðið áður en hnykkur kemur á hálsinn.
Röng notkun hnakkapúða

HAGNAÐUR Kia í Suður-Kóreu eftir skatta er
um 89,4 milljónir dollara á fyrsta ársfjórðungi.
Talsmenn Kia, sem er að stærstum hluta í eigu
Hyundai, segja að þetta sé 117,5% aukning á
hagnaði frá fyrsta ársfjórðungi 2000 og rekja
megi þessa góðu afkomu m.a. til veikrar stöðu
kóreska wonsins sem lækkaði um 4,7% á tíma-
bilinu gagnvart dollar.
Alls seldust tæplega 215 þúsund bílar, sem er
7,1% aukning, en sala á útflutningsmarkaði jókst
um 22,1%.
Mikill hagnaður hjá Kia
HYUNDAI Terracan, nýi jeppinn frá
Hyundai, verður frumsýndur hér á landi upp
úr miðjum maí. Að sögn Ernu Gísladóttur,
framkvæmdastjóra B&L, á jeppinn sér tölu-
verðan aðdraganda. Áætlanir um framleiðslu
hans hafa legið fyrir allt frá árinu 1992, en
svo skemmtilega vill til að smiðshöggið á
hönnun hans og framleiðsluáætlanir var end-
anlega rekið á Evrópufundi Hyundai, sem
gengist var fyrir hér á landi á árinu 1999.
Styttri og breiðari
en Land Cruiser 90
Terracan kemur í kjölfar jepplingsins
Santa Fe, fjölnota Starex 4x4 og Galloper
jeppans. Að sögn framleiðandans leiddu
kannanir í ljós skýra kröfu um lægri þyngd-
arpunkt en almennt gerist í jeppum af
stærri gerð. Hlutföll nýja Hyundai jeppans á
milli hæðar og breiddar taka af þessu mið,
en sem dæmi má nefna að Terracan, sem er
alls 4.710 mm langur, 1.860 mm breiður og
1.790 mm hár, er 4,5 cm styttri, 4,0 cm
breiðari og 7,0 cm lægri en t.a.m. Toyota
Land Cruiser 90. Þótt ekki muni meiru en
raun ber vitni, nægir það, að sögn Hyundai,
til að auka stöðugleika Terracans í sam-
anburði við sambærileg farartæki.
Fjöðrunarkefi bílsins er mjög svipað öðr-
um jeppum á markaðinum eða tvöföld sjálf-
stæð gormafjöðrun með efri og neðri spyrn-
um að framan. Að aftan er gormafjöðrun
með hliðarstífu. Auðvelt er að hækka bílinn
upp fyrir t.a.m. 33" og 35" breytingar.
ABS-hemlavörnin í Terracan er af nýjustu
gerð með diskabremsum á öllum hjólum, auk
þess sem hann er búinn út með EBD, sjálf-
virkri álagsdreifingu, sem dreifir bremsu-
álagi jafnt á milli öxla með tilliti til farþega-
og hleðsluþunga bílsins. Við það rásar bíllinn
síður og hemlunarveglengd styttist. Jafn-
framt er Terracan útbúinn EST-kerfi,
(Electrical Shift Transfer), sem auðveldar
stjórnun millikassans, þannig að bíllinn
rennur áreynslulaust á milli afturhjóladrifs,
fjórhjóladrifs eða fjórhjóladrifs í lágum gír.
ATT-kerfið, (Active Torque Transfer), sér
síðan um að setja bílinn í háa drifið þegar
hraðinn er orðinn meiri en 80 km/klst. Auk
þess sem þessi búnaður gerir drifin einföld
og lipur í notkun, dregur hann úr bens-
ínnotkun, þar sem fjórhjóladrifið fer sjálf-
krafa úr sambandi við eðlilegar eða kröfulitl-
ar akstursaðstæður. Enn fremur gefur
búnaðurinn nýja Hyundai jeppanum einn
besta beygjuradíusinn í sínum flokknum eða
5,9 metra, sem er ekkert ósvipað venjulegum
fólksbíl. Terracan jeppinn er byggður á sér-
staka stálgrind, sem myndar ásamt sér-
styrktum hliðar- og þakbitum, rammgerða
hlíf utan um ökumann og farþega.
Að sögn B&L er verð á bílnum ekki frá-
gengið.
Hyundai Terracan kominn
Hyundai Terracan verður kynntur um miðjan mánuðinn hjá B&L. Terracan er nokkru styttri en Toyota Land Cruiser 90 en breiðari.
Hægt verður að hafa bílinn sjö manna.
Fjögurra manna kúpu-
bakur frá Opel