Morgunblaðið - 13.05.2001, Blaðsíða 23

MORGUNBLAÐIÐ SUNNUDAGUR 13. MAÍ 2001 B 23
bíó
Í HEIMI þar sem gamlarhasarhetjur eiga erfitt upp-dráttar bregður svo við að
ein sísta þeirra, Steven Seagal,
gerir mynd sem gengur vel í
miðasölunni í Bandaríkjunum
og setur hann aftur á kortið ef
svo má segja. Myndin heitir
Exit Wounds og er ekkert betri
eða verri en aðrar Seagal-
myndir til forna en á meðan
hetjur eins og Chuck Norris,
Jean Claude van Damme, Sly Stall-
one og Arnold Schwarzenegger
eru svona allt að því að hverfa
af hvíta tjaldinu (Schwarzenegger
gæti bjargað sér með Tortím-
andanum 3), tekur Seagal á sig
rögg og gerir sölumynd eftir
mörg mögur ár. Hvað sem öðru
líður verður ekki annað sagt en
Seagal eigi heiður skilinn fyrir
þrjóskuna í sér – og að halda
vinsældum í síharðnandi heimi
harðhausanna.
Seagal er fæddur í Detroit
(nýjasta myndin hans gerist
þar) árið 1951 og verður því
fimmtugur á þessu ári. Hann
ber aldurinn vel, hnarreistur og
höfðinglegur í fasi, lipur vel og
yfir honum stóísk ró bardaga-
kappans; hann pírir augun,
sveiflar taglinu og setur sig í
stellingar sem minna á Bruce Lee og
svo byrja beinbrotin.
Hann bjó í Japan um árabil og
stundaði þar aikido-sjálfsvarnarlist
að eigin sögn og þegar hann snéri
aftur til Bandaríkjanna tók hann að
kenna bardagalistir hinum ríku og
frægu í Hollywood. Einn af nem-
endum hans var sérlega áhrifamikill
umboðsmaður leikara og leikstjóra,
Michael Ovitz að nafni (stjarna þess
manns hefur hnigið talsvert síðan),
og hann gerði samning fyrir hönd
bardagakennara síns um að Seagal
fengi að framleiða, skrifa handrit að,
leika í og leikstýra hasarmynd sem
fékk nafnið Above the Law (sagt er
að Ovitz hafi unnið eftir þeirri kenn-
ingu að hann gæti gert hvern sem er,
hvenær sem er, að stjörnu).
Þetta var árið 1987 og myndinni
var ákaflega vel tekið. Nýr harðhaus
hafði fæðst sem keppti við lakari
gerð hasarmyndaleikara eins og
Norris og Damme og jafnvel Stallone og
hafði stundum betur. Fleiri myndir í
anda Above the Law fylgdu í kjölfar-
ið og þótti Seagal ágætt að notast við
sömu formúluna aftur og aftur: Hann
er besta löggan af þeim öllum, alltaf
upp á kant við yfirboðara sína en
hefur að lokum sigur þegar hann
sendir ótölulegan fjölda ómenna yfir
móðuna miklu.
Myndirnar hétu eitthvað eins og
Hard to Kill og Marked for Death og
Out for Justice og dæmigert var að
Seagal léki löggu sem gat heitið til
dæmis Mason og einhver sagði um
hana fullur aðdáunar: Mason er mest
óstöðvandi lögga sem ég þekki
(handritin voru ekki sterkasta hlið ai-
kido-hetjunnar). Einnig kom fram að
löggan „færi ekki alltaf eftir lagabók-
stafnum“ í starfi sínu í þeim tilgangi
„að henda út ruslinu.“
Mjög var farið að halla undan fæti
þegar Seagal bjargaði sér með mynd-
inni Under Siege og náði til jafnvel
stærri áhorfendahóps en nokkru
sinni áður. Myndin var furðu vel
gerð; Seagal lék kokk sem fékkst við
skæruliðann Tommy Lee Jones og
bjargaði málum. Rétt eins og Under
Siege var fín, var næsta mynd, On
Deadly Grounds, agalega vond. Seag-
al plataði Michael Caine (þurfti kannski
ekki beint að nota þumalskrúfur) til
þess að fara með hlutverk óþverrans
og hefur leikferill Caines varla gerst
aumari.
Þannig hefur þetta gengið hjá
harðhausnum, upp og niður. Ein
besta mynd Seagals er Executive
Decision en þar lætur hann lífið eftir
fimmtán mínútur og Kurt Russell tek-
ur við stjórninni. Seagal gerði The
Glimmer Man, sem litla athygli vakti
og var kominn niður í kapalmyndir
(The Patriot) þegar fór að vora hjá
honum aftur með Exit Wounds.
Hvað svo sem segja má um Steven
Seagal að öðru leyti verður því ekki
neitað að hann kann að bjarga sér í
Hollwyood. Líklega er hann eins og
kötturinn, handhafi níu lífa.
Hin níu líf
Seagals
Arnaldur Indriðason
SVIPMYND
Steven Seagal
kenndi umboðsmanninum Michael
Ovitz sjálfsvarnaríþróttir. Ovitz leist
svo vel á kennara sinn að hann hét því
að gera hann að stjörnu og útvegaði
honum samning hjá einu af stóru kvik-
myndaverunum: Seagal fékk að leik-
stýra, leika í, skrifa og framleiða Above
the Law árið 1987 og þar með hófst
ferill harðhaussins, sem stendur með
nokkrum blóma nú um stundir eftir
mörg mögur ár.
NÝLEGA voru afhent í Los Angeles fimmtu al-
þjóðlegu stjörnuverðlaunin, sem kölluð eru Krist-
allinn og stofnuð voru til að efla samskipti evr-
ópskra og bandarískra kvikmyndagerðarmanna.
Það var alþjóðleg dómnefnd 13 listamanna sem
valdi verðlaunahafana og kaus milli þeirra á Net-
inu. Formaður dómnefndar var Geraldine Chaplin,
Timothy Bottoms var varaformaður en meðal hinna
11 voru Edward Albert, Sonia Braga, Bo Derek, Whoopi
Goldberg, Michael Keaton, Julie Newmar, William Shatner
og síðast en ekki síst Friðrik Þór Friðriksson. Friðrik
Þór og fleiri dómnefndarmenn afhentu verðlaunin
við hátíðlega athöfn vestra en meðal verðlauna-
hafa voru Charlize Theron, Laura Linney, Nancy Meyers
og Lauren Shuler Donner. Eins og sjá má eru konur í
sigti Kristalsins og þess má geta að Björk var með-
al þeirra sem tilnefndar voru fyrir tónlist.
Friðrik Þór í góðum félagsskap
Friðrik Þór
Nýttu
tímann vel!
Nýsköpun 2001 er nú á fullri ferð og enn er nægur tími fyrir þau sem láta
ekkert stoppa sig!
Þú hefur tíma til 31. maí til að skila okkur viðskiptaáætlun eða
hugmyndalýsingu (Evrópukeppnin).
Það eru ekki bara peningaverðlaun í boði, heldur fá allir, sem senda
fullnægjandi viðskiptaáætlun, vandaða umsögn sérfræðinga. Einnig verða valdir
fulltrúar Íslands í sérstaka Evrópukeppni um viðskiptahugmyndir.
Skráðu þig núna, það er án skuldbindinga!
Skilafrestur er til 31. maí nk.
Nánari upplýsingar fást í síma 510 1800
og á www.spar.is/n2001.
Fyrirspurnir með tölvupósti sendist á nyskopun@spar.is