Morgunblaðið - 27.06.2001, Síða 11

FRÉTTIR
MORGUNBLAÐIÐ MIÐVIKUDAGUR 27. JÚNÍ 2001 11
NIÐURSTAÐA endurskoðunar
Fasteignamats á fasteigna- og bruna-
bótamati er sú að brunabótamat
lækkar um 4% að meðaltali á lands-
vísu, en fasteignamat hækkar um
14% að meðaltali, þar af nemur
hækkun mannvirkjamats 9% og
hækkun landmats 52%. Matið geng-
ur í gildi 15. september næstkom-
andi.
Sveitarfélög miða fasteignagjöld
við fasteignamat og segir Kristín
Hilmarsdóttir, fjármálastjóri Garða-
bæjar, að reglan sé sú að fasteigna-
gjöld hækki í samræmi við fasteigna-
mat, enda séu fasteignagjöld visst
hlutfall af fasteignamati.
Þannig hafi þetta þau áhrif að fast-
eignaskattar í Garðabæ hækki sjálf-
krafa um 16%, eða sem nemur hækk-
un fasteignamatsins, nema ef vera
skyldi að álagningaprósentan yrði
lækkuð til að vega upp á móti hækk-
uninni, en þaðyrði að sjálfsögðu póli-
tísk ákvörðun. „Ég býst samt ekki við
að það verði gert því við erum alveg í
lágmarki með álagningu á fasteigna-
skattinum miðað við önnur sveitar-
félög,“ segir Anna.
Hún segist telja nauðsynlegt að fá
skýringar á því hvað liggi að baki
hækkun fasteignamatsins.
„Við erum að fá þetta í hendurnar
og munum skoða í hverju þetta ligg-
ur. Sérstaklega þarf að athuga
hvernig á þessu stendur með land-
matið, sem hækkar um 113% í Garða-
bæ,“ segir Kristín.
Tilgangur endurskoðunarinnar
að samræma fasteignamatið
Haukur Ingibergsson, forstjóri
Fasteignamats ríkisins, segir að tölu-
vert væri um að fólk hefði samband
og legði fram fyrirspurnir varðandi
þessar breytingar. Flestar spurning-
ar snerust um lækkun brunabóta-
matsins sem gjarnan væri sett í
samband við söluverð eigna.
„En í sjálfu sér er brunabótamat
ótengt söluverði og á bara að end-
urspegla byggingarkostnað ef tjón
verður á eigninni,“ segir Haukur.
Hann segir að tilgangur endur-
skoðunar á fasteigna- og brunabóta
matinu hafi einkum verið sá að sam-
ræma matið, svo sé það yfirvalda að
ákveða hvort og þá hvaða áhrif breyt-
ingarnar hafa á ýmis gjöld.
„Fasteignamat ríkisins á að
ákvarða fasteigna- og brunabótamat,
þannig að það endurspegli það sem
lög segja til um. Það er síðan annarra
aðila, Alþingis og sveitarstjórna, að
ákveða hvenær fasteigna- eða bruna-
bótamat er notað sem skattstofn og
þá hver álagningarprósentan er,“
segir Haukur.
Pólitísk ákvörðun að breyta
álagningarprósentunni
Anna Skúladóttir, fjármálastjóri
Reykjavíkurborgar, segir að ekki sé
búið að taka ákvörðun um það hjá
borginni hvort fasteignagjöld verði
hækkuð í kjölfar umræddrar hækk-
unar á fasteignamati, en hækkunin er
15% að meðaltali í Reykjavík.
„Við erum ekki búin að fá skrána í
hendurnar, þannig að við vitum ekki
hvað þetta þýðir fyrir fasteignaskatta
borgarinnar,“ segir Anna. Hún segir
að næsta skref verði að reikna út
fasteignagjöld þar sem nýtt fast-
eignamat verði notað sem skattstofn,
„en það yrði gert til þess að vita hvað
þetta myndi þýða fyrir skatttekjur
borgarinnar. Þegar það liggur fyrir
geta menn farið að velta því fyrir sér
hver staðan er,“ segir Anna. Hún
segir að það sé að sjálfsögðu pólitísk
ákvörðun að breyta álagningarpró-
sentunni, en áður en niðurstöður áð-
urnefndra útreikninga liggja fyrir
segir hún engar forsendur vera fyrir
því að taka slíka ákvörðun.
Fasteignamat á að
endurspegla gangverð eigna
Að sögn Hauks Ingibergssonar var
fasteignamatið endurskoðað vegna
samræmingar annars vegar og hins
vegar sem svar við beiðni sem barst
Fasteignamati ríkisins í fyrra, frá
sveitarfélögunum á höfuðborgar-
svæðinu um að endurskoða fast-
eignamat þar. Í kjölfar þeirrar beiðni
fór fjármálaráðuneytið fram á að hið
sama yrði gert á öllum þéttbýlisstöð-
um landsins.
„Við erum að samræma fasteigna-
mat, en fasteignamat á að endur-
spegla gangverð eigna. Kaupsamn-
ingar sýna hvert er gangverð eigna
og undir þessum breytingum á fast-
eignamatinu liggja upplýsingar úr
17.000 sölusamningum frá síðustu
misserum,“ segir Haukur.
Mat á landverði hækkar almennt
mun meira en mat á fasteignum og á
það við alls staðar um landið.
„Það endurspeglar hækkun und-
anfarinna ára á verðmæti lands um
allt land og kostnað við gatnagerð-
artengi og lagnagerð og annan kostn-
að sem þarf að leggja í lóðir,“ segir
Haukur.
Tilgangurinn fyrst og
fremst að samræma matið
Hvað endurskoðun brunabótamats
varðar var tilgangurinn fyrst og
fremst sá, segir Haukur, að sam-
ræma matið. Hann bendir á að
brunabótamatið hafi í mörgum tilfell-
um verið áratuga gamalt og þá ekki
metið með eins samræmdum verk-
lagsreglum og æskilegt hefði verið.
„Þannig var kannski meiri munur í
brunabótamati hliðstæðra eigna en
æskilegt er. Markmiðið með endur-
mati brunabótamats er að samræma
mat hliðstæðra eigna, þannig að allir
sitji við sama borð. Einnig að tryggja
að matið endurspegli það sem það á
að endurspegla, sem er sá bygging-
arkostnaður sem fer forgörðum í eldi,
ef brennur,“ segir Haukur.
Við endurskoðun brunabótamats-
ins var innleidd breyting samkvæmt
breytingu á lögum um brunabótamat
sem gerð var árið 1999. Í henni felst
að í brunabótamati skuli taka tillit til
afskrifta „með hliðsjón af aldri, sliti,
viðhaldi og ástandi eignar og við höf-
um verið að vinna að því síðan þessi
lagabreyting var gerð með því að
setja ákveðnar afskriftarreglur inn í
brunabótamatið,“ segir Haukur, en
þá lækki brunabótamatið eftir
ákveðnum reglum með hækkandi
aldri húsa.
Niðurstaða endurskoðunar á fasteignamati er 14% hækkun að meðaltali
Ekki ljóst hvaða áhrif hækk-
unin hefur á fasteignagjöld
FYRSTA flugvél Tryggva Helga-
sonar, sem var fengin hingað til
lands árið 1959 til að sinna
sjúkraflugi, var meðal 11 flugvéla
sem tóku þátt í hópflugi Félags ís-
lenskra einkaflugmanna í tilefni
Jónsmessunætur, en vélarnar
lentu á flugvellinum í Grímsey á
föstudagskvöld.
Liður í sumardagskrá Félags
íslenskra einkaflugmanna
Hópflug meðlima í Félagi ís-
lenskra einkaflugmanna var farið
í tilefni Jónsmessunætur og flugu
ellefu flugvélar frá Reykjavík í
miðnætursólinni, en að minnsta
kosti einu sinni áður hafa fleiri
vélar verið í Grímsey á sama tíma
eða alls 18. Félagið bauð síðan í
kaffi og kökur í gistiheimilinu
Básum er til Grímseyjar var kom-
ið.
Að sögn Hjalta Geirs Guð-
mundssonar, formanns Félags ís-
lenskra einkaflugmanna, er svona
flug að verða árlegur viðburður
hjá félaginu. Félagið mun líka
standa fyrir fleiri uppákomum í
sumar og er það allt liður í sum-
ardagskrá félagsins.
Jón Karlsson flugvirki á Ak-
ureyri segir að vél Tryggva hafi
verið smíðuð árið 1957, en að
hann hafi fengið hana hingað árið
1959. Þetta hafi verið fyrsta vélin
sem Tryggvi lét flytja til Íslands
en hún er tveggja hreyfla af gerð-
inni Piper apache 150.
„Hún þótti þá nokkuð merkileg
vél, sem innlegg í sjúkraflugið, en
hún var fyrst og fremst keypt fyr-
ir sjúkraflug og leiguflug,“ segir
Jón.
Endurbyggð
og í fínu lagi
Jón segir að vélin hafi verið í
mjög góðu ástandi þegar hætt
hafi verið að nota hana fyrir rúm-
lega aldarfjórðungi, þegar
Tryggvi hætti flugrekstri sínum á
Akureyri.
„Hún var ekki notuð í mörg ár,
en var svo aftur endurbyggð og
ég held að hún líti mjög vel út og
sé í fínu lagi í dag,“ segir Jón.
Einkennisstafir vélarinnar og
kallmerki er TF JMH og var vélin
sú fyrsta sem fékk einkennisstafi
sem hefjast á JM. Síðar fengu all-
ar vélar Tryggva stafina JM,
ásamt einum bókstafi til viðbótar
og voru þessir einkennisstafir
seinna teknir upp af Flugfélagi
Norðurlands, sem og af Flug-
félagi Íslands.
„Þetta kallmerki verður til af
því að bróðir Tryggva, sem fórst í
sjúkraflugi, hét Jóhann Magnús
Helgason, þaðan koma þessir staf-
ir,“ segir Jón.
Ellefu vélar lentu í Grímsey í miðnæturflugi Félags íslenskra einkaflugmanna á Jónsmessunótt
Morgunblaðið/Anna
Ellefu flugvélar lentu í Grímsey í miðnætursólinni aðfaranótt laugardags. Fyrsta flugvél Tryggva Helgasonar, tveggja hreyfla vél sem ber einkennisstafina TF JMH, er lengst til hægri á
myndinni. Vinstra megin er flugstöðin í Grímsey, þá bærinn að Básum og til hægri má sjá fólk við vegvísinn sem sýnir vegalengdina til nokkurra stórborga.
Fyrsta
flugvél
Tryggva
Helgasonar
með í för
METAÐSÓKN er að námi við
Kennaraháskóla Íslands og hafa
aldrei fleiri verið teknir inn í skól-
ann en nú. Verða nemendur Kenn-
araháskólans rúmlega 1800 næsta
skólaár. Tæplega 1000, eða 54%
nemenda skólans, munu stunda
nám sitt sem fjarnám og búa þeir á
meira en 60 stöðum víðsvegar um
landið og í tíu löndum utan Íslands.
Aðrir nemendur stunda staðbundið
nám í Reykjavík og við Íþrótta-
fræðasetur Kennaraháskólans á
Laugarvatni.
Alls bárust 1081 umsókn um
nám við skólann að þessu sinni og
fá 804 nýnemar skólavist, 620 á sex
námsbrautum í grunndeild skólans
og 190 á átta námsbrautum í fram-
haldsdeild, þar af rúmlega 30 sem
hefja rannsóknartengt meistara-
og doktorsnám. Fjölmennasta
námsbraut við Kennaraháskólann
er grunnskólakennaranám til
B.Ed.-prófs og hefja rúmlega 300
nýnemar það nám í haust (175
staðnám og 127 fjarnám), en það er
veruleg aukning frá því sem verið
hefur. Vaxandi aðsókn er líka að
íþróttafræðinámi við Kennarahá-
skólann.
Í haust mun í fyrsta sinn hefjast
fjarnám í þroskaþjálfun til B.A.-
prófs, auk þess sem boðið verður
upp á tvær nýjar námsbrautir í
fjarnámi, þ.e. viðbótarnám í
íþróttafræði til B.S.-prófs og dip-
lómunám í tómstunda- og félags-
málafræði fyrir starfsfólk sem
vinnur að tómstundamálum í
grunnskólum, framhaldsskólum,
félagsmiðstöðvum, íþrótta- og
æskulýðsfélögum og á öðrum vett-
vangi tómstunda og frítíma.
Rúmlega 1800 nemendur við Kennaraháskóla Íslands næsta haust
Um 54% nemenda verða í fjarnámi

 

 

    
 

 
'  


 
  

 



 


   

 
   



 !
"#$
"$
%$
#$
&$
&$
&$
%'$
'$
($
)*

%($
""#$
"''$
%#%$
'+$
&&$
(,$
#+$
"-.$
#&$
/
0


"&$
"'$
"+$
".$
""$
.$
""$
%+$
"#$
"%$
 1
"#$
"$
#$
&$
%$
,$
,$
%$
"$
%$