Morgunblaðið - 27.06.2001, Síða 14

HÖFUÐBORGARSVÆÐIÐ
14 MIÐVIKUDAGUR 27. JÚNÍ 2001 MORGUNBLAÐIÐ
FRAMKVÆMDIR við nið-
urrif hitaveitustokksins sem
liggur frá Mosfellsbæ til
Reykjavíkur hafa verið
stöðvaðar í miðbæ Mosfells-
bæjar vegna athugasemda
um að varðveita eigi stærri
hluta hans en til stóð. Þjóð-
minjavörður segir stokkinn
merkar minjar um sögu hita-
veitunnar enda sé hann eini
varðveitti stokkurinn sem
eftir sé.
Eins og Morgunblaðið
greindi nýverið frá eru tvö
ár síðan heitt vatn var tekið
af stokknum. Að sögn Jó-
hanns Sigurjónssonar, bæj-
arstjóra í Mosfellsbæ, átti að
varðveita um 10 metra
stokksins í miðbænum og
stóð til að útbúa glerumgjörð
í kring um stokkinn þar sem
hægt væri að sjá inn í hann
auk þess sem sett yrði upp
skilti þar sem hægt væri að
lesa um sögu hans.
„Nú hefur hins vegar kom-
ið fram krafa um það að
menn skoði kannski hvort
það eigi að varðveita stærri
hluta af honum. Þegar menn
eru núna að horfa á þessar
vélar rífa stokkinn í burtu
hafa komið upp tilfinningar
til hans og því er ekki að
neita að hann hefur verið hér
göngubraut milli sveit-
arfélaganna og hálfgerð
þjóðbraut í því sambandi,“
segir Jóhann.
Yljaði á marga vegu
Í fyrrakvöld hafði þjóð-
minjavörður samband við Jó-
hann og í gærmorgun fund-
uðu þau vegna málsins.
„Þjóðminjavörður er að
senda okkur erindi um málið
og ég hugsa að við tökum já-
kvætt í það eins og hægt er,“
segir Jóhann. „Við höfum
alla vega stoppað fram-
kvæmdirnar hér á miðbæj-
arsvæðinu og ég geri ráð fyr-
ir því að nú verði sest niður
með Orkuveitunni og að við
skoðum möguleika á því að
varðveita einhvern stærri
hluta af stokknum en fyrr
var ráðgert.“
Hann segir þó ljóst að á
þeim tveimur árum sem liðin
eru frá því að heita vatnið
var tekið af stokknum hafi
hann látið mikið á sjá. „Það
hefur þrifist alls konar líf í
honum sem menn vilja helst
vera lausir við, þannig að það
er töluvert mál að varðveita
svona mannvirki og halda því
við. Eins er hér bullandi upp-
bygging og stokkurinn er
fyrir á einhverjum stöðum.
Þannig að við þurfum að
finna einhverja málamiðlun í
þessu,“ segir Jóhann.
Hann bætir því við að í ljós
hafi komið að margir íbú-
anna beri taugar til gamla
hitaveitustokksins. „Eitthvað
hefur maður heyrt um að
fólk hafi í tilhugalífinu geng-
ið eftir stokknum og eigi
minningar tengdar því. Hann
hefur þá yljað í víðtækari
skilningi en bara með því að
veita heitu vatni og auðvitað
ber að virða það.“
Stóð til að endurskapa
stokkinn í Öskjuhlíðinni
Margrét Hallgrímsdóttir,
þjóðminjavörður segir stokk-
inn hafa mikið varðveislu-
gildi. „Þetta er eini hitaveitu-
stokkurinn sem eftir er
varðveittur yfir höfuð þann-
ig að þetta eru merkilegar
minjar um sögu hitaveit-
unnar. Eins hefur hann
hreinlega haft gildi sem sam-
göngubót því fólk gekk á
þessum stokkum og þessar
gönguleiðir tengdu saman
byggðir,“ segir hún.
Hún segir mikla eftirsjá að
þeim stokkum sem voru í
Reykjavík. „Það voru meira
að segja uppi hugmyndir um
að hirða stokkinn sem þarna
átti að rífa til að endurskapa
í Öskjuhlíðinni en það er svo-
lítið langsótt og ég vil frekar
að þetta sé varðveitt þar sem
það er.“
Að sögn Margrétar gerði
hún því athugasemdir við að
stokkurinn yrði rifinn. „Ég
óskaði eftir því að tekið yrði
til skoðunar að varðveita
sem allra mest af stokknum
og það var tekið vel í það af
bæjarstjóra. Það mun eflaust
kalla á að sandur verði settur
í stokkana og jafnvel snjó-
bræðsla þannig að það
bráðni af þeim snjór og klaki
eins og það gerði alltaf hér
áður og þetta nýtist áfram
sem samgönguleið.“
Þjóðminjavörður gerir athugasemdir vegna niðurrifs hitaveitustokksins
Morgunblaðið/Arnaldur
Þjóðminjavörður segir þennan stokk merkar minjar um sögu hitaveitunnar.
Bærinn stöðv-
ar fram-
kvæmdir
í miðbænum
Mosfellsbær
TILLAGA að breytingu á aðalskipu-
lagi í Urriðaholti var kynnt á opnum
fundi í Tónlistarskóla Garðabæjar á
mánudag. Jafnframt var kynnt hug-
mynd að deiliskipulagi hátækni-
garðs.
Skipulagsnefnd Garðabæjar sam-
þykkti nýlega að kynna breytingu á
aðalskipulagi bæjarins vegna hug-
mynda sem fram hafa komið um upp-
byggingu hátæknigarðs í Urriðaholti
og greint hefur verið frá í Morgun-
blaðinu. Áður var gert ráð fyrir
íbúðabyggð á þessu svæði en sam-
kvæmt nýju hugmyndunum er gert
ráð fyrir blandaðri landnotkun, með-
al annars fyrir hátæknigarð, íbúðir
og stofnanir.
Um 20 manns sóttu fundinn á
mánudag. Laufey Jóhannsdóttir, for-
maður skipulagsnefndar Garða-
bæjar, ávarpaði fundargesti en að því
búnu kynnti Ingvar Kristinsson,
stjórnarmaður hjá Þekkingarhúsinu,
hugmyndir um hátæknigarð. Pálmi
Guðmundsson, arkitekt hjá hönnun-
ar-, skipulags- og ráðgjafafyrirtæk-
inu Tekton, fjallaði nánar um fyrir-
hugaðar byggingar á svæðinu en að
því búnu vék Geir Oddsson, fram-
kvæmdastjóri umhverfissviðs hjá
Landmati ehf., að lífríki og minjum
við Urriðaholt. Hann tók fram að
fyllsta tillit yrði tekið til umhverfisins
vegna byggingarframkvæmda þar.
Ekkert íbúðarhúsnæði
í fyrsta áfanga
Nokkar fyrirspurnir bárust úr sal
að lokinni kynningu.
Spurt var hvort gert yrði ráð fyrir
íbúðarhúsnæði í fyrsta áfanga verks-
ins. Þá spurði Hjálmar Ingólfsson,
Garðabæ, meðal annars hvort leiða-
kerfi strætisvagna næði yfir Urriða-
holtið. Vísaði hann í 8-9 þúsund bíla-
stæði sem ráðgert er að leggja á
holtinu samkvæmt hugmyndunum.
Ingvar Kristinsson varð fyrir svör-
um og benti á að til stæði að stræt-
isvagnar myndu aka að Urriðaholti.
Þá benti hann á að fyrirhugað væri
að tengja hjóla- og göngustígakerfi
höfuðborgarsvæðisins við hátækni-
garðinn.
Pálmi Guðmundsson svaraði fyrir-
spurn varðandi íbúðarhúsnæði og
sagði að ekki stæði til að reisa slíkt
húsnæði í 1. áfanga. Spurt var einnig
hvort samráð hefði verið haft við
menntamálaráðuneyti vegna há-
skólastarfsemi á svæðinu. Í svari
Ingvars kom fram að ráðuneytið
hefði ekkert á móti að háskóli risi í
Urriðaholti.
Yfirborðsvatni
veitt í settjarnir
Erla Bil Bjarnadóttir, garðyrkju-
stjóri bæjarins, lýsti yfir ánægju
sinni með þá fyrirætlan að votlendi
við Urriðavatn verði verndað en
varpaði einnig fram þeirri hugmynd
hvort möguleiki væri á samstarfi við
aðra landeigendur í
kring vegna þessa. Þá
sagði hún að gæta
þyrfti sérstaklega að
útliti loftnetsmastra
sem hugsanlega munu
rísa þar. Einnig lýsti
hún yfir ánægju sinni
með þá hugmynd að
veita yfirborðsvatni út
í settjarnir áður en því
er veitt áfram í grunn-
vatn.
Í svari formanns
skipulagsnefndar
vegna fyrirspurnar um
verndun votlendis kom fram að hug-
myndirnar væru í athugun hjá bæj-
aryfirvöldum. Pálmi svaraði fyrir
möstrin og sagði þau öllu heldur loft-
net sem myndu ekki rísa nema fyr-
irtæki á staðnum þyrftu þeirra við.
Þá benti hann á að tækninni fleygði
fram og að stærð þeirra yrði tak-
mörkuð.
Meðal annars sem spurt var um á
fundinum var hvort holtið yrði rækt-
að samfara byggingarframkvæmd-
um.
Í svari Geirs Oddssonar kom fram
að byggingar myndu rísa þar sem ör-
foka land væri fyrir. Hugsanlega yrði
þó reynt að græða upp landið.
Eins og áður hefur komið fram
stendur til að hefja framkvæmdir við
fyrsta áfanga hátæknigarðs á næsta
ári ef allt gengur að óskum.
Opinn kynningarfundur um skipulagsbreytingar vegna hugmynda um hátæknigarða
Gætt að
verndun
votlendis
Tölvumynd/Landmat og Tekton
Tillögur arkitekta að uppbyggingu hátæknigarða á Urriðaholti.
Morgunblaðið/Árni Sæberg
Á kynningarfundinum var farið yfir deiliskipu-
lagshugmyndir fyrir Urriðaholt.
Urriðaholt
FIMM tilboð bárust í gerð
mislægra gatnamóta á mótum
Víkurvegar og Vesturlands-
vegar og áttu Sveinbjörn Sig-
urðsson og Jarðvélar sf. það
lægsta. Tilboð þeirra hljóðaði
upp á 336,6 milljónir króna.
Kostnaðaráætlun Vegagerð-
arinnar, sem er verkkaupi,
var 414 milljónir.
Næstlægsta tilboðið, 342,6
milljónir áttu Háfell ehf. og
Íslenskir aðalverktakar hf. og
Ístak hf. það þriðja lægsta,
368,3 milljónir. Hæst var til-
boð Eyktar ehf., 455,6 millj-
ónir króna, og tilboð Høj-
gaard & Schultz Íslandi næst-
hæst, 403,2 milljónir.
Framkvæmdir hefjast í júlí
og á vera lokið fyrir júlí á
næsta ári. Jóhann Bergmann,
deildarstjóri framkvæmda-
kaupa í Reykjanesumdæmi,
segir að á næstu 2-3 vikum
verði ákveðið hvaða tilboði
verði tekið.
Eftirlit með framkvæmd-
inni var einnig boðið út og
bárust sex tilboð, það lægsta
8,4 milljónir frá VSB Verk-
fræðistofu og Orion ráðgjöf.
Hæsta tilboðið, 13,2 milljónir
var frá Fjölhönnun ehf., en
kostnaðaráætlun Vegagerð-
arinnar hljóðaði upp á 12,6
milljónir.
Lægsta
tilboð 337
milljónir
Grafarvogur
Gatnamót við
Víkurveg