Morgunblaðið - 27.06.2001, Qupperneq 16

SUÐURNES
16 MIÐVIKUDAGUR 27. JÚNÍ 2001 MORGUNBLAÐIÐ
BEITIR ehf. í Vogum á Vatnsleysu-
strönd gekk nýverið frá samningum
um sölu á beitningavélum með beitn-
ingatrekt, skurðarhníf og línuspili til
Nýfundnalands í Kanada en undan-
farin ár hefur fyrirtækið selt slíkan
búnað til Noregs, Færeyja og Græn-
lands. Hafsteinn Ólafsson er eigandi
fyrirtækisins ásamt eiginkonu sinni
Þóru Bragadóttur og reka þau fyr-
irtækið í sameiningu. Um síðustu
áramót flutti fyrirtækið í nýtt og
stærra húsnæði við höfnina í Vogum
og eru eigendur bjartsýnir á fram-
tíðina.
Hafsteinn Ólafsson segir rekstur-
inn hafa byrjað árið 1984, þegar
hann var hættur á sjónum og vildi
starfa sjálfstætt í landi, en hann var
vélstjóri á loðnu- og síldveiðiskipum.
„Við byrjuðum á því að þjónusta út-
gerðir en síðan þróaðist þetta út í
ryðfría smíði. Síðan kom hingað fyrir
tilviljun fullorðinn maður frá Sand-
gerði og bað mig um að smíða fyrir
sig beitningavél og hafði mjög sér-
staka hugmynd um það hvernig
hann vildi hafa hana. Hann smíðaði
pappamódel og það er í rauninni enn
verið að smíða eftir því að hluta til.“
Hafsteinn segir hlutina síðan hafa
þróast og fyrirtækið sé nú orðið
þekktast fyrir þann línubúnað sem
þar er framleiddur, bæði beitninga-
vélar og annan búnað sem notaður er
við línuveiðar. „Þetta hefur hingað til
verið sérstaklega ætlað í minni báta,
það er okkar sérfag, þó við höfum
tekið að okkur verkefni í stærri skip-
um,“ segir Hafsteinn.
„Það sem hefur síðan verið að ger-
ast síðustu tvö árin og er hvað mest
spennandi, er að við höfum verið að
selja þetta svona mikið erlendis. Það
fór mikið til Noregs síðasta haust og
nú koma Kanadamenn inn í þetta.
Við eigum alveg eins von á því að þar
geti orðið gífurleg vakning varðandi
umhverfisvænar veiðar, sérstaklega
við Nýfundnaland.“
Heppin með söluaðila erlendis
Að sögn Hafsteins hafa þau verið
mjög heppin með söluaðila í Noregi
og Kanada og sérlega heppin með
sölumann í Færeyjum, en þangað
var verið að selja tvö línuveiðasett í
30 tonna báta. Umboðsaðili Beitis í
Færeyjum er sá sami og keypti af
þeim fyrsta kerfið, en hann er einn
öflugasti fiskimaðurinn í Færeyjum,
að sögn Hafsteins. „Hann sá þetta í
nokkrum bátum hér heima og ákvað
að prófa, því þetta hentar þeim vel
vegna þess að þeir eru á flakki milli
eyja og því erfitt að taka með alla
beitningaraðstöðu eftir því hvar fisk-
urinn er. En þetta gat hann tekið
með.“
Á síðasta ári seldi Beitir alls 30
kerfi og nú þegar árið er hálfnað er
framleiðslan komin langt upp í þá
tölu. Hafsteinn segir besta sölutím-
ann reyndar búinn hér heima og því
muni útflutningurinn ráða því hvort
fyrirtækið nái að selja meira en í
fyrra.
Hjá fyrirtækinu starfa þrír menn
auk þeirra hjóna en Þóra sér um
bókhaldið og öll aðföng fyrir fyrir-
tækið. Að sögn Hafsteins hefur hún
tekið þátt í uppbyggingunni allan
tímann og vinnudagurinn hafi oft
verið ansi langur hjá þeim hjónum
áður en þau fluttu í nýja húsnæðið og
bættu við mannskap.
Var fljót að máta trillukarlana
„Þá vorum við í 70 fermetra að-
stöðu og þá var eina leiðin að lengja
sólarhringinn, því ekki var hægt að
bæta við mannskap. Við vorum eig-
inlega búin að fá okkur fullsödd af
því, enda slitnaði aldrei á milli vinnu-
daga og frídaga.“ Þóra svarar flest-
um erindum sem fyrirtækinu berast
og segir Hafsteinn skemmtilegt að
segja frá því að í upphafi, þegar hún
var að tala við trillukarlana, hafi þeir
lítið viljað við hana ræða, bæði menn
hér heima og erlendis. „Og alls ekki
ef það var eitthvað fræðilegt. Í dag
þarf ég ekki mikið að fara í símann
sem er auðvitað gífurlegur vinnu-
sparnaður, að þurfa ekki að vera allt-
af rifinn úr verki. Það er einfaldlega
vegna þess að hún mátar þá svo
fljótt. Þegar hún fer að spyrja þá,
átta þeir sig mjög fljótt á því að hún
er að tala um hluti sem þeir þekkja
og eru að hugsa um.“
Hjónin Hafsteinn Ólafsson og Þóra Bragadóttir reka saman vélsmiðjuna Beiti í Vogum
Morgunblaðið/Eiríkur P.
Þóra Bragadóttir og Hafsteinn Ólafsson við nýsmíðað línuspil sem fyrir-
tækið framleiðir til útflutnings til Kanada.
Selja beitningavél-
ar til Kanada
Vogar
ELLERT Eiríksson, bæjarstjóri í
Reykjanesbæ, segir að það hljóti að
koma til breytinga á gildandi til-
lögum um breytta tilhögun
skólahverfa í bænum. Hugmyndir
að nýjum tillögum verða lagðar
fyrir bæjarráð á morgun og af-
greiddar á bæjarstjórnarfundi í
næstu viku en ekki er enn þá ljóst
hvernig þær munu endanlega líta
út.
Bæjarstjórn samþykkti einróma
fyrr í þessum mánuði tillögur skóla-
og fræðsluráðs um breytingar á
skólahverfum til að jafna fjölda
nemenda í skólum bæjarins og nýta
þannig húsnæðið betur. Lagði
nefndin m.a. til að Holtaskóli og
Njarðvíkurskóli yrðu á sama skóla-
svæði og Myllubakkaskóli og Heið-
arskóli á öðru svæði. Það felur m.a. í
sér að nemendur sunnan Vestur-
götu, þ.á m. í Garðahverfi, eiga að
ganga í Myllubakkaskóla þó að
Heiðarskóli sé nær.
Veruleg óánægja hefur verið
meðal foreldra í Garðahverfi vegna
þessarar ráðstöfunar og bárust bæj-
arráði erindi þar sem skiptingunni
er harðlega mótmælt og þess farið á
leit að börnin fái að ganga í Heið-
arskóla. Í erindunum kemur m.a.
fram að foreldrar hafi fjárfest sér-
staklega í húsnæði til að vera ná-
lægt skólanum og breytingarnar
valdi því að börnin séu send í annan
skóla frá vinum sínum í hverfinu.
Erindi foreldranna voru tekin
fyrir á fundi skóla- og fræðsluráðs í
síðustu viku en ráðið vísaði þeim aft-
ur til bæjarráðs og skólaskrifstofu
bæjarins. Ellert Eiríksson bæj-
arstjóri sagði í samtali við Morgun-
blaðið að eftir fund skóla- og
fræðsluráðs hefði hann haldið
nokkra fundi með staðgengli skóla-
málastjóra og í framhaldi af því
yrðu lagðar fram nýjar tillögur fyr-
ir bæjarráð á morgun.
Þrjár bekkjardeildir
í stað tveggja
Ellert segir þá búna að ganga frá
sínum hugmyndum en bæjarráð og
bæjarstjórn taki endanlega ákvörð-
un um það hvort fyrri gildandi
ákvörðun standi eða hvort vilji sé til
þess að breyta henni.
„Það er verið að reyna að finna
einhvern flöt á þessu. Ég held nú, án
þess að ég vilji taka fram fyrir hend-
urnar á einum eða neinum, að það sé
nú voðalega vont að þetta verði
breytingalaust. Ég held að það hljóti
að koma til einhverjar breytingar.“
Að sögn Ellerts segir í gildandi
tillögum að nemendur eigi að öllu
jöfnu að fara í þann skóla sem er
styttra frá heimili nemandans og
það sé auðvitað staðreynd að t.d.
nemendur í Garðahverfi, sem verið
er að tala um að setja í Myllubakka-
skóla, eigi sannanlega lengri vega-
lengd að fara í skólann. Nýjar regl-
ur voru settar til að taka á því
vandamáli sem fylgir mikilli fjölgun
nemenda sem hafi jafnvel verið
heldur meiri en menn áttu von á í
sumum skólum. Í Heiðarskóla verða
t.d. í haust þrjár 18 og 19 nemenda
bekkjardeildir í 1. bekk í stað
tveggja eins og miðað var við.
Bæjarstjóri segir að bæjarráð muni endurskoða tillögur um skólahverfi
Morgunblaðið/Þorkell
Heiðarskóli er nýjasti skólinn í Reykjanesbæ en þar hefur nemendum fjölgað meira en ráð var fyrir gert.
Hlýtur
að koma
til breyt-
inga
Reykjanesbær
SAMKVÆMT nýjum tóbaks-
varnarlögum sem taka gildi 1.
ágúst nk. þarf að koma tóbaki
þannig fyrir á sölustöðum að
það blasi ekki við viðskiptavin-
um, enda er það talið hafa aug-
lýsingagildi og að slík uppstill-
ing geti komið illa við þá sem
eru að hætta reykingum og gef-
ið börnum og unglingum í skyn
að tóbak sé sjálfsögð og eðlileg
neysluvara.
Eftir að nýju lögin taka gildi
þurfa útsölustaðir að sækja um
leyfi hjá viðkomandi heilbrigð-
iseftirliti á hverju svæði og seg-
ir Ragnar Örn Pétursson, for-
maður heilbrigðisnefndar Suð-
urnesja, að um eitt hundrað
staðir á Suðurnesjum þurfi að
sækja um slíkt leyfi. Heilbrigð-
iseftirlitið er nú að vinna í því
að útbúa umsóknareyðublöð
fyrir þá sem vilja sækja um
leyfi til að selja tóbak.
Rétta þarf viðskiptavinum
tóbak sem það vilja kaupa
Fríhöfnin í Leifsstöð er einn
þessara staða á umráðasvæði
Heilbrigðiseftirlits Suðurnesja.
Samkvæmt lögunum má tóbak
ekki vera sýnilegt á sölustöðum
en viðskiptavinir hafa fram til
þessa getað afgreitt sig sjálfir
með tóbak eins og hvern annan
varning í hillum Fríhafnarinn-
ar. „Ég get ekki betur séð en
Fríhöfnin verði að bregðast á
einhvern hátt við því,“ segir
Ragnar.
Hann segir að lögin hljóti að
hafa einhver áhrif í Fríhöfninni,
þar sem tóbakið sé sýnilegt og
fólk taki það í sjálfsafgreiðslu.
Verði það ekki sýnilegt er ljóst
að einhver afgreiðslumaður
þarf að rétta þeim viðskiptavin-
um tóbak sem vilja kaupa slíka
vöru.
Tóbak
óleyfilegt
í hillum í
Fríhöfn-
inni
Reykjanes