Morgunblaðið - 16.08.2001, Qupperneq 22

NEYTENDUR
22 FIMMTUDAGUR 16. ÁGÚST 2001 MORGUNBLAÐIÐ
MIKILL verðmunur reyndist vera á
bílaviðgerðum og varahlutum hjá
bílaumboðum og sjálfstæðum verk-
stæðum og varahlutasölum þegar
verðið var kannað hjá fjórum bílaum-
boðum og sex verkstæðum í byrjun
vikunnar. Allt að 43% verðmunur
reyndist á útseldum tíma á verkstæði
og bílaumboði. Verðið reyndist hæst
hjá Bifreiðum og landbúnaðarvélum
5.124 krónur en lægst, af þeim stöð-
um sem haft var samband við, hjá
Bílaverkstæði Ella 3.576 krónur. Þar
bætist þó við tækjagjald, 90 krónur á
klukkustund, ef það þarf að lyfta bíln-
um, og hreinsigjald, 350 krónur, eftir
að viðgerð lýkur.
Hjá öðrum bifreiðaumboðum þar
sem verð var kannað reyndist verðið
mun hærra en hjá sjálfstæðum verk-
stæðum og nam munurinn frá 28,4%
til 43,3%.
Verð á varahlutum var einnig
kannað lauslega en slíkar kannanir
eru erfiðleikum bundnar þar sem
ekki er unnt að kanna gæði varahlut-
anna og endingu. Þó komu fram vís-
bendingar um að varahlutir séu mun
ódýrari hjá óháðum varahlutasölum
en hjá umboðunum. Dæmi um verð-
mun eru bremsuklossar í Volksvagen
Golf sem kosta 6.300 krónur í Heklu
en 4.340 krónur hjá Bílanausti, og er
munurinn um 45%. Bremsuklossar í
Renault Clio kosta 5.179 krónur í Bif-
reiðum og Landbúnaðarvélum, en
fást á 2.430 krónur í Bílanausti og
munar því um 113%.
Dýr tækjabúnaður skilar
betri árangri
„Verðmunur á útseldri vinnu skýr-
ist af nokkrum atriðum,“ segir Erna
Gísladóttir, framkvæmdastjóri Bif-
reiða og landbúnaðarvéla. „Hjá okk-
ur er allt innifalið í þessum taxta,
gjöld fyrir tækjanotkun, tölvunotkun
og fleira. Einnig erum við með sér-
stakan skóla fyrir okkar bifvéla-
virkja, í samvinnu við Fræðslumið-
stöð bílgreina, með það markmið að
auka afköst, flýta bilanagreiningu og
stytta viðgerðatíma. Við þurfum að
standa undir kröfum framleiðenda
um tækjabúnað, aðstöðu og þjálfun
starfsfólks hér á landi og erlendis. Að
lokum má nefna að við bjóðum upp á
þá þjónustu að keyra menn til okkar
og frá þegar komið er með bíl á verk-
stæði okkar, hvort sem bíllinn er í
ábyrgð eða ekki. Einnig hefur komið
fyrir að við lánum bíl þó að bilunin
falli ekki undir ábyrgð.“
Erna segir jafnframt að verðmun-
ur á varahlutum megi skýra með
svipuðum ástæðum. „Við seljum ein-
ungis varahluti frá framleiðanda og
þeir eru í mörgum tilfellum dýrari.
Það verð endurspeglar gæði sem fel-
ur í sér meiri endingu, stöðugleika í
framleiðslu og það besta sem völ er á
hverju sinni. Einnig þurfum við að
eiga á lager alla varahluti, ekki bara
þá sem seljast mest, sem kostar líka
sitt.“
Fast verð fyrir viðgerðir
Hallgrímur Gunnarsson, forstjóri
Ræsis, segir ekki auðvelt að bera
saman útseldan tíma hjá verkstæð-
um bifreiðaumboðanna og hjá sjálf-
stæðum verkstæðum. Hann nefnir
sem dæmi að mikið sé unnið eftir
föstum verðum fyrir ákveðnar við-
gerðir á verkstæði Ræsis. „Almennt
séð erum við fljótari að gera við en
minni verkstæði sem þurfa oft að
senda menn út eftir varahlutum, eða
leita sér upplýsinga um vandamálið
vegna þess að þeir eru ekki jafnsér-
hæfðir. Einnig kemur þar til sérhæf-
ing bifvélavirkja, við sendum okkar
bifvélavirkja mikið á námskeið er-
lendis sem tryggir að þeir ættu að
þekkja bílana betur sem gerir þeim
kleift að greina bilanir og gera við á
minni tíma. Þess vegna segir verð á
útselda klukkustund ekki allt.“
Einnig nefnir Hallgrímur að bif-
reiðaumboðin þurfa að geta boðið
upp á allar tegundir viðgerða fyrir þá
bíla sem þau eru með umboð fyrir.
Þau geta ekki hafnað viðgerðum eins
og minni verkstæði gera ef þau ráða
ekki við þær. „Litlu verkstæðin eru
oft að sérhæfa sig í minni viðgerðum
og taka til dæmis sjaldan að sér gír-
kassaviðgerðir eða vélaviðgerðir,
þess vegna geta þau boðið lægra
verð.“
Spurður um verðmun á varahlut-
um segir Hallgrímur: „Ég get ekki
svarað því nema með því að bera
saman þá varahluti sem um er að
ræða. Gæðin á hlutunum eru ekki
endilega sambærileg, né heldur
ábyrgð seljanda á þeim.“
Mismunandi kostnaður
Verðmunurinn stafar fyrst og
fremst af mismunandi kostnaði verk-
stæða að sögn Jóns Trausta Ólafs-
sonar, forstöðumanns þjónustudeild-
ar Heklu. „Kostnaður okkar hækkar
meðal annars vegna þeirrar fræðslu
og námskeiða sem bifvélavirkjarnir
okkar sækja, hérlendis og erlendis.
Önnur skýring er fólgin í miklum
tækjabúnaður á verkstæði okkar þar
sem framleiðandinn gerir kröfu um
að verkstæðið geti tekið að sér flókn-
ustu viðgerðir sem upp koma.“ Jón
Trausti segir þessi atriði eiga að auka
gæði viðgerðarinnar og stytta tíma á
verkstæði.
Jón Trausti nefnir einnig að hjá
Heklu er boðið upp á þá þjónustu að
keyra fólk og sækja þegar komið er
með bíl í viðgerð. Þá eru oft lánaðir
bílar á meðan á viðgerð stendur ef
hún tekur lengri tíma en ætlað er eða
ef bíleigandinn þarf nauðsynlega á bíl
að halda.
Verð á ákveðnum varahlutum er
að sögn Jóns Trausta hærra í bif-
reiðaumboðunum meðal annars
vegna þess að þetta eru hlutir frá
framleiðandanum og það þýði ákveð-
in gæði. „Þó er ekki algilt að viður-
kenndir varahlutir séu ávalt dýrari.
Þarna þyrfti að skoða endingu hlut-
arins miðað við varahlut frá öðrum
framleiðanda. Til lengri tíma litið
borgar sig að kaupa viðurkennda
hlutinn.“
Þjálfun starfsfólks
og dýr tækjabúnaður
Emil Grímsson framkvæmdastjóri
P. Samúelsson, sem er umboðsaðili
Toyota á Íslandi, tekur í sama streng
og forsvarsmenn annarra bifreiða-
umboða. „Helsta skýringin er mikill
kostnaður við þjálfun starfsfólks og
mikill og dýr tækjakostur. Það er
mikill kostnaður því samfara að sér-
hæfa starfsfólk og senda það utan á
námskeið og annað. Tækin eru þar að
auki flókin og dýr, en nauðsynleg til
að bilanagreina og gera við hvað sem
upp kemur með bílana. Almenn verk-
stæði geta yfirleitt ekki gert allt það
sem við getum gert við auk þess sem
það tekur þau oft lengri tíma að finna
bilunina og gera við.“ Einnig bendir
Emil á aðra þjónustu, boðið er upp á
akstur þegar fólk kemur með bíla í
viðgerð og í vissum tilvikum eru bílar
lánaðir.
Varahlutir almennt eru dýrari í
umboðunum vegna þess að þeir eru
keyptir af framleiðanda bílanna, seg-
ir Emil. „Í okkar tilviki býður fram-
leiðandinn þriggja ára ábyrgð á bíln-
um en krefst þess á móti að þeirra
vörur séu notaðar til að þeirra ábyrgð
viðhaldist. Með því að kaupa varahlut
frá réttum frameiðanda sparast einn-
ig oft tími þar sem líkurnar á því að fá
réttan hlut afgreiddan eru miklu
meiri. Einnig passa aðrir varahlutir
oft verr í bílana og því fer meiri tími í
ísetningu.“ Emil bætir við að boðið sé
upp á ódýrari varahluti hjá þeim fyrir
eldri bíla. Í þeim flokki eru meðal
annars notaðir hlutir sem framleið-
andi hefur endurunnið.
Morgunblaðið/Kristinn
Erfitt reyndist að bera saman verð á varahlutum þar sem gæðin
geta verið mismunandi.
Allt að 43% verðmun-
ur á útseldum tíma




   
   

  

  
 

 

 
!
 "# 
 
 
 
  
 
 
 
 
  
$% $
$% $
$% $
$% $
$% $
$% $
$% $
$% $
$% $
$% $
! 
&
'( #!) ! !!
*$+,( #- !
  !"!# !$%!# !"!#
 &%!# 
'(!
./!"!#
.)
Bílaviðgerðir eru sam-
kvæmt könnun Morgun-
blaðsins yfirleitt mun
kostnaðarsamari hjá
bílaumboðum en óháð-
um verkstæðum
Verðkönnun á bílaviðgerðum og varahlutum
ÚTSALA á lambakjöti hefst í
Nóatúnsverslunum í dag og er
áformað að selja um 200 tonn
en verið er að rýma fyrir nýju
kjöti, að sögn Jóns Þorsteins
Jónssonar markaðsstjóra.
Á útsölunni er kílóverð á læri
799 kr., á hrygg 899 kr, fram-
partar sagaðir í poka seljast á
399 kr. og grillsneiðar úr snyrt-
um framparti seljast á 599 kr.
Kjötmeistarar Nóatúns
munu skipta og sneiða niður
læri og hrygg ef viðskiptavinir
óska þess.
Lamba-
kjötsútsala
í Nóatúni