Morgunblaðið - 16.08.2001, Side 60

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 FIMMTUDAGUR 16. ÁGÚST 2001 VERÐ Í LAUSASÖLU 190 KR. MEÐ VSK.
LANDSLIÐ Íslands og Póllands í
knattspyrnu öttu kappi í gær. Far-
arstjóri pólska liðsins er Jan
Krzysztof Bielecki en hann var for-
sætisráðherra Póllands um nokk-
urra mánaða skeið árið 1991.
Blaðamaður Morgunblaðsins ræddi
við hann og spurði hvers vegna svo
háttsettur maður gegndi hlutverki
fararstjóra.
„Ég er ekki hérna vegna þess að
ég neyðist til þess heldur af því að
ég hef raunverulegan áhuga á fót-
bolta. Stjórnmálamenn nú á dögum
keppast við að sýna hve mikinn
áhuga þeir hafi á knattspyrnu, en
það er breyting frá því sem áður
var,“ segir forsætisráðherrann
fyrrverandi. „Bilið milli stjórn-
málamanna og almennra borgara
breikkar stöðugt og grípa margir
stjórnmálamenn til þess ráðs að
þykjast hafa áhuga á knattspyrnu
til að senda fólki skilaboðin: „Ég er
einn af ykkur.“ Þeir hafa aftur á
móti ekki raunverulegan áhuga á
íþróttinni.“
Sagan af því hvernig Bielecki tók
knattspyrnuveikina er áhugaverð.
„Þegar við Lech Walesa, ásamt
fleirum, stofnuðum Samstöðu-
hreyfinguna á níunda áratugnum
var okkur bannað að hittast og
halda fundi. Við gripum því til þess
ráðs að stofna fótboltaklúbb til að
við gætum hist og talað saman.“
Þessir pólitísku fótboltaleikir gátu
verið nokkuð skondnir, að sögn
Bielecki. „Ég man eftir einum vin-
áttuleik sem við spiluðum, en Wal-
esa stóð þá í markinu. Áhorfenda-
bekkirnir voru fullir og voru
flestir, ef ekki allir, áhorfendurnir
öryggis- og leynilögreglumenn, svo
mikið eftirlit var haft með okkur.“
Þegar hér var komið voru Biel-
ecki og blaðamaður komnir að hlið-
inu inn á Laugardalsvöllinn og því
ekki annað eftir en að inna hann
eftir því hverju hann spáði um úr-
slit leiksins. Forsætisráðherrann
fyrrverandi andaði djúpt að sér og
sagði svo: „Ég finn lykt af jafntefli.
Ég held þó að við verðum að skora
að minnsta kosti eitt mark þannig
að ég spái því að leikurinn fari eitt–
eitt.“ Reyndust það orð að sönnu.
Knattspyrnan var virkjuð
í þágu lýðræðis í Póllandi
Morgunblaðið/Brynjar Gauti
Krzysztof Bielecki
ÁRNI Johnsen, fyrrverandi alþing-
ismaður, hefur viðurkennt að níu
reikningar, að fjárhæð 1.852 þúsund
kr., sem greiddir voru af framlagi
ríkisins til endurbóta á Þjóðleikhús-
inu tilheyri honum persónulega.
Endurgreiddi hann ríkisféhirði
þessa upphæð sl. mánudag. Þetta
kemur fram í greinargerð Ríkisend-
urskoðunar vegna athugunar á op-
inberum fjárreiðum Árna Johnsen,
sem birt var í gær.
Í skýrslunni kemur fram að ófull-
nægjandi skýringar hafa fengist á 6
reikningum við athugun á fjárreið-
um byggingarnefndar Þjóðleikhúss-
ins og á einum reikningi við athugun
á fjárreiðum vegna byggingar Þjóð-
hildarkirkju og bæjar Eiríks rauða á
Grænlandi. Upphæð þessara reikn-
inga nemur um 1,3 milljónum kr.
Hlutir í vörslu Árna sem
greiddir voru af ríkinu
„Þá hefur Árni staðfest að í hans
vörslu séu nánar tilteknir hlutir sem
greiddir voru af framlagi til endur-
bóta að fjárhæð 217 þúsund krónur.
Í vörslu opinberra aðila eru nánar
tilteknir þrír hlutir sem reikningar
bárust byggingarnefnd Þjóðleik-
hússins, sem tengjast fyrrverandi al-
þingismanni en eru ekki greiddir,
samtals að fjárhæð 464 þúsund
krónur. Til viðbótar eru tveir reikn-
ingar sem voru endurgreiddir að
fjárhæð 318 þúsund krónur. Þessu
til viðbótar hefur að mati stofnunar-
innar ekki fengist skýring á sex
reikningum að fjárhæð 650 þúsund
krónur,“ segir í niðurstöðum Ríkis-
endurskoðunar um fjárreiður bygg-
ingarnefndar Þjóðleikhússins.
Þá kemur fram í athugun Ríkis-
endurskoðunar á fjárreiðum vegna
byggingar Þjóðhildarkirkju og bæj-
ar Eiríks rauða á Grænlandi að Árni
hafi staðfest að í vörslu hans væru
þrír nánar tilgreindir hlutir eða bún-
aður sem greiddir hefðu verið af
byggingarnefnd vegna þessara
framkvæmda, samtals að fjárhæð
471 þúsund kr. ,,Þessu til viðbótar
hefur að mati stofnunarinnar ekki
fengist fullnægjandi skýring á ein-
um reikningi vegna vinnu við grjót-
hleðslu að fjárhæð 645 þúsund krón-
ur. Skýring hans [Árna Johnsen] á
þessu er sú að ákvörðun hafi ekki
enn verið tekin um það hvort koma
eigi þessum hlutum fyrir í bygging-
unum í Brattahlíð,“ segir í skýrsl-
unni.
Í greinargerð Ríkisendurskoðun-
ar segir einnig að eftirlit Fram-
kvæmdasýslu ríkisins með fram-
kvæmdum og störfum byggingar-
nefndar Þjóðleikhússins hafi verið
algerlega ófullnægjandi. Stofnunin
hafi aldrei gripið í taumana þrátt
fyrir að ýmsar vísbendingar væru
um að ekki væri staðið faglega að
málum.
Á sama hátt megi gagnrýna
menntamálaráðuneytið fyrir að
halda ekki vöku sinni nægjanlega
því að það hafi oftar en einu sinni
fengið ábendingar um að ekki væri
nægilega faglega að verki staðið af
hálfu nefndarinnar og umdeilanlegt
væri hvort störf hennar væru í sam-
ræmi við það umboð, sem hún hafi
fengið.
Fundur með ríkissaksóknara
og ríkislögreglustjóra
Ríkisendurskoðandi átti fund í
gær með Boga Nilssyni ríkissak-
sóknara og Jóni H. Snorrasyni, sak-
sóknara hjá ríkislögreglustjóra, og
afhenti greinargerðina ásamt gögn-
um. Jón segir að þessar upplýsingar
séu mikið innlegg í málið en hann
kvaðst þó ekki geta svarað því hve-
nær lögreglurannsókninni á meint-
um auðgunarbrotum Árna Johnsen
lyki.
Framkvæmdasýsla og menntamálaráðuneyti gagnrýnd í skýrslu
Ríkisendurskoðunar um opinberar fjárreiður Árna Johnsen
Viðurkenndi að hafa látið
ríkið greiða 9 reikninga
Ófullnægjandi skýringar á 7 reikn-
ingum fyrir um 1,3 milljónir króna

Greinargerð/10

Viðbrögð/30
VINKONURNAR Lovísa Rós, Sól-
dís og Hafdís Óskarsdætur voru
hýrar á brá er þær tóku upp
rauðkálið sitt í skólagörðunum í
Laugardalnum í Reykjavík í gær-
morgun.
Skólagarðarnir eru á átta stöð-
um á höfuðborgarsvæðinu og er
verið að taka upp afrakstur sum-
arsins um þessar mundir. Garð-
arnir eru iðulega vinsæl tóm-
stundaiðja og læra krakkarnir
margt um grænmeti og hvernig
það skal ræktað. Koma þeir síðan
oftar en ekki færandi hendi í
heimahús með ferska uppskeru
sumarsins. Morgunblaðið/Þorkell
Uppskera
í skóla-
görðunum
ÍSLENDINGAR eiga heimsmet í
Cocoa Puffs-áti. Hver íbúi landsins
neytir að meðaltali tveggja pakka á
ári sem samsvarar um 1.160 grömm-
um.
Þorsteinn Gunnarsson, markaðs-
stjóri Nathan og Olsen, segir ríka
hefð og sterka markaðssetningu eiga
mestan þátt í vinsældum þessa
morgunkorns sem verið hefur á
borðum landsmanna í 35 ár.
Eigum heims-
met í neyslu
Cocoa Puffs

Íslendingar/23
♦ ♦ ♦
FRÁ því Grafarvogssókn í Reykja-
vík, stærsta sókn landsins, var
stofnuð árið 1989 hefur sóknar-
börnum í henni fjölgað um nærri
100 á mánuði. Þegar sóknin var
stofnuð fyrir 12 árum voru um
4.000 í henni, en sóknarbörnin eru
um 18.000 í dag. Séra Vigfús Þór
Árnason, sóknarprestur í Grafar-
vogi, segir að þetta sýni vel það
sem hefur verið að gerast í bú-
setuþróun á landinu. Öll fjölgun á
landinu eigi sér stað á suðvest-
urhorninu.
Séra Vigfús segist ekki eiga von
á að fólki fjölgi eins hratt í Graf-
arvogssókn á næstu árum enda sé
hverfið að verða fullbyggt.
Á sínum tíma var tekin sú
ákvörðun að skipta Grafarvogs-
hverfi ekki upp í tvær sóknir. Hins
vegar er starfandi kirkjusel í
hverfinu. Þrír prestar starfa við
sóknina.
Íbúar í nýju hverfi í Grafarholti
tilheyra Árbæjarsókn, en tekin
hefur verið ákvörðun um að ný
sókn taki til starfa árið 2003.
Sóknarbörn-
um fjölgaði
um 100 á
mánuði
Grafarvogssókn

Vel sloppið/B2