Vísir - 29.08.1979, Blaðsíða 11

VÍSIR Miðvikudagur 29. ágúst 1979.
11
i „HJÁLPA FðLKI
ITIL AÐ HJALPA
! SER SJALFT”
|-segir Hrafn Pálsson sem á fimmtugsaldri
■ hóf nám í ráðgjöf við handarfskan háskóla
„Ég var hljóðfæraleikari í 23 ár en skömmu áður en
ég hætti þvi fór ég í menntaskólann í Hamrahlíð og
tók stúdentspróf/ svona tilað bæta upp gamlar syndir.
Hins vegar hélt ég svo rækilega upp á prófið að ég
varð að viðurkenna að ég ætti við áfengisvandamál að
stríða og má segja að það hafi verið upphaf ið að þessu
námi"/ sagði Hrafn Pálsson i spjalla við Vísi.
Fyrir tveimur árum tók Hrafn
I sig upp ásamt fjölskyldu sinni
■ og hélt til náms i Bandarikjun-
■ um, þá 41 árs að aldri. 1 sumar
■ náði hann BS gráðu (Bachelor
I of Science) við Adelphi Univers-
■ ity i New York þar sem hann
■ nemur „Social Welfare”. Síðan
■ ætlar hann að reyna að ná mast-
I ergráðu á einu ári og ljúka
■ þannig náminu á þremur árum i
I stað fimm eins og venjulegt er.
„Ég fór til Bandarikjanna i
I meðferð vegna drykkjunnar og
z ákvað jafnframt að fara i eitt-
I hvað annað starf en að spila og
f sprella á skemmtunum. 1 fram-
I haldi af meðferðinni, þar sem
ég kynntist mörgu góðu fólki, til
dæmis Joe Pirro sem margir ts-
lendingar þekkja og er mikill
fræðimaður og húmoristi, vildi
ég láta eitthvað gott af mér
leiða i þessum málum” sagði
Hrafn.
Aðstoð við sjálfshjálp
Námið snýst i stórum drátt-
um um undirbúning að félags-
ráðgjöf á mjög breiðu sviði og er
bæði bóklegt og verklegt. Þann-
ig hefur Hrafn til dæmis unnið
bæði á endurhæfingarstöð fyrir
ofneytendur áfengis og annarra
eiturlyfja og svo á félagsráð-
gjafastöð gyðinga i New York.
„Það er raunar ekki fyrr en
maöur er kominn út i master-
gráðuna sem hægt er að fara að
velja sérsvið. Fram að þeim
tima verður maður að kynnast
sem flestu og til dæmis vann ég
að aðstoð við gyðinga sem voru
allt frá þvi aö vera á barnsaldri
og upp i gamalmenni. Annars er
nafnið félagsráðgjafi nokkuð
villandi. Tilgangurinn með
náminu er ekki sá að koma með
einhverjar ákveðnar formúiur
fyrir fólk heldur að hjálpa þvi til
að hjálpa sér sjálft” sagði Hrafn
er hann var spurður út I námið.
— Eru einhver sérstök
vandamál sem virðast algeng-
ari en önnur hjá þorra fólks?
„Það sem virðist vera að fara
með alla i hinum vestræna
heimi er hið þrotlausa lifsgæða-
kapphlaup, sem siðan leiðir til
margs konar vandamála. Mjög
margir eiga i vandræðum með
uppeldi barna sinna og hjúskap-
arvandamál eru algeng. Hér-
lendis vantar til dæmis mjög
Hrafn Pálsson. (Visism. JA)
sérfræöiráðgjöf i hjúskapar-
málum. Fólk er alltaf að hnjóta
um einhverja hluti sem skipta I
raun ekki máli og með aðstoö
þriðja aðila geta hjón hafiö við-
ræður i stað rifrildis”.
Reynslan kom að gagni
Það hlýtur að vera nokkuð
öðruvisi fyrir fjölskyldumann á
fimmtugsaldri að stunda nám
við erlendan háskóla, en ungt
fólk sem heldur áfram óslitinni
skólagöngu og við spyrjum
Hrafn um þetta.
„Auövitað er þaö ekki sist
fjárhagslega erfiðara. en fyrir
einstakling og skólagjöld eru
mjög há i Bandarikjunum. Það
er þess vegna sem ég legg kapp
á að ljúka náminu á þremur ár-
um i stað fimm eins og gert er
ráð fyrir.
Þarna er litið um próf, heldur
er maður að vinna prófritgerðir
næstum allt árið, en skólinn er
mjög kröfuharður. Hins vegar
hefur min lifsreynsla óneitan-
lega hjálpað mér mikið i þessu
námi. Ég get nefnt sem dæmi að
nemendur mega skrifa lifs-
reynslu sögu sina og fá hana
metna til stiga sem geta flest
orðið sex. Ég settist niöur og
skrifaði og fékk hæstu einkunn
um leið svo þarna kom reynslan
að góðu gagni.”
— Hvað tekur svo við aö
loknu námi?
„Fyrst ætla ég að fá einhverja
starfsþjálfun þarna úti enda eru
Bandarikjamenn komnir einna
lengst á þvi sérsviði sem ég legg
stund á meðferð áfengis- og
eiturlyfjasjúklinga. Siöan kem
ég að sjálfsögðu heim, enda get
ég imyndað mer að hér sé skort-
ur á fólki með slika langtima-
menntun.
Viö stöndum mjög framar-
lega hvaö viðkemur almennan
skilning á þessum vandamálum
og þaö hefur glatt mig mikið að
heyra hvað fjölskyldunámskeið
SAA hafa hlotið góðar undir-
tektir þvi fjölskyldan þarf ekki
siður að fá upplýsingar og
fræðslu en hinn sjúki.
Þótt ég stundi nám i Banda-
rikjunum þá kemur það að góð-
um notum hvar sem er þvi
vandamál fólks eru lik þótt
löndin sem það byggir séu ólik..
Ef maður ætlar að láta sér liða
vel I lifinu er nauðsynlegt að
hafa jákvæða hugsun og ég vildi
óska að öllum auðnaðist að lifa
lifinu lifandi. Ekki að láta auö-
söfnun og eftirsókn eftir hjómi
eyðileggja þau góðu tækifæri til
ánægjulegs lifs sem við höfum”,
sagði Hrafn Pálsson. — SG
Jón Ragnar Sigurjónsson
Wartburg bíllinn minn hef ur reynst mér
vel/ ágætur úti á þjóðvegum, þolir vel
slæma vegi, er neyslugrannur. Miðað
við verð og aðra bíla sem ég hef átt er
hann hreint ágætur.
Jón M. Guðmundsson
oddviti Reykjum.
Hvoð segjo Wortbufg-
eigendur
um bílinn sinn?
Ég hef átt 25 bíla/ af smábílum, sem ég
hef átt, ber hann af úti á þjóðvegum.
Enginn montbíll eða rokokomubla, en
eins og sniðinn fyrir okkar aðstæður.
Einfaldur, sparneytinn og þægilegur.
Séra Rögnvaldur Finnbogason
Staðastað
Ég keypti Wartburg fyrst og fremst af
því að hann var ódýr og þetta er gamal-
reynt kerfi. Wartburg er sannkallaður
óskabíll fyrir þetta verð, lipur í akstri,
þýður á vegi, reynist vel í snjó, er
sparneytinn, mjög góður ferðabíll.
Ef tir 2 ár fæ ég mér af tur Wartburg.
Jón Ragnar Sigurjónsson
TRABANT/WARTBURG UMBOÐIÐ >
Vonorlondi v/Sogoveg — Símor 30560-07710