Morgunblaðið - 11.11.2001, Page 15

veitt heilmikil ættfræðiþjónusta. Við
eigum kirkjubækur og það er óskað
eftir upplýsingum úr þeim,“ segir Jó-
hann. Þrátt fyrir skjöl og ljósmyndir
taka bækur mest rými í kjallaranum.
Gamla eldhúsið og borðstofan geyma
bækur, sömuleiðis þar sem áður voru
þvottahús og straustofa. Þar sem áð-
ur var líkhús er nú bókasafn Lestr-
arfélags Grunnavíkurhrepps. „Þetta
safn verður geymt í heild sinni eins
og hver önnur mubla. Það er
skemmtilegt að margar bækurnar
eru bundnar í roð af steinbít og
hlýra,“ segir Jóhann. Líklegast er að
roðið hafi verið sútað norður í
Grunnavík. Segir Jóhann roðið kjörið
bókbandsefni.
Mestu dýrgripir safnsins eru þar
sem áður var sótthreinsun og eitur-
geymsla. Eiturskápurinn geymir afrit
af öllum skrám safnsins, þarna eru
einnig fágætir gripir, kort, uppdrætt-
ir og ljósmyndir á pappír.
Bækur og myndlist
á öllum hæðum
Á 1. hæð verður bókasafnið, útlána-
salur og lesaðstaða. Á 2. hæð verður
m.a. lestrarsalur og sýningarsalur
listasafnsins. Á 3. hæð verða skrif-
stofur, íbúð, sem lánuð verður lista-
mönnum og fólki sem ætlar að stunda
rannsóknir í safninu, aðstaða lista-
safns og fundarherbergi sem jafn-
framt verður minningarstofa Guð-
mundar G. Hagalíns, rithöfundar.
Guðmundur var bæjarbókavörður á
Ísafirði 1929-45 og lagði grunninn að
því sem bókasafnið er nú, en það er
annað stærsta bókasafn landsins utan
Reykjavíkur. „Guðmundur byggði
upp safnnotendur með markvissri
safnkennslu á sínum tíma,“ segir Jó-
hann og vitnar í frásagnir aldraðra
Ísfirðinga um safnkennsluna. Uppi á
hanabjálka verða svo geymslur. Búið
er að styrkja þak hússins eftir nýj-
ustu kröfum og endurbyggja að
hluta.
„Við ætlum ekki að troðfylla húsið
af bókum, heldur hafa hér það sem er
í notkun hverju sinni“ sagði Jóhann.
„Grófvinnsla og flokkun bóka verður
annars staðar. Skjalasafnið er mikið
bákn og fer ört vaxandi. Það er skylt
að afhenda skjöl þrotabúa skjalasöfn-
um. Áðan hringdi lögfræðingur og
sagðist vera með þrjú þrotabú!“
Breiður og rúmgóður stigi á milli
hæða þykir til marks um framsýni
Guðjóns Samúelssonar. Hugmyndin
er að nýta veggi stigahússins fyrir
listsýningar. Stigaþrepin og gólfin
voru í upphafi lögð marmara. Ekkert
verður við honum hróflað þótt stiga-
þrepin næst handriðinu séu orðin slit-
in eftir óteljandi fótspor genginna
kynslóða.
„Þetta er eitt af fáum húsum Guð-
jóns heitins Samúelssonar frá þessum
tíma sem er nær óbreytt,“ segir Jó-
hann. „Eftir að gluggum var breytt til
upprunalegrar myndar er það að ytra
útliti eins og Guðjón teiknaði það.“
Byrjað var á að laga kjallarann.
Þangað voru svo fluttar aðrar bækur
bóksafnsins en rúmuðust í útlánssaln-
um í Sundhöllinni. Sjö gömul hrepps-
bókasöfn eru deildir í Bókasafni Ísa-
fjarðar og virka söfnin á Þingeyri og
Suðureyri sem útibú frá aðalsafninu.
Þessi söfn voru á Þingeyri, Flateyri,
Suðureyri, Ingjaldssandi, í Hnífsdal,
Holti (Mosvallahreppur) og Mýrar-
hreppi. Jóhann segir að öll söfnin séu
í einni skrá.
„Við skráum skólasöfnin og höfum
þau einnig í okkar skrá,“ segir Jó-
hann. „Þar er um að ræða bæði bóka-
safn Grunnskólans á Ísafirði og
kennslugagnasafn sem tilheyrði
Skólaskrifstofu Vestfjarða. Kennslu-
gagnaskráin er aðgengileg á Netinu
sem er þægilegt. Þannig geta kenn-
arar á Patreksfirði séð hvaða
kennslugögn eru inni og pantað þau
með tölvupósti. Gögnin eru send um
hæl til þeirra.“
Í heild telur bókasafnið nú 107 þús-
und bindi. Þar af eru 40 þúsund bindi
komin í Gamla sjúkrahúsið og 25 þús-
und bindi eru í útlánssalnum í Sund-
höllinni. Safnið er með geymslu á
Þingeyri þar sem geymd eru 60 vöru-
bretti. Helmingurinn geymir bækur
og hinn helmingurinn skjöl. „Það er
slæmt að geyma svona mikið á brett-
um, því þá kemst enginn í efnið. Það
er því brýnt að komast hér inn svo
nvaldar Ólafssonar. Til stendur að innrétta þar leikhús og kaffihús. Húsmæðraskólinn Ósk er nú orðinn tónlistarskóli og við hann hefur verið byggður sérhannaður tónleikasalur.
bókum, skjölum og ljósmyndum.
s.
Morgunblaðið/RAX
Jóna Símonía Bjarnadóttir skjalavörður og Jóhann Hinriksson forstöðumaður á svölum Gamla sjúkrahússins.
afirði.
SJÁ SÍÐU 16
MORGUNBLAÐIÐ SUNNUDAGUR 11. NÓVEMBER 2001 B 15
VIÐ höfum talað um þrjúmenningarhús, sem eruGamla sjúkrahúsið, Ed-inborgarhúsið og tónlist-
arhúsið, eða gamla húsmæðraskól-
ann sem breytt var í tónlistarhús,“
sagði Halldór Halldórsson, bæj-
arstjóri, um menningarhúsin á Ísa-
firði. Gamla sjúkrahúsið er í eigu
bæjarins, en Edinborgarhúsið í
eigu hlutafélags einkaaðila. Að
tónlistarhúsinu standa bærinn og
Tónlistarfélag Ísafjarðar. Tónlist-
arhúsið var áður Húsmæðraskól-
inn Ósk. Guðjón Samúelsson teikn-
aði húsið á sínum tíma. Búið er að
byggja við húsið sérstaklega hann-
aðan tónleikasal þar sem einnig
verður aðstaða til hljóðritunar.
Samkvæmt kostnaðaráætlun,
sem gerð var í september 1999, um
endurbyggingu þessara þriggja
húsa vantaði samtals 282 milljónir
til að ljúka framkvæmdum. Heild-
arkostnaðurinn við endurbygg-
inguna hljóðaði upp á 409 millj-
ónir. Búið var að framkvæma fyrir
127 milljónir, þar af hafði bæj-
arsjóður lagt 104 milljónir í tónlist-
arhúsið og Gamla sjúkrahúsið. Að
sögn Halldórs lagði bærinn til hús-
ið sem hýsir tónlistarskólann og 35
milljónir til endurgerðar hússins
og byggingar tónlistarsalar. Þá
segir Halldór að Endurbótasjóður
menningarbygginga hafi lagt um
30 milljónir króna í Edinborg-
arhúsið. „Þess vegna leggjum við
aðaláherslu á Gamla sjúkrahúsið
núna og höfum lagt slíkt erindi fyr-
ir fjárlaganefnd,“ sagði Halldór.
Í því sem ólokið var 1999 vó Ed-
inborgarhúsið þyngst með 170
milljónir en þá var búið að fram-
kvæma þar fyrir 25 milljónir.
Vegna Gamla sjúkrahússins vant-
aði 65 milljónir og til tónlistarhúss-
ins 57 milljónir.
Halldór segir að lítið hafi gerst
frá því að kostnaðaráætlunin var
gerð. „Við höfum frestað þessu al-
veg á þessu kjörtímabili. Við höf-
um lagt áherslu á að ná tökum á
fjárhag sveitarfélagsins eftir sam-
eininguna 1996.“ Hann segir að
ytra borð Gamla sjúkrahússins hafi
verið friðað, að tillögu Húsafrið-
unarnefndar ríkisins, 15. desember
1999. Það hafi sett heilmiklar
kvaðir á bæjarfélagið. Halldór tel-
ur raunhæft að áætla að það kosti
70-80 milljónir að ljúka við Gamla
sjúkrahúsið, því töluverðar kostn-
aðarhækkanir hafi orðið frá 1999.
Embættismenn Ísafjarðarbæjar
hafa ítrekað gengið með málefni
menningarhúsanna fyrir fjár-
laganefnd Alþingis. Þeir hafa einn-
ig skrifað menntamálaráðherra
eftir fjárframlagi. „Við höfum
horft til menningarhúsaverkefn-
isins til að ljúka þessu. Við höfum
sagt að hér þurfi ekki að byggja
neitt. Hér eru þessi hús sem sam-
félagið er búið að leggja verulega
í, en það þarf meira til. Það hefur í
raun verið vel tekið í erindi okkar
– en bara ekkert gerst. Ef ekkert
fer að gerast verður að leita ann-
arra leiða. Það er þó ekki búið að
afskrifa menningarhúsaleiðina. Ég
vil leggja áherslu á að mennta-
málaráðherra hefur tekið erindi
okkar mjög vel. Þetta er einfald-
lega ferli sem tekur nokkurn
tíma,“ sagði Halldór, bæjarstjóri.
Horfum til menning-
arhúsaverkefnisins
Halldór Halldórsson, bæjarstjóri á Ísafirði, segir að
haustið 1999 hafi verið áætlað að 282 milljónir
vantaði til að ljúka framkvæmdum við menningar-
húsin þrjú í bænum.
Halldór Halldórsson bæjarstjóri segir að samfélagið sé búið að leggja
mikið í menningarhúsin þrjú, en það þurfi meira til.