Morgunblaðið - 13.03.2002, Blaðsíða 50

50 MIÐVIKUDAGUR 13. MARS 2002 MORGUNBLAÐIÐ






 

    
   

  

  
  
 !
BRÉF
TIL BLAÐSINS
Kringlunni 1 103 Reykjavík  Sími 569 1100
 Símbréf 569 1329  Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
AÐALHEIÐUR Inga Þorsteins-
dóttir og Birgir Baldursson geysast
fram á ritvöll Morgunblaðsins og
lýsa því yfir að kristindómurinn sé
hindurvitni. En hver eru þessi
trúarbrögð sem
þetta fólk telur
verðskulda þessa
nafngift?
Kristnir menn
trúa því að með
Jesú hafi guð op-
inberað mönnun-
um sannleika og
lífsspeki sem fell-
ur aldrei úr gildi.
Hann sagði læri-
sveinum sínum að hann gæfi þeim
nýtt boðorð, að þeir elskuðu hver
annan eins og hann hefði elskað þá.
Að sá sem vildi vera fremstur, yrði
síðastur allra og þjónn allra. Kristur
varaði við græðgi og efnishyggju
með því að segja að það stoðaði
manninn lítt að eignast allan heim-
inn og glata sálu sinni. Hann benti
mönnum á að forðast áhyggjur og
að láta hverjum degi nægja sína
þjáningu. Hann brýndi fyrir mönn-
um miskunnsemi, að fyrirgefa
náunganum og forðast dómhörku.
Hann boðaði að í samskiptum
manna skyldi gilda sú regla að „allt
sem þér viljið, að aðrir menn gjöri
yður, það skuluð þér og þeim
gjöra“.
Þetta er í stórum dráttum sá
grundvöllur sem kristnir menn vilja
byggja líf sitt á. Hann hefur mótað
gildismat íslensku þjóðarinnar
meira en margur kærir sig um að
viðurkenna. Kristnir menn trúa að
sá sem hlítir leiðsögn Krists byggi
líf sitt á bjargi sem aldrei bifast
hvað sem á dynur. Sá vegur sem
hann vísar sé í samræmi við vaxt-
arlögmál lífsins. Með því að feta
hann geti menn sigrast á niðurbrjót-
andi öflum í sjálfum sér og í sam-
skiptum við náungann. Réttmæti
þeirrar afstöðu að lífið sé sterkara
en dauðinn getur aðeins byggst á
trú og engu öðru. Kristin trú er trú
á sigur lífsins yfir dauðanum. Hún
er fullvissa þess að sá sigur hafi
fengið sína endanlegu staðfestingu í
vitnisburðinum um Jesú Krist.
En þá ryðst allt í einu fram á rit-
völlinn fólk sem telur að þessi
grundvöllur sé hindurvitni. Sigri
hrósandi reiðir það hátt til höggs og
lýsir því yfir að guð sé dauður. Við
þessa einstaklinga vil ég segja
þetta: Fyrst þið teljið ykkur vera
búin að drepa guð skuluð þið sjálf
reynast hans verðug. Fyrst þið telj-
ið ykkur vita að kristindómurinn sé
hindurvitni hljótið þið að búa yfir
sannleika sem er ekki hindurvitni.
Fyrst þið teljið ykkur vita betur en
meistarinn frá Nasaret skuldið þið
okkur sem álítum okkur kristin
grundvöll sem við getum byggt líf
okkar á og er ekki hindurvitni. Ég
skora á ykkur að ganga fram fyrir
skjöldu og opinbera þennan sann-
leika. Ég vona bara að hann sé
hvorki efnis- og vísindahyggja Sov-
étríkjanna sálugu né ofurmennis-
hugmynd nasista.
STEFÁN KARLSSON,
stjórnmálafræðingur,
guðfræðingur og kennari.
Að drepa guð
Frá Stefáni Karlssyni:
Stefán
Karlsson
ÞEGAR forstjóri Landhelgisgæsl-
unnar kom fram í sjónvarpi á dög-
unum var hann spurður um tækni-
leg atriði en kom sér hjá að svara
vegna þess að hann væri ekki
tæknimaður. Þá lá fyrir vönduð út-
tekt Morgunblaðsins þar sem
tímasetningar vegna hörmulegs
slyss voru raktar og dagskrár-
gerðarmönnum vorkunn að ganga
ekki harðar fram í spurningum
sínum. Nú hefur Morgunblaðið
lagt fram staðreyndir málsins og
því þarf að fá svarað nokkrum lyk-
ilspurningum vegna Bjarma-slyss-
ins meðal annars frá Landhelg-
isgæslunni.
Fram kemur hjá skipstjóra Týs
í Morgunblaðinu að þegar ratsjár-
tölva varðskipsins hafi verið skoð-
uð kl. 12.46 hafi komið í ljós depill,
sem að öllum líkindum hafi verið
Bjarmi, en Bjarmi hverfur svo af
ratsjá varðskipsins kl. 11.06 sam-
kvæmt upplýsingum sem fram
koma í Morgunblaðinu 26. febrúar
sl., eða 9 mínútum eftir að varð-
skipið heyrir veikt neyðarkall.
Hér hlýtur maður að spyrja: Var
ekki settur maður við radarinn
strax og neyðarkallið heyrðist?
Það þarf einnig að svara því á
hvað radarinn var stilltur. Það
þarf einnig að svara því af hverju
varðskipið sigldi í austur þegar
það hafði heyrt neyðarkall og séð
depil sem hvarf í vestri. Alveg á
sama hátt og það þarf að upplýsa
um allt sem gerðist hjá tilkynn-
ingaskyldunni. Það má líka spyrja
af hverju varðskipsmenn kíktu
ekki fyrr á ratsjártölvuna sem gaf
til kynna að endurvarp skips
(Bjarmi) hvarf.
Þessum spurningum þarf að
svara til þess að hugsanleg mistök
endurtaki sig ekki og til þess að
menn læri af reynslu sinni. Það má
líka velta því fyrir sér þegar svona
hörmulegt slys veður hvort það
var til bóta fyrir öryggismál sjó-
manna að flytja rannsóknanefnd
sjóslysa í Stykkishólm. Það má
líka velta því fyrir sér hvort laga-
breyting, þar sem ákvæði um for-
takslaus sjópróf voru afnumin, hafi
verið til bóta. Það má líka velta
fyrir sér hvort rannsóknanefnd
sjóslysa ætti ekki að sjá sóma sinn
í að halda áfram útgáfu skýrslu
sjóslysanefndar sem kom síðast út
1997, eða ráðherrann að tryggja
útgáfu ritsins.
Viðbrögð margra sem sinna ör-
yggis- og björgunarhlutverki á sjó
hafa að mínum dómi einkennst af
því sem fram kemur í frasanum
hans Bubba – ekki benda á mig.
Viðbrögðin sjálf ættu að verða
samgönguráðherranum næg
ástæða til að skipa sérstaka óháða
rannsóknanefnd sem skilaði opin-
berri skýrslu um málið, en í henni
þyrftu að vera fagmenn.
JÓHANN PÁLL
SÍMONARSON,
Stakkhömrum 4, Reykjavík.
Ekki benda á mig
Frá Jóhanni Páli Símonarsyni: