Morgunblaðið - 09.04.2002, Page 6

FRÉTTIR
6 ÞRIÐJUDAGUR 9. APRÍL 2002 MORGUNBLAÐIÐ
HALLDÓR Ásgrímsson utanríkis-
ráðherra segir ekki raunhæft að
ætla að endurskoðun á EES-samn-
ingnum geti falið í sér þátttöku í
sameiginlegri sjávarútvegsstefnu
Evrópusambandsins eins og Einar
Benediktsson, fyrrverandi sendi-
herra, varpaði fram í grein sem birt-
ist í Morgunblaðinu sl. sunnudag.
Einar tekur í grein sinni undir þau
sjónarmið sem Halldór setti fram í
ræðu í Berlín 14. mars sl. um sér-
stöðu Íslands varðandi sjávarútveg
og segir þær vekja til umhugsunar.
,,Gæti ekki endurskoðun á EES-
samningnum falið í sér þátttöku í
sameiginlegri sjávarútvegsstefnu á
þessum nótum og tryggt fullt og var-
anlegt viðskiptafrelsi fyrir sjávaraf-
urðir í stækkuðu ESB?“ segir Einar
m.a. í grein sinni.
Halldór segir aðspurður um þetta
að ef tekið sé mið af þeim umræðum
sem fram hafi farið um endurskoðun
EES-samningsins, sé ekki raunhæft
að reikna með að þetta geti gerst.
,,Það hefur aldrei verið sett inn í þær
athuganir sem hafa farið fram á
þessu máli. EFTA-skrifstofan gerði
mikla úttekt á því hvað þar kæmi
hugsanlega til álita en aldrei kom til
umfjöllunar að EFTA-löndin yrðu
aðilar að sameiginlegu sjávarútvegs-
stefnunni eða landbúnaðarstefnunni.
Það sem hefur skipt okkur máli er
fyrst og fremst að vera fullgildir að-
ilar að innri markaðinum. En það er
rétt að við höfum ekki fullkomið toll-
frelsi á nokkrum sjávarafurðum en
ég tel að það komi ekki til álita og sé
ekki raunhæft að reikna með því,“
segir hann.
Halldór kvaðst vera Einari þakk-
látur fyrir að taka í höfuðatriðum
undir þær hugmyndir sem Halldór
setti fram í ræðunni í Berlín, ,,en það
að gerast aðili að sameiginlegu sjáv-
arútvegsstefnunni verður fyrst og
fremst að skoðast í ljósi hugsanlegr-
ar aðildar,“ segir Halldór.
Ekki raun-
hæft við
endurskoð-
un EES
Utanríkisráðherra
um hugmyndir Einars
Benediktssonar
HARALDUR Örn Ólafsson fjall-
göngumaður kom í grunnbúðir Ev-
erest í gær eftir átta daga göngu frá
Lukla og er við góða heilsu í 5.400
metra hæð. Hann sá um helgina
sjálfan tind Everest í fyrsta skipti og
mun innan skamms hefja hæðarað-
lögun á fjallinu með því að ganga
hátt í hlíðar fjallsins á milli þess sem
hann hvílist í grunnbúðum fyrir at-
löguna á tindinn.
Hann sagði í gær við bakvarða-
sveit sína að hundruð manna væru í
grunnbúðum og meðal þeirra sem
ætluðu á tindinn nú í vor væri Peter
Hillary, sonur nýsjálenska fjall-
göngugarpsins Edmund Hillarys
sem komst fyrstur á tind Everst árið
1953 með Tenzing Norgay Sherpa.
Haraldur hitti Peter Hillary rétt áð-
ur en hann hringdi heim í gær.
„Hann er hérna með myndatöku-
lið sem ætlar að gera kvikmynd sem
sýnd verður á næsta ári, á 50 ára af-
mæli fyrstu uppgöngunnar,“ sagði
Haraldur. Hann sagði færri leið-
angra á fjallinu nú en undanfarin ár
sem rekja mætti til hryðjuverkanna í
Bandaríkjunum og árása Maóista á
stjórnvöld í Nepal.
Á leið sinni upp í grunnbúðir hlaut
Haraldur blessun búddamunka í
klaustri í þorpinu Tengboche, en al-
gengt er að fjallgöngumenn sem eiga
leið þar um fái blessun þeirra.
Haraldur
kominn í
grunnbúðir
Everest
FORSTÖÐUMENN elli- og hjúkr-
unarheimila átelja vinnubrögð við
ákvörðun daggjalda dvalar- og
hjúkrunarheimila í ályktun sem
samþykkt var á fundi þeirra nýverið.
„Hvetur fundurinn til þess að
grunnur daggjalda verði endurskoð-
aður hið fyrsta og greiðslur verði
hækkaðar svo að tekjur geti staðið
undir eðlilegum rekstrarkostnaði
heimilanna,“ segir í ályktuninni.
Jafnframt er heilbrigðisráðuneytið
hvatt til að taka upp nútímalegri
vinnubrögð við ákvörðun daggjalda
og til að viðurkenna rétt stofnana
skv. lögum til samráðs um daggjöld.
Í greinargerð með ályktuninni
segir að ítrekað hafi verið óskað eftir
endurskoðun daggjaldagrunnsins og
bent á að núverandi daggjöld stofni
rekstri daggjaldastofnana í hættu.
Nýlega hafi nefnd skipuð fulltrúum
frá Sambandi íslenskra sveitarfélaga
og heilbrigðisráðuneyti komist að
þeirri niðurstöðu að daggjöld fyrir
meðalstórt heimili þurfi að vera
5.813 kr. Þrátt fyrir þetta hafi ráðu-
neytið einhliða ákveðið að daggjald
fyrir árið 2002 skyldi vera kr. 4.515.
Þá hafi ráðuneytið ekki óskað eftir
tillögum stofnana við ákvörðun dag-
gjalda í ár eins og lög kveða á um.
„Ljóst er að halli varð á rekstri
flestra, ef ekki allra, daggjaldastofn-
ana á síðasta ári. Áætlanir sýna að
halli verður einnig á rekstri þeirra á
yfirstandandi ári, verði ekkert að
gert. Stjórnvöld hafa undanfarin ár
reynt að bjarga sér fyrir horn með
aukafjárveitingum til verst settu
stofnananna, en tími smáskammta-
lækninga er liðinn og tímabært að
greiddur verði eðlilegri rekstrar-
kostnaður og tekin verði upp ný og
nútímalegri vinnubrögð við ákvörð-
un daggjalda,“ segir í greinargerð.
Vinnubrögð
við ákvörðun
daggjalda átalin
MEISTARAFLOKKAR Breiðabliks
og HK í knattspyrnu og úrvals-
hópur frjálsíþróttadeildar Breiða-
bliks voru fyrstir til að prófa að-
stöðuna í Kópavogshöllinni,
fjölnota íþrótta- og sýningarhúsi í
Kópavogsdal, í gær.
Framkvæmdir við húsið hófust 3.
júlí þegar fyrsta skóflustungan var
tekin. Sigurður Geirdal, bæjarstjóri
Kópavogs, Gunnar I. Birgisson, for-
maður bæjarráðs, og ýmsir
frammámenn úr íþróttahreyfing-
unni voru viðstaddir æfinguna.
Flatarmál hússins er 10.100 m².
Þar er knattspyrnuvöllur með
gervigrasi auk frjálsíþrótta-
aðstöðu. Gervigrasið er af svokall-
aðri þriðju kynslóð gervigrass og
er völlurinn sá fyrsti sinnar teg-
undar hérlendis.
Í frjálsíþróttaaðstöðunni eru fjór-
ar 100 metra brautir og sex 60
metra brautir ásamt langstökks- og
stangarstökksaðstöðu. Þá er
göngu- og skokkbraut í kringum
knattspyrnuvöllinn.
Heildarkostnaður við byggingu
hallarinnar ásamt tengibyggingu
verður á bilinu 480–490 milljónir.
Morgunblaðið/Þorkell
Boltinn rúllar
í Kópavogshöllinni
FORSETI sænska þingsins, Birgitta
Dahl, sem nú er í opinberri heim-
sókn á Íslandi, ræddi í gær við Hall-
dór Ásgrímsson utanríkisráðherra
og Geir H. Haarde fjármálaráð-
herra. Þá átti hún fund með Hall-
dóri Blöndal, forseta Alþingis.
„Heimsóknin er liður í því góða
samstarfi Íslands og Svíþjóðar og
samstarfi okkar Halldórs Blöndal
þingforseta,“ sagði Birgitta Dahl
en hún hefur margoft komið til Ís-
lands í gegnum starf sitt sem þing-
maður og ráðherra til marga ára.
Hún sagði pólitík, menningu og
náttúruna vera ástæður heimsókn-
arinnar enda væru það aðaláhuga-
mál sín og kvaðst hún ekki hafa
orðið fyrir vonbrigðum. Ekki síst
fannst henni mikið til koma að
heimsækja Vestmannaeyjar í fyrsta
sinn og kynnast sögustöðum á Suð-
urlandi en hún og föruneyti hennar
fóru um söguslóðir Njálu.
Fylgdist með atkvæðagreiðslu
Forseti sænska þingsins kvaðst
einnig hafa átt góðar viðræður við
fjármálaráðherra og utanríkis-
ráðherra. Kvað hún þau hafa rætt
um Evrópusambandið og sagði við-
horf Svía mismunandi til þess, bæði
innan stjórnmálaflokkanna og milli
þeirra. Birgitta Dahl fylgdist einnig
með atkvæðagreiðslu í þinginu í
gær um virkjanir á Austurlandi en
hún var umhverfis- og orku-
málaráðherra Svía um skeið.
Halldór Blöndal, forseti Alþingis,
sagði heimsókn sænska þingforset-
ans í senn vináttu- og vinnuheim-
sókn. „Við áttum ágætt samtal og
ánægjulegt en hún lærði íslenska
tungu og er vel að sér í norrænni
sögu og menningu,“ sagði hann.
„Við ræddum norræn samskipti og
skiptumst á skoðunum um innra
starf þinganna og ræddum ýmis
mál vítt og breitt. Það er mjög
gagnlegt að fulltrúar þinganna
hittist og séu í nánu samstarfi og
svona heimsóknir eru líka til að
kynnast landi og þjóð hver annars,“
sagði Halldór og nefndi að í ágúst
væri fyrirhugaður árlegur fundur
þingforsetanna sem að þessu sinni
verður í Svíþjóð. „Þar verður farið
yfir ýmislegt er varðar innra starf
þinganna og samstarf þeirra.“
Auk viðræðna við ráðherra og
forseta Alþingis hitti Birgitta Dahl
formenn þingflokkanna í hádeg-
isverðarboði. Í gærkvöldi þáði hún
kvöldverðarboð forseta Alþingis í
Ráðherrabústaðnum. Heimsókn
þingforsetans lýkur í dag.
Morgunblaðið/Ásdís
Birgitta Dahl, forseti sænska þingsins, átti í gær fund með Halldóri Blön-
dal, forseta Alþingis, og fylgdist síðan með atkvæðagreiðslu í þinginu.
Gagnlegt samstarf
þjóðþinganna
Forseti sænska þingsins í heimsókn
VERÐ á innlendum agúrkum út úr
búð á Íslandi er nú með því lægsta
sem þekkist í nágrannalöndunum,
segir Pálmi Haraldsson, fram-
kvæmdastjóri Sölufélags garðyrkju-
manna. Skv. skyndikönnun sem hann
lét gera í gær á verði á agúrkum í
stórmörkuðum í nokkrum Evrópu-
löndum og í New York, kom í ljós að
verðið var hvergi lægra en á Íslandi.
Verð á íslenskum agúrkum í gær
var 69 kr. kílóið í Bónus, 98 kr./kg í
Hagkaupum og 99 kr/kg. í Nóatúni. Í
ljós kom að kílóverðið á agúrkum í
gær var hins vegar um 240 kr. til
neytenda í stórmarkaði í Danmörku.
á Írlandi var gúrkuverðið 242 kr./kg.,
og í Alberthein, stærstu verslunar-
keðju Hollands, reyndist verðið til
neytenda í gær vera 214 kr./kg. Í stór-
markaði í Þýskalandi voru gúrkur á
tilboði þessa vikuna og boðnar á 97
kr/kg., en í stórmarkaði í Moskvu
fékkst gúrkan á 304 kr/kg. Þá lét
Pálmi kanna verð á agúrkum í tveim-
ur stórmörkuðum í New York í gær. Í
annarri versluninni fékkst kíló af
agúrkum á rúmar 500 kr. en í hinni
var verð til neytenda rúmlega 600 kr./
kg., að hans sögn.
Íslenski neytandinn hefur getað
keypt sér íslenskar agúrkur, ferskar,
beint úr sveitinni og án eiturefna und-
anfarnar vikur fyrir innan við 100
krónur kílóið, sagði Pálmi . ,,Þetta er
kjarni málsins,“ sagði hann.
SFG gerði skyndikönnun
á grænmeti í nokkrum löndum
Verð á gúrkum
lægst á Íslandi