Morgunblaðið - 11.07.2002, Síða 1

160. TBL. 90. ÁRG. FIMMTUDAGUR 11. JÚLÍ 2002 PRENTSMIÐJA MORGUNBLAÐSINS
STOFNAÐ 1913
MORGUNBLAÐIÐ 11. JÚLÍ 2002
FRAMKVÆMDASTJÓRN Evr-
ópusambandsins (ESB) samþykkti í
gær áætlun sem mun umbreyta hinu
fjörutíu ára gamla landbúnaðar-
styrkjakerfi sambandsins, samþykki
aðildarríkin fimmtán hana. Ríkis-
stjórn Frakklands hefur þegar heitið
því að berjast hatrammlega gegn
áætluninni, og búast stjórnmála-
skýrendur við því að Írar og ríki
Suður-Evrópu fylki sér að baki
Frökkum í málinu.
Breytingartillögurnar fela í sér að
tengsl styrkja við framleiðslu verða
afnumin, en núverandi kerfi er þann-
ig upp byggt að því meira sem bænd-
ur framleiða af matvælum, því hærri
styrki fá þeir. Verði tillögurnar sam-
þykktar munu bændur fá fastar
greiðslur og er gert ráð fyrir því að
ekkert býli fái meira en 300.000 evr-
ur, eða um 25 milljónir íslenskra
króna, í styrki á ári.
Breytinga þörf fyrir stækkun
Franz Fischler, sem sér um land-
búnaðarmál í framkvæmdastjórn
ESB, segir markaðinn verða að ráða
því hvað framleitt verði og að aukna
áherslu verði að leggja á náttúru-
vernd og almennt heilbrigði. „Í
framtíðinni munu bændur ekki fá
greitt fyrir offramleiðslu heldur fyr-
ir að taka til greina kröfur almenn-
ings um örugg matvæli, betri með-
ferð á dýrum og heilbrigt umhverfi,“
sagði Fischler.
Stuðningsmenn breytinganna
segja nauðsynlegt að þær nái fram
að ganga áður en að stækkun ESB
árið 2004 kemur, en þá munu nokkur
stór landbúnaðarríki, eins og Pól-
land, hugsanlega fá inngöngu í sam-
bandið. Samkvæmt núverandi kerfi
eyðir ESB því sem samsvarar 3.500
milljörðum íslenskra króna í land-
búnaðarstyrki til þeirra átta milljóna
bænda sem innan þess eru og er það
um helmingur fjárlaga sambandsins.
Blendin viðbrögð í Þýskalandi
Nokkur hundruð spænskra
bænda efndu til mótmæla í Brussel í
gær þegar tillögurnar voru kynntar
og sögðu þær „ráðast harkalega“
gegn hagsmunum sínum. Þá gagn-
rýndi þjóðernisöfgamaðurinn Jean-
Marie Le Pen, sem tapaði fyrir Jacq-
ues Chirac í frönsku forsetakosning-
unum í maí, áformin og sagði þau
„næsta skrefið í fjöldamorði á lands-
byggðarfólki“.
Þýski landbúnaðarráðherrann,
Renate Kuenast, tók vel í breyting-
artillögur framkvæmdastjórnarinn-
ar, en sagði þýsku stjórnina því að-
eins styðja þær að þær hefðu ekki í
för með sér aukið atvinnuleysi og til-
lit yrði tekið til umhverfisþátta.
Leiðtogi Kristilega demókrata-
flokksins í Þýskalandi, Edmund
Stoiber, lagðist hins vegar gegn til-
lögunum og sagði ómögulegt að
breyta styrkjakerfinu áður en
stækkun bandalagsins hefði gengið í
gegn. Sagði hann að ef dregið yrði
mikið úr landbúnaðarstyrkjum gæti
það fælt kjósendur í þeim löndum
sem sótt hafa um ESB-aðild frá því
að greiða aðildinni atkvæði sitt.
Tillögur um breytingar á landbúnaðarstefnu ESB
Frönsk stjórnvöld boða
hatramma andstöðu
Brussel. AP, AFP.
LÖGREGLUMAÐUR í Manila á Fil-
ippseyjum fylgist hér með því þeg-
ar valtari keyrir yfir þúsundir riffla
og skammbyssa.
Í gær var sérstakur dagur sem
Sameinuðu þjóðirnar höfðu helgað
eyðileggingu skotvopna og hafði
vopnunum sem hér sjást eyðilögð
verið safnað saman af her og lög-
reglu landsins í baráttu þeirra við
skæruliða og glæpamenn undan-
farin misseri.
Reuters
Valtað yfir
skotvopn
VÉLVIRKI í 24. flugdeild kín-
verska hersins vinnur í flug-
stjórnarklefa orrustuþotu nærri
borginni Tianjin, sem er um 70
kílómetra suðaustan við höfuð-
borgina Peking. Kínverski herinn
opnaði í gær tvær herstöðvar fyr-
ir blaðamönnum í því skyni að
sýna fram á hve vel vopnum bú-
inn herinn væri og hve hæfur
hann væri til að verja þessa fjöl-
mennustu þjóð jarðar.
AP
Kínverski herinn sýnir mátt sinn
VÍSINDAMENN frá Frakk-
landi og Tsjad hafa fundið leif-
ar frummanns sem þeir segja
að séu um sjö milljón ára gaml-
ar. Samkvæmt því er um elsta
forföður nútímamannsins, sem
hingað til hefur fundist, að
ræða. Benda leifarnar, haus-
kúpa, kjálkabrot og þrjár tenn-
ur, til þess að forfeður manns-
ins hafi byrjað að þróast í aðra
átt en simpansar fyrir að
minnsta kosti sjö milljón árum,
mun fyrr en áður var talið.
Einn ritstjóra bandaríska
vísindaritsins Nature segir
uppgötvunina „mikilvægasta
steingervingafund í manna
minnum,“ en hún sýnir einnig
fram á það að forfeður manns-
ins dreifðust mun víðar um Afr-
íku en áður var talið. Athygli
steingervingafræðinga hefur
hingað til beinst að Rift-dalnum
í Kenía, um 2500 kílómetra frá
uppgraftarstæðinu í Tsjad og
mun uppgötvunin því breyta
mörgu því sem menn héldu sig
vita um uppruna mannsins.
Grein um Toumai, en það
nafn hefur þessum forföður
okkar verið gefið, mun birtast í
Nature í dag, en þetta nafn er
venjulega gefið þeim börnum í
Tsjad sem fæðast rétt áður en
þurrkatíminn hefst og þýðir
það „lífsvon“.
Elsti
forfaðir
mannsins
París. AFP.
GERT er ráð fyrir því að börnum
sem misst hafa annað foreldri sitt
eða bæði vegna alnæmisfaraldursins
muni fjölga um helming eða í 25
milljónir fyrir 2010. Kom þetta fram
í ræðu Peters Piots á alþjóðaráð-
stefnunni um alnæmi í Barcelona í
gær en hann er forstöðumaður
UNAIDS, stofnunar á vegum Sam-
einuðu þjóðanna er berst gegn sjúk-
dómnum.
„Í sumum löndum eru félagslegir
innviðir samfélagsins að hverfa og
fjölskyldur að sundrast … Ólýsan-
legar hörmungar gætu verið í aug-
sýn,“ sagði Piot og bætti við að
skýrslan um munaðarleysingjana
væri án efa einhverjar átakanleg-
ustu upplýsingar sem lagðar hefðu
verið fram.
Skýrslan er meðal annars unnin af
starfsmönnum Barnahjálpar SÞ og
Bandarísku þróunarstofnuninni
USAID og byggist á upplýsingum
frá 88 löndum í Afríku, Asíu, Róm-
önsku Ameríku og Karíbahafinu.
Munaðarleysingjar af völdum al-
næmis voru í fyrra taldir vera alls
um 13,4 milljónir, flestir í Afríku.
Útbreiðsla alnæmis
Tala mun-
aðarlausra
tvöfaldast
Barcelona. AFP.
BRESKA stjórnin hyggst breyta reglum um að-
gerðir gegn kannabisneyslu og verður í reynd
heimilt að neyta efnisins og fólk ekki handtekið
fyrir að vera með smávegis af því í fórum sínum.
Breytingin er sögð vera hin róttækasta sem gerð
hefur verið í fíkniefnamálum í Bretlandi í þrjá ára-
tugi og var gagnrýnd harkalega af talsmönnum
Íhaldsflokksins og öðrum sem vilja banna alla
hassnotkun. Háttsettir embættismenn í bresku
lögreglunni hafa áður lagt til að slakað verði á
refsingum vegna hassneyslu sem er mjög út-
breidd meðal ungs fólks.
Kannabisefni, þ. e. hass og marijúana, verða
framvegis í áhættuflokki C en í honum eru meðal
annars ýmis þunglyndislyf og sterar. Hins vegar
verður e-pillan svonefnda ekki færð úr efsta
áhættuflokki niður í B-flokk, eins og sumir ráð-
gjafar stjórnvalda hafa mælt með.
Markmiðið með hugmyndunum, sem David
Blunkett innanríkisráðherra kynnti á þingi í gær,
er að létta störfum af lögreglunni og gera henni
kleift að leggja meiri áherslu á baráttuna gegn
sterkum efnum á borð við kókaín og heróín.
„Skilaboðin eru skýr – fíkniefni eru hættuleg. Við
munum fræða og beita fortölum og þegar nauðsyn
krefur beina ungu fólki frá neyslu,“ sagði ráð-
herrann. Hann sagði að lögreglan fengi heimild til
að handtaka menn fyrir hassneyslu í undantekn-
ingartilfellum, til dæmis ef reykt væri innan um
börn. Refsiramminn fyrir sölu á efnum í B- og C-
flokki verður hækkaður úr fimm árum í 14 ár en
aukin áhersla lögð á að bjóða fíklum meðferð.
Leyft að nota hass í Bretlandi
Áhersla framvegis lögð á
baráttu gegn sterkum efnum
London. AFP.