Morgunblaðið - 11.07.2002, Page 2

FRÉTTIR
2 FIMMTUDAGUR 11. JÚLÍ 2002 MORGUNBLAÐIÐ
Fylgstu
með
nýjustu
fréttum
www.mbl.isKR á kunnuglegum slóðum
í Símadeild kvenna /C2
Ingi Sigurðsson bætti met Þórðar
Hallgrímssonar /C1
4 SÍÐUR12 SÍÐUR
Sérblöð í dag
VIÐSKIPTABLAÐ MORGUNBLAÐSINS
S É R B L A Ð Á F I M M T U D Ö G U M U M V I Ð S K I P T I , S J Á V A R Ú T V E G & A T H A F N A L Í
Á FIMMTUDÖGUM
HÉRAÐSDÓMUR Reykjaness
dæmdi í gær íslenskan fiskkaup-
anda í sex mánaða fangelsi fyrir
brot á lögum um umgengni um
nytjastofna sjávar og stjórn fisk-
veiða og brot á lögum um meðferð,
vinnslu og dreifingu sjávarafurða og
tollalögum. Auk þess var ákærði
sakfelldur fyrir bókhaldsbrot. Þrír
mánuðir af refsingunni voru skil-
orðsbundnir.
Ákærða var gefið að sök í fyrsta
lagi að hafa, frá febrúar til og með
nóvember 1999, keypt af ýmsum
sjómönnum flakaðan og óflakaðan
þorsk sem svarar til 324,4 tonna af
þorski úr sjó sem hann flutti frá
borði og kom undan vigtun við lönd-
un í íslenskum höfnum og frádrætti
aflahlutdeildar skipanna af heildar-
afla þorsks fiskveiðiárin 1998/1999
og 1999/2000. Aflann vann ákærði
eða lét vinna í nafni fiskverkunar-
fyrirtækis og flutti úr landi og seldi
samtals 133,9 tonn af unnum afurð-
um fyrir rúmar 44 milljónir króna.
Í öðru lagi var ákærða gefið að
sök að hafa tilgreint ranglega fisk-
tegundir, við útflutning í 28 skipti,
samtals 25.230 kg af keilu sem hann
tilgreindi sem steinbít á útflutnings-
skýrslum og útflutningsskjölum til
tollyfirvalda í starfi sínu hjá fisk-
vinnslufyrirtæki á tímabilinu 1. júlí
til 21. október 1999. Í þriðja lagi var
ákærða gefið að sök að hafa sem
stjórnarmaður og framkvæmda-
stjóri látið hjá líða að varðveita bók-
haldsgögn og að færa bókhald fyrir
fiskverkunarfyrirtæki vegna rekstr-
arársins 1999.
Með skýlausri játningu ákærða
þótti sannað að hann hefði framið
þau brot sem um ræddi.
Dómurinn leit til þess m.a. að
brotastarfsemi ákærða hefði verið
talsvert umfangsmikil og taldi að
hafa þyrfti í huga við ákvörðun refs-
ingar að ákærði varð sjálfur þess
valdandi að rannsókn á broti hans
gegn lögum um umgengni um nytja-
stofna sjávar og stjórn fiskveiða
hófst með því að greina frá broti
sínu í fjölmiðlum.
Ekki tókst að færa sönnur á fjár-
hæð þess ávinnings sem ákærði
hafði af brotastarfsemi sinni og taldi
dómari rétt skv. 3. tl. 1. mgr. 69. gr.
almennra hegningarlaga að áætla
þá fjárhæð 2 milljónir króna og var
ákærða gert að sæta upptöku þeirr-
ar fjárhæðar.
Sveinn Sigurkarlsson héraðsdóm-
ari kvað upp dóminn. Jón H.
Snorrason, saksóknari hjá efna-
hagsbrotadeild ríkislögreglustjóra,
sótti málið en verjandi ákærða var
Örn Clausen hrl.
Hálfs árs fangelsi fyrir brot á lögum um stjórn fiskveiða og fleiri brot
Brot ákærða
talin talsvert
umfangsmikil
SAMBÍÓIN bjóða öllum sem vilja
frítt á kvikmyndasýningar í Bíóborg-
inni við Snorrabraut í dag en síðan
verður bíóinu lokað og húsið selt.
Árni Samúelsson, aðaleigandi
Sambíóanna, segir þetta mikil kafla-
skipti í íslensku kvikmyndahúsalífi.
55 ár séu síðan rekstur Austurbæj-
arbíós hafi byrjað í húsinu og hann
hafi rekið kvikmyndahúsið frá 1985
eða í 17 ár en allt taki enda. Eftir að
samið hafi verið um að Sambíóin
tækju yfir rekstur Háskólabíós hafi
verið ákveðið að loka Bíóborginni við
Snorrabraut, en Sambíóin verði
áfram á þremur stöðum í Reykjavík,
þ.e. í Háskólabíói, við Álfabakka og í
Kringlunni. Hann segir að Bíóborgin
sé til sölu og menn hafi sýnt húsnæð-
inu áhuga en hvað verður ætti að
skýrast fljótlega.
Í tilefni tímamótanna bjóða Sam-
bíóin í bíó við Snorrabraut í dag.
„Þetta er kveðjudagurinn okkar og
við ætlum að bjóða öllum velunnur-
um okkar, sem hafa haft ánægju af
því að sækja Austurbæjarbíó og síð-
ar Bíóborgina í öll þessi ár, frítt í
bíó,“ segir Árni og bætir við að mikil
eftirsjá ríki í huga sínum við þessa
breytingu og hann kveðji húsið með
söknuði. Hann hafi sem strákur búið
í næsta nágrenni og sótt Roy Ro-
gers-myndir og aðrar perlur í hús-
inu. Þá hafi aðalmálið verið að skipta
á hasarblöðum fyrir utan Austur-
bæjarbíó en það sé liðin tíð. Áður
hafi veitingastaðurinn Silfurtunglið
verið uppi í húsinu og þar hafi ferm-
ingarveisla hans verið í apríl 1956, en
það hafi verið fyrsta fermingarveisl-
an í húsinu. „Í þriðja lagi má nefna
að áður en húsið var byggt, um 1920,
var afi minn með kálgarð þar sem
húsið stendur, og svo tók ég við því
1987, en allt tekur enda,“ segir Árni.
Bíóborginni við Snorrabraut lokað eftir sýningar í 55 ár
Morgunblaðið/Jim Smart
Síðustu kvikmyndasýningarnar verða í Bíóborginni í dag.
Frítt í
bíó í dag
ANNA Rún Halldórsdóttir frá Þverá í Eyja- og
Miklaholtshreppi lauk stúdentsprófi af mála-
braut frá Menntaskólanum á Laugarvatni í vor.
Það væri ekki í frásögur færandi nema vegna
þess að hún á tæplega þriggja ára son og bjó
hann með henni á heimavist skólans í vetur.
Anna Rún hóf nám við skólann haustið 1998 og
kynntist þar kærastanum sínum, Karli Helga
Gíslasyni. Þau eignuðust soninn Alexander í
ágúst 1999, en Anna Rún vildi ekki hætta við
námið þótt hún væri orðin móðir. Karl fór hins
vegar út á vinnumarkaðinn og hefur lengst af
verið á sjó.
Veturinn eftir að Alexander fæddist bjuggu
þau hjá foreldrum hennar á Þverá og las Anna
Rún utan skóla. Þriðja veturinn bjó hún með Al-
exander heima hjá Kristni Kristmundssyni,
þáverandi skólastjóra menntaskólans, og eigin-
konu hans, Rannveigu Pálsdóttur.
„Þau hjón reyndust mér mjög vel og Bubba
(þ.e. Rannveig) passaði Alexander fyrir mig þeg-
ar ég þurfti á að halda ef hann var veikur eða ef
ég þurfti að lesa fyrir próf. Og þau pössuðu líka
upp á að ég lærði,“ segir Anna Rún í samtali við
fréttaritara. „Í vetur ætlaði ég að leigja íbúð en
það gekk ekki upp svo endirinn varð sá að við Al-
exander fengum inni á vistinni. Það var rúmgott
tveggja manna herbergi með snyrtingu og svo
borðuðum við í mötuneytinu. Ég fór með Alex-
ander á leikskólann áður en ég mætti í skólann
klukkan korter yfir átta á morgnana.“
Anna Rún segir að mjög vel hafi gengið að
vera með drenginn á vistinni. Samnemendur
hennar voru alltaf til í að hjálpa henni með pöss-
un ef hún þurfti á að halda. ,,Ef veðrið var vont
bankaði ég bara hjá einhverjum sem átti bíl sem
keyrði mig með Alexander á leikskólann. Skóla-
stjórinn sagðist líka vera ánægður með veru
okkar á vistinni því það að hafa barn þar dró úr
hávaða og látum. Maður sussaði bara og sagði að
Alexander væri sofandi og þá datt í dúnalogn.“
Útskriftin var við hátíðlega athöfn hinn 31.
maí og við það tækifæri fékk Alexander sérstaka
viðurkenningu frá Halldóri Halldórsyni skóla-
stjóra. Það var bangsi í útskriftarfötum en Alex-
ander hafði fyrir athöfnina fengið eigin stúd-
entshúfu. Í haust ætlar Anna Rún í dönskunám í
Háskóla Íslands en fjölskyldan stefnir síðar til
Danmerkur í framhaldsnám.
Bjó með
soninn
á heima-
vistinni
Morgunblaðið/Guðrún Vala Elísdóttir
Anna Rún Halldórsdóttir og Alexander Karls-
son á útskriftardaginn.
Morgunblaðið. Eyja- og Miklaholtshreppi.
DV stefndi í gær Fréttablaðinu
ehf. og ritstjórum blaðsins fyrir að
hafa notað ljósmyndir DV án leyfis
og krefst tæplega 19 milljóna
króna í bætur.
Óli Björn Kárason, aðalritstjóri
og einn eigenda útgáfufélags DV,
segir að þegar Fréttablaðið hafi
farið af stað í apríl í fyrra hafi ver-
ið gerður samningur þess efnis að
DV sinnti ljósmyndun fyrir
Fréttablaðið. DV hafi rift samn-
ingnum um áramót þar sem engin
greiðsla hafi borist fyrir þessar
ljósmyndir. Samt sem áður hafi
Fréttablaðið haldið áfram að nota
myndir sem ljósmyndarar DV hafi
tekið, en blaðið hafi fengið þær á
tölvutæku formi og geymt þær.
Þetta stangist algerlega á við höf-
undaréttarlög og því hafi DV
stefnt Fréttablaðinu ehf. og rit-
stjórum þess.
Að sögn Óla Björns vissu rit-
stjórar Fréttablaðsins að þeir
höfðu enga lagalega heimild til að
birta þessar myndir en héldu því
áfram þrátt fyrir ítrekaðar áskor-
anir DV um að hætta því.
DV stefn-
ir Frétta-
blaðinu
MAÐUR á áttræðisaldri beið bana í
fyrrakvöld þegar hann féll úr stiga.
Maðurinn, sem var fæddur árið 1928,
var að þrífa hús sitt með háþrýsti-
dælu þegar hann féll á höfuðið. At-
burðurinn varð í vesturbæ Reykja-
víkur og var tilkynntur lögreglunni
kl. 22.05.
Lést við fall
úr stiga
MEINDÝRAEYÐIR skaut mink á
Seltjarnarnesi í gær eftir að til
skepnunnar sást við fjöruna í Tjarn-
armýri. Ómar Dabney, meindýra-
eyðir hjá Reykjavíkurborg, fór á
vettvang með haglabyssu og skaut
dýrið á 25 metra færi í fjörunni, þar
sem minkurinn, læða, var með mar-
hnút í kjaftinum. Minkurinn faldi sig
þegar Ómar kom á staðinn en birtist
nokkru síðar. „Ég sá minkinn tiltölu-
gega fljótt og beið þangað til hann
skilaði sér upp aftur og skaut hann
þá einu skoti og þar með var málinu
lokið,“ sagði hann. Haukur Krist-
jánsson, bæjartæknifræðingur á Sel-
tjarnarnesi, kallaði Ómar út eftir að
dýrið hafði sést. Ómar sagði minkinn
vera af eðlilegri stærð og hafa haft
nóg að éta. Aðspurður segir hann
Meindýravarnir Reykjavíkurborgar
hafa veitt að minnsta kosti 30 minka
innan höfuðborgarinnar á þessu ári.
Meindýravarnir Reykjavíkurborgar
annast ennfremur meindýravarnir
fyrir Seltjarnarnesbæ samkvæmt
samningi sveitarfélaganna. Ómar
segir minkinn drepa sér fugla og fisk
til matar og segir aðspurður að
minkur sé í Elliðaárdalnum og „úti
um allt“ og tilkynningar um mink
berist „víða að“.
Morgunblaðið/Arnaldur
Minkur
drepinn
♦ ♦ ♦