Morgunblaðið - 10.09.2002, Blaðsíða 8

FRÉTTIR
8 ÞRIÐJUDAGUR 10. SEPTEMBER 2002 MORGUNBLAÐIÐ
Heilsudagar í Hveragerði
Streitustjórn-
unarnámskeið
DAGANA 26. októ-ber til 3. nóvembernæstkomandi
verða Heilsudagar hjá
Heilsustofnun Náttúru-
lækningafélags Íslands í
Hveragerði. Þetta er þriðji
veturinn sem slík námskeið
eru haldin. Halla Grétars-
dóttir, hjúkrunarforstjóri á
HNLFÍ, hefur umsjón með
skipulagningu Heilsudaga
og hún var spurð hvert
væri upphaf þeirra.
„Hér á Heilsustofnun
höfum um átta ára reynslu
af reykinganámskeiðum
sem hafa skilað góðum
árangi. Fyrir utan að um
34% hætta að reykja sýna
rannsóknir okkar að nám-
skeiðið stuðli að því að þátt-
takendur taki upp heil-
brigðari lífshætti að öðru
leyti. Við vildum halda áfram á
þessari braut og fyrir þremur ár-
um fórum við af stað með Heilsu-
daga sem er streitustjórnunar-
námskeið. Streita er að verða
mikið heilsufarsvandamál í lífi nú-
tímafólks með einkennum eins og
þreytu, vöðvabólgum, svefnerfið-
leikum, einbeitingarskorti og höf-
uðverk, tíðum veikindum eins og
kvefpestum eða flensu, háum blóð-
þrýstingi og fleiru.
Á Heilsudögum bjóðum við upp
á námskeið þar sem skipt er al-
gjörlega um umhverfi, boðið er
upp á hreyfingu, slökunarnudd,
slökunaræfingar og fræðslu um
heilbrigðan lífsstíl. Mörgum þykir
gott að taka á sínum málum í friði
og ró fjarri erli hversdagsins og er
Heilsustofnun í Hveragerði kjör-
inn staður til þess.
– Að hvaða leyti eru breyttar
áherslur á Heilsudögum nú?
„Heilsudagar hafa verið í sí-
felldri mótun og er þar meðal ann-
ars stuðst við ábendingar þeirra
sem sótt hafa námskeiðin. Nú
verður t.d. aukin áhersla á slökun
og hvíld, en fræðsluþátturinn verð-
ur svipaður um streitu og umfjöll-
un um heilbrigða lífshætti. Nú
verður meira svigrúm til að ein-
staklingsbinda meðferðina.
– Fyrir hverja er námskeiðið?
„Námskeið fyrir alla þá, sem
vilja takast á við einkenni álags og
streitu. Þátttakendur til þessa hafa
verið að miklu leyti stjórnendur
eða einstaklingar sem hafa verið
undir miklu álagi. Ég vil þó ítreka
að námskeiðið hentar öllum þeim
sem eru farnir að finna fyrir þeim
einkennum streitu sem ég nefndi
hér á undan ásamt þeim einstak-
lingum sem þurfa að huga betur að
heilsu sinni og hafa jafnvel ætlað
að gera það lengi.
– Hver er tilgangur Heilsudaga?
Að bjóða fólki sem finnur fyrir
streitueinkennum í daglegu líf upp
á slakandi meðferðir og kenna því
aðferðir til að breyta lífsstíl sínum
til frambúðar.
– Hafið þið fylgt eftir þeim sem
hafa verið á svona námskeiðum hjá
ykkur?
„Við höfum ekki fylgt
þeim eftir en við höfum
gert mat á útkomu nám-
skeiðsins í lok þeirra.
Þess má geta að það
hefur verið mikil
ánægja með þessi námskeið hjá
þátttakendum. Það er einmitt sam-
kvæmt þessu mati sem við höfum
verð að gera þessar áherslubreyt-
ingar sem hér voru kynntar fyrr.
– Eruð þið með umfjöllun um
reykingar eða áfengisneyslu í
þessu prógrammi núna?
„Við tölum um heilbrigða lífs-
hætti í heild, en meðferðin beinist
ekki gegn tóbaki eða áfengi sem
slíku. Heilsustofnunin er á hinn
bóginn kyrrlátur staður þar sem
gefst tækifæti til að endurmeta
stöðu sína, líka hvað þetta snertir.
Heilsustofnunin er sem fyrr með
reykinganámskeið fyrir þá sem
vilja hætta að reykja, en það eru al-
veg sér námskeið.
– Hvernig er Heilsudaga nám-
skeiðið uppbyggt?
Námskeiðin standa í viku, frá
sunnudegi til sunnudags, og er
fjöldi þátttakenda 10 í hverjum
hópi. Hver dagur er með skipu-
lagðri dagskrá frá morgni til
kvölds. Eftir viðtöl við fagaðila og
upphafsskoðun hefst meðferðin
sem byggist á grundvallarkerfi
Heilsustofnunar með heilsuþjálfun
og hugareflingu. Áhersla er lögð á
jafnvægi hvíldar og hreyfingar. Í
meðferðinni er boðið upp á slökun,
nudd, leir- og heilsuböð. Á þessum
tíma er tekið á hinum ýmsu þáttum
heilsunnar og boðið upp á fræðslu,
og viðtöl við fagfólk, s.s. lækni,
hjúkrunarfræðing, sálfræðing,
næringarfræðing, sjúkraþjálfa og
íþróttakennara.
Vikunámskeið er auðvitað ekki
endanleg lausn á langtímavanda-
málum, en hjálpar þó mörgum á
rétta braut. Hægt er að kenna ým-
islegt um líkama, hugarfar og lífs-
stíl á þessum tíma.
– Hvað kostar að taka þátt í
Heilsusdögum?
„Verð á námskeiðinu
er 56 þúsund krónur og
innifalið í því er gisting í
7 nætur á einbýli, fullt
fæði, meðferð og
fræðsla.
– Hvenær verður svo næsta
námskeið?
Næsta námskeið verður sem
fyrrr sagði haldið 27. október til 3.
nóvember og hægt er að skrá sig í
síma 483 0300 eða senda okkur
tölvupóst beidni@hnlfi.is.
Einnig getur fólk fengið nánari
upplýsingar um Heilsudaga á vef-
síðu okkar www.hnlfi.is. Þar er líka
hægt að lesa umsagnir þeirra sem
hafa verið á fyrri námskeiðum.
Halla Grétarsdóttir
 Halla Grétarsdóttir,
hjúkrunarforstjóri Heilsustofn-
unar NLFí Hveragerði,
útskrifaðist af námsbraut í
hjúkrunarfræði vorið 1995.
Starfaði á Landspítala – há-
skólasjúkrahúsi Fossvogi áður
en hún hóf störf hjá Heilsu-
stofnun árið 1999. Var formað-
ur fræðslunefndar Félags ís-
lenskra hjúkrunarfræðinga um
nokkurra ára skeið. Gegnir nú
starfi hjúkrunarforstjóra hjá
Heilsustofnun. Sambýlismaður
er Ásgeir Jónsson og eiga þau
tvo syni, Jakob Martin, fjög-
urra ára, og Grétar Karl,
tveggja ára.
Jafnvægi milli
hvíldar og
hreyfingar
ÞÓ AÐ haustrigningar séu ekki
aufúsugestur þegar þær ganga
yfir fylgir þeim oft mikil litadýrð
í formi regnboga. Svo var þegar
horft var yfir Vesturöræfi einn
haustrigningardag af Miðhnjúk
þegar sól náði að brjótast fram
milli skýjanna.
Morgunblaðið/Sig. Aðalsteinsson
Regnbogi
yfir Vest-
uröræfumLÖGREGLUMENN á Blönduósi
höfðu leitað dágóða stund í íbúðar-
húsi í bænum sem þeir töldu mann-
laust þegar fíkniefnahundurinn
Bella rann á lyktina af íbúanum sem
hafði falið sig bak við búslóð í bíl-
skúrnum. Við leit á manninum fund-
ust nokkur grömm af hassi.
Maðurinn hafðist við í húsinu í
óleyfi og vissu eigendur ekki betur
en það væri mannlaust. Við húsleit-
ina, sem var gerð á fimmtudags-
kvöld, var einnig lagt hald á áhöld til
fíkniefnaneyslu.
Aðfaranótt laugardags var lagt
hald á nokkur grömm af hassi og
marijúana í bifreið sem stöðvuð var á
Norðurlandsvegi. Ökumaðurinn
sagði efnin vera til eigin neyslu og
telst málið upplýst.
Faldi sig bak
við búslóð