Morgunblaðið - 10.09.2002, Síða 10

FRÉTTIR
10 ÞRIÐJUDAGUR 10. SEPTEMBER 2002 MORGUNBLAÐIÐ
MORGUNBLAÐINU hefur borist
eftirfarandi yfirlýsing frá Jóni Ás-
geiri Jóhannessyni, stjórnarfor-
manni Baugs Group hf.
„Vegna aðgerða embættis Rík-
islögreglustjóra gagnvart Baugi
Group hf., stjórn og starfsmönnum
fyrirtækisins vill undirritaður
koma eftirfarandi á framfæri:
Allar greiðslur Baugs Group hf.
til Nordica Inc. voru samkvæmt
reikningum útgefnum af Nordica
Inc. sem er alfarið í eigu og stjórn-
að af Jóni Gerald Sullenberger.
Þessar greiðslur, sem samtals
hljóðuðu upp á $491.000 og náðu
yfir tveggja og hálfs árs tímabil,
runnu til uppbyggingar á starf-
semi Nordica Inc. enda var það
mat forsvarsmanna Baugs Group
hf. á þeim tíma að samstarf fyr-
irtækjanna yrði til hagsbóta fyrir
Baug Group hf. Þessum viðskipt-
um var slitið um leið og í ljós kom
að frammistaða Nordica Inc. stóð
ekki undir væntingum. Þar sem
skjótt var brugðist við varð fjár-
hagslegur skaði Baugs Group hf.
vegna þessara viðskipta óveruleg-
ur.
Baugur Group hf. tengist á eng-
an hátt skemmtibátnum Thee Vik-
ing. Hann er í eigu félags áð-
urnefnds Jóns Gerald Sullen-
berger, New Viking. Fjárfesting-
arfélagið Gaumur lánaði Jóni
Gerald 38 milljónir króna vegna
kaupa á þessum bát, en hefur enn
ekki fengið afsal fyrir hlut í New
Viking eins og ráðgert var, né
fengið fullnægjandi tryggingar
fyrir láninu þótt eftir þessu hafi
ítrekað verið leitað. Skuld Jóns
Gerald við Gaum er skráð í bók-
haldi félagsins og hafa endurskoð-
endur þess staðfest það við emb-
ætti Ríkislögreglustjóra.
Þá hefur Jón Gerald Sullenber-
ger tjáð lögregluyfirvöldum að
Baugur Group hf. hafi gjaldfært
reikning upp á $589.000 í bókhaldi
félagsins til hagsbóta fyrir yfir-
stjórnendur þess. Hið rétta er að
umræddur reikningur er kredit-
reikningur og því færður til tekna
hjá fyrirtækinu. Þetta hafa lög-
regluyfirvöld staðfest við málflutn-
ing hjá Héraðsdómi Reykjavíkur.
Einsýnt er að Jón Gerald Sull-
enberger hefur vísvitandi blekkt
lögregluyfirvöld í því skyni að
hefja opinbera rannsókn vegna
málsins.
Eins og sjá má af ofansögðu
urðu viðskipti félaga, sem ég er í
forsvari fyrir, við Jón Gerald Sull-
enberger ekki með þeim hætti sem
að var stefnt. Traust er undirstaða
í öllum viðskiptum og ég gat ekki
lengur treyst Jóni Gerald. Við-
brögð hans við því að Baugur
Group hf. hætti viðskiptum við
Nordica Inc. hefur styrkt þetta
mat mitt enn frekar.
Jón Gerald hefur í samtölum við
bæði ættingja mína og starfsfólk
þeirra félaga, sem ég veiti for-
stöðu, haft í hótunum um að skaða
bæði þessi félög og mig persónu-
lega. Hann hefur sömuleiðis reynt
að koma sögusögnum um viðskipti
okkar á framfæri við fjölmiðla á
Íslandi en ekki haft erindi sem erf-
iði.
Baugur Group hf., stjórnendur
þess, lögmenn og endurskoðendur,
hefðu með einföldum hætti getað
hrakið ávirðingar Jóns Geralds ef
embætti Ríkislögreglustjóra hefði
viljað kanna sannleiksgildi þeirra.
Í stað þess að leita skýringa rudd-
ist flokkur lögreglumanna í höf-
uðstöðvar Baugs Group hf., lagði
hald á bókhaldsgögn og færði
stjórnendur fyrirtækisins til yfir-
heyrslu.
Í ljósi þess að Baugur er enn
eitt íslenska fyrirtækið á síðustu
tólf mánuðum sem verður fyrir
sambærilegri aðför ríkisvaldsins
ættum við hjá Baugi Group hf. ef
til vill að láta þetta yfir okkur
ganga þegjandi og hljóðalaust. En
einmitt sökum þess hversu algengt
þetta er orðið er ástæða til að mót-
mæla. Hjá Baugi Group hf. starfa
um 4.000 manns. Félagið veltir um
50 milljörðum króna. Um tvö þús-
und Íslendingar eiga hlut í félag-
inu. Baugur Group hf. er mikil-
vægur þáttur í íslensku samfélagi.
Það er því óásættanlegt að emb-
ætti Ríkislögreglustjóra, sem
starfar í umboði okkar allra, skuli í
skjóli rakalausra fullyrðinga Jóns
Geralds Sullenberger setja í hættu
hagsmuni starfsmanna, hluthafa
og viðskiptavina Baugs Group hf.
Baugur Group hf. starfar á al-
þjóðlegum markaði. Áhrif af að-
gerðum embættis Ríkislögreglu-
stjóra hafa því skaðað hagsmuni
og orðspor félagsins víðar en á Ís-
landi, ekki síst í Bretlandi þar sem
áform um yfirtökutilboð í sam-
starfi við Philip Green urðu að
engu í kjölfar þessara aðgerða.
Undanfarnir dagar hafa verið
starfsmönnum Baugs Group hf. og
aðstandendum þeirra erfiðir. Á
slíkum stundum hefur hins vegar
verið ánægjulegt að finna hversu
samheldinn þessi hópur er og
hversu mikinn stuðning má sækja í
hann. Það hefur ekki síður verið
gott að finna hversu mörgum Ís-
lendingum hefur ofboðið aðför rík-
isvaldsins að Baugi Group hf. og
aðstandendum félagsins og hversu
viljugir þeir eru til að sýna sam-
stöðu með starfsfólki fyrirtækis-
ins.“
Jón Ásgeir Jóhannesson, stjórnarformaður Baugs Group hf., sendir frá sér yfirlýsingu
Lögregluaðgerðir
hafa skaðað orðspor
og hagsmuni Baugs
DAGANA 19. til 22. september
verður haldið í Novgorod í Rúss-
landi rannsóknarþing norðursins
(Northern Research Forum) í ann-
að sinn. Þingið er skipulagt í sam-
vinnu við héraðsstjórnina, héraðs-
þingið og Háskólann í Novgorod en
það er samstarfsvettvangur vís-
inda- og stjórnmálamanna í norð-
lægum löndum. Til umræðu verður
mannauður á norðurslóðum, nýj-
ungar í svæðastjórnun og sameig-
inlegir hagsmunir.
Gert er ráð fyrir að 150-200
fulltrúar, einkum frá aðildarlönd-
um Norðurskautsráðsins, taki þátt
í rannsóknarþinginu en fyrsta
þingið af þessum toga var haldið á
Akureyri í nóvember 2000.
„Markmiðið með þinginu er að
stefna saman vísindamönnum,
stjórnmálamönnum og forystu-
mönnum úr iðnaði og viðskiptalífi
og fleiri hagsmunaaðilum,“ segir í
frétt frá Háskólanum á Akureyri
sem ásamt Stofnun Vilhjálms Stef-
ánssonar sér um skipulagningu og
skrifstofuhald fyrir rannsóknar-
þing norðursins. Að þessu sinni
koma einnig héraðsstjórn, héraðs-
þing og háskólinn í Novogorod þar
við sögu. „Á þinginu er hlutverk
vísinda í þróun norðlægra svæða til
umræðu. Þar býðst tækifæri fyrir
fólk úr ýmsum greinum að fræðast
um þau vísindi sem skipta máli fyr-
ir þátttakendur og umhverfi þeirra.
Forseti Íslands er frumkvöðull að
stofnun þessa rannsóknarþings.
Meðal styrktaraðila þessa sam-
starfs er Ford Foundation og
Carnegie Corporation í Bandaríkj-
unum en þessar stofnanir eru með-
al stærstu og áhrifaríkustu stofn-
ana sem styrkja vísindalegar
rannsóknir og samvinnu fræði-
manna. Auk þeirra hefur Norður-
landaráð stutt þetta samstarf með
fjárframlögum.“ Þá segir að starf-
semi rannsóknarþings norðursins
hafi vakið mikla athygli meðal
rússneskra vísinda- og stjórnmála-
manna. „Í því sambandi má geta
þess að í opinberri heimsókn for-
seta Íslands til Rússlands í apríl sl.
bauð forseti Rússlands, Vladimir
Pútin, forseta Íslands að taka þátt
í rannsóknarþinginu í Novgorod. Í
heimsókn forseta Íslands og utan-
ríkisráðherra var m.a. undirritaður
samningur í Salekhard-borg í
Yamal-Nenetz-héraðinu í Síberíu
milli Háskólans á Akureyri og
Rússlandsdeildar rannsóknarþings
norðursins. Samningurinn kveður á
um samvinnu þessara aðila við
undirbúning næstu ráðstefnu rann-
sóknarþings norðursins sem haldin
verður í Novgorod. Annar samn-
ingur um undirbúning og fram-
kvæmd rannsóknarþingsins var
síðan undirritaður milli Háskólans
á Akureyri og Háskólans í Novg-
orod.
Forseti Íslands og mennta-
málaráðherra flytja erindi
Dagskrá rannsóknarþingsins í
Novgorod einkennist af skipulagðri
umræðu í kjölfar fyrirlestra á eft-
irfarandi sviðum: mannauður á
norðurslóðum, nýjungar í svæða-
stjórnun á norðurslóðum, sameig-
inlegir hagsmunir viðskiptalífsins
og hvað getum við lært af sögunni?
Auk þessa munu ungir vísinda-
menn kynna framlög sín á sér-
stökum fundum sem kallast
„veche“ eða þing.
Meðal þeirra Íslendinga sem
flytja erindi á rannsóknarþingi
norðursins eru Ólafur Ragnar
Grímsson, forseti Íslands, Tómas
Ingi Olrich, menntamálaráðherra,
og Benedikt Jónsson, sendiherra
Íslands í Rússlandi.“
Rannsóknarþing norðursins
haldið í annað sinn í Rússlandi
Rætt verður um
mannauð og
nýjungar í
svæðastjórnun
GEORGI Purvanov, forseti Búlg-
aríu, átti stuttan fund með Ólafi
Ragnari Grímssyni, forseta Ís-
lands, að Bessastöðum í gærmorg-
un, en Purvanov hélt síðan ásamt
fylgdarliði sínu áfram til Banda-
ríkjanna. Þetta er í fyrsta sinn sem
forseti Búgaríu kemur til Íslands,
en hann notaði tækifærið og bauð
forseta Íslands í opinbera heim-
sókn til Búlgaríu.
Ólafur Ragnar Grímsson sagði
að fundurinn hefði verið áhuga-
verður og hvetjandi. Þeir hefðu
verið sammála um að styrkja sam-
skipti þjóðanna á stjórnmálasvið-
inu og í viðskiptum. Hann sagðist
vera mjög þakklátur fyrir boð for-
seta Búlgaríu um að heimsækja
Búlgaríu, því framrás íslenskra
fyrirtækja í Evrópu væri einna
mest í Búlgaríu.
Á fundinum var jafnframt rætt
um sameiginlega sögu þjóðanna og
lýsti Ólafur Ragnar Grímsson yfir
mikilli ánægju með fyrirhugaða
ráðstefnu í Búlgaríu á næstunni,
þar sem fjallað verður um Snorra
Sturluson, íslenska tungumálið og
íslenska menningu.Ennfremur var
fjallað um fyrirhugaða stækkun
NATO og mikilvægi þess að taka
vel á móti nýjum þjóðum. Umsókn
Búlgaríu um aðild að Evrópusam-
bandinu var einnig til umfjöllunar.
Ólafur Ragnar Grímsson sagði
að auk þess hefði mikilvægi fyr-
irtækisins Balkanpharma í Búlg-
aríu verið rætt. Það væri ekki að-
eins eitt mikilvægasta fyrirtæki
Búlgaríu heldur líka ein helsta
fjárfesting Íslendinga erlendis.
Fulltrúar fyrirtækisins hefðu verið
á fundinum og tækifæri hefði gefist
til að viðra hugmyndir um hvernig
þetta mikilvæga fyrirtæki gæti
orðið grunnur að frekari samvinnu
þjóðanna á viðskiptasviðinu. For-
seti Búlgaríu hefði sýnt mikinn
áhuga á fyrirtækinu og hann væri
þakklátur fyrir auðsýndan stuðn-
ing og áhuga hans á frekari fjár-
festingum Íslendinga í Búlgaríu.
Georgi Purvanov var kjörinn
forseti Búlgaríu í nóvember í fyrra
og tók formlega við embættinu 21.
janúar í ár. Hann er sagnfræðingur
að mennt og fyrrverandi formaður
sósíalistaflokksins, og heldur ræðu
á allsherjarþingi Sameinuðu þjóð-
anna í vikunni, en Búlgaría fer með
stjórn öryggisráðsins. Ólafur
Ragnar Grímsson sagði að þeir
hefðu lagt áherslu á að taka þyrfti
á hermdarverkum en fylgja yrði al-
þjóðlegum reglum í því sambandi.
Georgi Purvanov tók í sama
streng og sagði að fundurinn hefði
verið mjög mikilvægur, ekki síst
þar sem þetta væri fyrsta heimsókn
forseta Búlgaríu til landsins. Hann
sagðist hafa boðið forseta Íslands í
heimsókn til að auka samskipti
þjóðanna og vonaði að áhrifamenn
eins og forsætisráðherra og utan-
ríkisráðherra sæju sér fært að
sækja landið heim í framtíðinni.
Forseti Búlgaríu sagði að um-
sókn landsins í NATO hefði verið
mikilvægasta umræðuefnið enda
væri vægi Íslands mikið í því máli
og hann vonaði að aðildin yrði sam-
þykkt á leiðtogafundi NATO í Prag
í haust.
Morgunblaðið/Golli
Georgi Purvanov, forseti Búlgaríu, og Ólafur Ragnar Grímsson, forseti Íslands, að loknum fundi sínum.
Fyrsta heimsókn
forseta Búlgaríu