Morgunblaðið - 16.10.2002, Qupperneq 52

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 MIÐVIKUDAGUR 16. OKTÓBER 2002 VERÐ Í LAUSASÖLU 190 KR. MEÐ VSK.
Háhraðasítenging
við Netið
ÚTGJÖLD ríkisins munu aukast
um hundruð milljóna króna á ári
vegna úrskurðar kjaranefndar um
kjör heilsugæslulækna frá því í
gær. Að sögn Jóns Kristjánssonar
heilbrigðisráðherra má lauslega
áætla að kostnaðaraukinn sé allt
að 300 milljónir króna á ári en
hann segir að nákvæmir útreikn-
ingar liggi þó ekki enn fyrir. Hann
segir að meta megi launahækkanir
lækna samkvæmt úrskurðinum að
meðaltali 17–20% en kjörin séu af-
ar einstaklingsbundin.
Formaður Félags íslenskra
heimilislækna, Þórir Björn Kol-
beinsson, segir að misgóðar kjara-
bætur felist í úrskurðinum og þar
sé ekki tekið á meginkröfu heimil-
islækna um starfsréttindi á borð
við aðra sérfræðinga. Lúðvík
Ólafsson, lækningaforstjóri
Heilsugæslunnar í Reykjavík fagn-
ar úrskurðinum.
Heilbrigðisráðherra telur úr-
skurðinn bæta kjör heimilislækna
verulega og færi kjör þeirra nær
öðrum læknum sem samið hafa að
undanförnu. „Ég trúi því ekki öðru
en að þetta verði til þess að menn
verði ánægðari með sitt kjaraum-
hverfi,“ segir Jón og telur að úr-
skurðurinn geti orðið til þess að
gera kjör, sem standa læknum til
boða í heilsugæslunni, meira að-
laðandi og efli hana eins og að hafi
verið stefnt. „Ljóst er að veruleg
útgjöld eru þessu samfara. Ég
reikna með að sama regla gildi um
þetta eins og um aðra kjarasamn-
inga að stofnanir standi undir
þeim, eins og gildir um kjarasamn-
inga sem gerðir eru af kjaranefnd
ríkisins. Með úrskurðinum er kom-
ið til móts við kröfur læknanna.
Þeir fá möguleika á að vinna að
hluta til undir gjaldskrársamningi
innan vébanda heilsugæslunnar.
Þar er því stigið skref þótt það
mæti ekki ítrustu kröfum þeirra
sem sagt hafa upp og hafa lagt
áherslu á núllstillta gjaldskrár-
samninga,“ segir heilbrigðisráð-
herra. Í samráði við fjármálaráðu-
neytið verða áhrif úrskurðarins
metin á næstu dögum og viðbót-
arframlög ákveðin til einstakra
stofnana og heilsugæslustöðva.
Þórir Björn Kolbeinsson segir
að ef heilbrigðisráðuneytið ætli að
láta úrskurð kjaranefndar nægja í
þeirri viðleitni að bæta kjör heim-
ilislækna þá muni það ekki leysa
deiluna. Til þess þurfi að koma
breyting á starfskjörum þannig að
heimilislæknar geti valið milli þess
að reka eigin stofur eða starfa á
heilsugæslustöð. Þórir óttast að
úrskurðurinn verði ekki til þess að
þeir heilsugæslulæknar sem sagt
hafi upp störfum, t.d. á Suðurnesj-
um og í Hafnarfirði, dragi upp-
sagnir sínar til baka.
Heilbrigðisráðherra segir lækna mega vel við úrskurð kjaranefndar una
Allt að 300 milljóna
viðbót fyrir ríkið á ári

Geta valið/6

Ekki er tekið/12
BÆÐI tilhlökkun og eftirvænting
sveif yfir vötnum hjá krökkunum
í 1. bekk í Grunnskólanum á
Blönduósi þar sem þau biðu komu
forsetans í gær. Ekki hafði það
dregið úr spenningi þeirra að
hafa séð forsetabílinn aka í fylgd
lögreglubíla um bæinn á leið á
Skagaströnd fyrr um morguninn.
Krakkarnir sögðust hafa tekið
þátt í æfingum í íþróttahúsinu
vegna komu forsetans og voru
raunar nýkomin af „general-
prufu“ þar sem þau sungu m.a.
Maístjörnuna. Þótt nemendurnir í
1. bekknum séu ekki nema sex
ára voru þeir alveg með það á
hreinu hvað forseti Íslands heitir
og sögðust kannast vel við hann
og Dorrit úr sjónvarpinu og
Morgunblaðinu. Og þau vissu líka
að „fréttakallarnir“ kæmu með
forsetanum. „Nei, það er ekkert
erfitt að syngja Maístjörnuna, við
erum búin að æfa svo mikið. Fyrst
lásum við ljóðið og svo sungum
við það bara aftur og aftur þang-
að til við kunnum það.“
Morgunblaðið/Ómar
Beðið eftir
forsetanum
RJÚPNAVEIÐITÍMABILIÐ hófst
í gær og var veiði fremur léleg
fyrsta veiðidaginn, samkvæmt upp-
lýsingum blaðsins. Björgunarsveit
Biskupstungna var kölluð út seint í
gærkvöldi til aðstoðar við tvær
rjúpnaskyttur er fest höfðu jeppa-
bifreið sína við Fagradalsfjall,
skammt fyrir ofan skálann Þriðja
ríkið.
Ekki með byssuleyfi
Björgunarsveitarmenn voru á
leiðinni á vettvang þegar Morgun-
blaðið fór í prentun en að sögn
þeirra amaði ekkert að rjúpna-
skyttunum. Veður var ágætt á
þessum slóðum en blautur jarðveg-
ur.
Lögreglan á Húsavík kærði í gær
einn rjúpnaveiðimann fyrir utan-
vegaakstur á Þistilfjarðarfjallgarði
og tók annan á svipuðum slóðum
vegna brota á skotvopnalöggjöfinni.
Sá var hvorki með veiði- né byssu-
leyfi og var kærður. Þá var þriðji
veiðimaðurinn tekinn á heiðum upp
af Mývatnssveit fyrir að vera með
ólöglegt skotvopn sem hafði pláss
fyrir of mörg skot í skotgeymi.
Rjúpnaskyttur
festust á jeppa
MIKIL óánægja kom fram á Kirkju-
þingi í gær um tilboð kirkjumálaráð-
herra vegna uppgjörs og afhending-
ar prestssetra. Tilboðið hljóðar upp
á 150 milljónir króna og felur m.a. í
sér að þjóðkirkjan afsali sér rétti til
bóta fyrir allar þær eignir sem geng-
ið hafa undan prestssetrum meðan
ríkið hafði umsjón með þeim. Í
skýrslu prestssetranefndar kemur
fram að í tilboðinu felist einnig af-
hending Þingvalla án þess að boðin
sé úrlausn fyrir prestssetrið. Tilboð-
inu var alfarið hafnað af kirkjuþings-
mönnum.
Prestssetranefnd og fulltrúar
dóms- og kirkjumálaráðherra hafa
átt í viðræðum frá síðasta Kirkju-
þingi um hvernig best sé að ganga
frá afhendingu prestssetranna, en
frá árinu 1907 hafa þau verið í um-
sjón ríkisins. Karl Sigurbjörnsson
biskup sagði á þinginu í gær að sú
upphæð sem kirkjumálaráðherra
hefði boðið væri sú sama og ríkið hélt
eftir af sóknar- og kirkjugarðsgjöld-
um á síðasta ári.
Óánægja
með tilboð
ráðherra

Upphæðin móðgandi/4
Kirkjuþing
REGLUR hér á landi veita of mikið
svigrúm til skapandi reikningsskila
og regluverkið gæti verið betra.
Þetta kom fram í máli Stefáns Svav-
arssonar, endurskoðanda og dósents
við Háskóla Íslands, en hann flutti
ræðu um skapandi reikningsskil á
fundi Félags viðskiptafræðinga og
hagfræðinga í gær, en með skapandi
reikningsskilum er átt við að upplýs-
ingum í reikningsskilum fyrirtækja
sé hagrætt til að draga fram sem
besta mynd af rekstri þeirra.
Stefán sagði að þótt ýmislegt
mætti betur fara væri hann þeirrar
skoðunar að ástand reikningsskila-
mála væri tiltölulega gott hér á landi.
Hann nefndi nokkur dæmi um það
sem væri ábótavant, til að mynda að
samkvæmt íslenskum lögum væri
heimilt að meta birgðir á síðasta inn-
kaupsverði, en það væri ekki í sam-
ræmi við alþjóðlegar reglur.
Einnig væri heimilt að meta
skammtímaverðbréf á markaði ann-
aðhvort á kostnaðarverði eða mark-
aðsverði, sem væri ekki heldur í
samræmi við alþjóðlegar reglur. Þá
væri ekki ljóst samkvæmt íslenskum
reglum, kysu fyrirtæki að meta
skammtímaverðbréf á markaðs-
verði, hvort matsbreytingin ætti að
fara um rekstur eða eigið fé, þótt það
sýndist af frumheimildinni sjálfri,
Evróputilskipuninni sem lögin
byggðust á, að það ætti að fara um
eigið fé. Stefán sagði einnig að fyr-
irtæki gætu valið hvort þau beittu
hlutdeildaraðferð eða ekki, sem sé
ekki í samræmi við alþjóðlegar regl-
ur, og hið sama gilti um reglur um af-
skrift viðskiptavildar, þær væru í
ósamræmi við alþjóðlegar reglur.
Reglum um reiknings-
skil áfátt hér á landi

Skapandi/18