Morgunblaðið - 20.10.2002, Blaðsíða 16

16 B SUNNUDAGUR 20. OKTÓBER 2002 MORGUNBLAÐIÐ
ferðalög
„VIÐ fórum til Spánar í byrjun júní
en byrjuðum að skipuleggja ferðina í
fyrrahaust þegar við fórum að skoða
hvað stæði til boða af leiguíbúðum á
Costa Brava ströndinni,“ segir Andr-
ea Þormar en hún og eiginmaðurinn,
Atli Már Jósafatsson, fóru í sumar á
eigin vegum til Spánar með börnin.
Þegar þau hófu að leita að íbúð voru
þau að leita að fallegum og rólegum
stað sem væri fjarri skipulögðum
pakkaferðum. Staðurinn þurfti að
vera í hæfilegri fjarlægð fyrir afþrey-
ingu fyrir börnin sem áttu fáar óskir
heitari en að komast í vatnsrenni-
brautargarð.
Þarf að bóka íbúð í tíma
„Úr miklu var að velja og við end-
uðum hjá leigumiðlun Finques Frig-
ola og leigðum íbúð í Calella de
Palafrugell. Þetta var 110 fermetra
fjögurra svefnherbergja íbúð og svo
stofa, eldhús, baðherbergi og þvotta-
hús. Fyrir þrjár vikur greiddum við
tæplega 1.100 evrur. Á vefslóðinni
eru ítarlegar upplýsingar um íbúðina,
14 myndir og margar myndir af bæn-
um sjálfum í þrívídd. Íbúðin er í
fjallshlíð og frábært útsýni yfir bæ-
inn. Við borðuðum alltaf morgunmat
úti á svölum. Þetta fyrirtæki er með
fjölda íbúða á skrá en það þarf að
bóka í tíma því bestu íbúðunum er
ráðstafað ár fram í tímann. Spánverj-
ar eiga þessar íbúðir og nota þær í
sumarfríum sínum. Það var sundlaug
við íbúðarbygginguna og tennisvöllur
og á þessum árstíma voru fáir Spán-
verjar farnir í frí og því var sundlaug-
in suma daga eins og einkasundlaug
okkar.
Þetta er lítill bær og dæmigerður
sumarleyfisstaður heimamanna, þar
sem Barcelona-búar og aðrir Kata-
lónar eiga íbúðir og eyða flestum
helgum og sumarfríinu.“ Andrea og
Atli fóru í byrjun júní og staðurinn
var rétt að vakna til lífsins fyrir sum-
arið. Aðeins hluti verslana og veit-
ingastaða var opinn en þegar líða tók
á dvölina sáu þau nýjan og nýjan stað
opna á hverjum degi. Þegar þau
kvöddu staðinn í lok júní iðaði allt af
lífi.
„Calella de Palafrugell er vægast
sagt frábær bær. Nokkrar litlar
strandir meðfram litlum bæjarkjarna
með nokkrum litlum fínum hótelum,
fjölda veitingastaða og matvöruversl-
ana sem bjóða upp á allar nauðsynj-
ar. Ströndin er mjög þægileg þar sem
börnin gátu leikið sér að vild í flæð-
armálinu eða prílað eftir steinum og
klettum sem skipta ströndinni í litlar
Pöntuðu íbúðargistingu á Costa Brava og hótel í Barcelona á Netinu
Þar sem heimamenn
eyða sumarfríinu
Elísabet, Thelma Rós og Gunnar Már eru hér á ströndinni í bænum Calella de Palafrugell.
Það var upplifun fyrir börnin að vaða í flæðarmálinu og klifra um borð í skútur.
Calella de Palafrugell er lítill
bær á Costa Brava-ströndinni,
um 120 km fyrir norðan
Barcelona. Hjónin Andrea
Þormar og Atli Már Jósa-
fatsson fóru á eigin vegum
með börnin til Spánar í sumar.
Ströndin er mjög þægileg þar sem börnin gátu leikið sér að vild í flæðarmálinu
eða prílað eftir steinum og klettum sem skipta ströndinni í litlar víkur.
Hvaðan ertu að koma?
Hvaða erindi áttirðu
til Skotlands? „Í fyrra
gekk Félag ferðamála-
fulltrúa á Íslandi í evr-
ópsk samtök ferða-
málafulltrúa, EUTO.
Einu sinni á ári er
haldin ráðstefna á vegum þeirra og við vorum 14 ferðamálafulltrúar á
Íslandi sem skelltum okkur á ráðstefnuna sem að þessu sinni var hald-
in í Stirling í Skotlandi.
Aauróra segir að Skotar hafi gert mikið átak í að þróa upplýsinga-
miðstöðvar undanfarin ár.
„Eftir að hafa skoðað hvernig þeir byggja upp sínar upplýsinga-
miðstöðvar komum við heim stútfull af frábærum hugmyndum.“
Hvað eru Skotar að gera í ferðamálum sem vakti áhuga ykkar?
„Það voru ótal atriði áhugaverð. Skotar opnuðu t.d. formlega fyrsta
þjóðgarðinn sinn, Loch Lomond & the Trossachs, í júlí síðastliðnum og
það var forvitnilegt að sjá hvernig hann hafð verið byggður upp og
kynntur ferðamönnum.“ Þá segir Auróra algengt að á upplýsinga-
miðstöðvum séu söfn og jafnvel kvikmyndasýningar sem tengist þá
svæðinu í kring og leiði fólk um það sem hægt er að sjá.
Þá er mjög markvisst höfðað til barna, ýmsir hlutir, takkar og tól sem
litlir fingur hafa gaman af að skoða og fræðast af í leiðinni.
Auróra segir þessa hugmynd góða því ef takist að vekja áhuga
barnanna þá fylgi foreldrarnir á eftir. Hún segir að starfsfólk upplýs-
ingamiðstöðva sé sérþjálfað og í Skotlandi sé mikið lagt uppúr sölu-
tækni. „Þegar farið er með ferðamenn í ferðir eða þeir heimsækja
staði leggja Skotar nánast undantekningarlaust áherslu á að fólk fái
sinn vissa tíma til að eyða peningum. Þetta virkar og við hér á Íslandi
mættum kannski huga betur að þessum þætti þegar við erum að taka
á móti gestum.“
Hvaða staðir höfðuðu mest til þín í Skotlandi? „Þetta var í fjórða
skipti sem ég kom til Skotlands og mér finnst fólkið alltaf mjög við-
kunnanlegt og afskaplega gestrisið. Ráðstefnan sem við fórum á var
haldin í borginni Sterling. „Sú borg er afar skemmtileg, þar eru til-
komumiklir kastalar og saga við hvert fótmál. Þá fannst mér einnig
eyjan Bute mjög skemmtileg. Þar búa rúmlega sjö þúsund manns og
eyjarskeggjar byggja að miklu afkomu sína á ferðamennsku.
Afþreyingarmöguleikarnir eru óteljandi, boðið er upp á skipulagðar
gönguferðir, hjólaferðir, hestaferðir, golf, bátsferðir og kastala að
skoða, fuglaskoðun, klettaklifur og svo mætti áfram telja. “
Hvað finnst þér um skoska matargerð? „Frá því að ég fór fyrst til
Skotlands hefur orðið bylting í matargerð þar í landi. „Skotar eru farn-
ir að átta sig á því að ferðamenn sækja líka til útlanda til að borða
góðan mat. Því er mikil gróska í skoskri og alþjóðlegri matseld og
margir mjög skemmtilegir veitingastaðir nú í Skotlandi.
Auróra segir að lokum að eitt
veitingahús í Glasgow standi upp-
úr.
„Það er veitingahúsið Ubigvitov
Chip. „Þar var á boðstólum alls-
konar matur, fiskréttir, steikur,
fuglakjöt, endur og fleira.
Hreifst af
eyjunni Bute
Auróra G. Friðriks-
dóttir, ferðamála-
fulltrúi í Vest-
mannaeyjum, er
nýkomin frá
Skotlandi þar sem
hún m.a. heimsótti
borgirnar Stirling,
Edinborg og
Glasgow.

UBIGVITOV CHIP 12
Ashton Lane Glasgow
g 12 85J Skotland
Hluti íslensku ferðamálafræðinganna kominn í skoskan klæðnað.