Morgunblaðið - 09.11.2002, Blaðsíða 12

FRÉTTIR
12 LAUGARDAGUR 9. NÓVEMBER 2002 MORGUNBLAÐIÐ
SVEITARSTJÓRNIR á norðan-
verðu Snæfellsnesi hafa sent fjár-
laganefnd Alþingis beiðni um að í
fjárlögum ársins 2003 verði gert ráð
fyrir stofnun og rekstri Framhalds-
skóla Snæfellinga sem taki til starfa
haustið 2003, en til vara að veitt verði
fé til undirbúnings að stofnun skól-
ans. Tómas Ingi Olrich menntamála-
ráðherra fékk samhljóða beiðni, en
hann lýsti því yfir á Alþingi á fimmtu-
dag að ekki væri svigrúm til þess í
fjárlagatillögum ráðuneytisins fyrir
næsta ár að gera ráð fyrir stofnun
skólans á næsta ári. Fram kom að
sveitarfélögunum var gerð grein fyr-
ir þessu sl. sumar.
Nauðsynlegt næsta skref
„Við Snæfellingar undrumst mjög
skilningsleysi menntamálaráðherra
á málinu. Við erum búin að vinna
mjög ötullega að stofnun framhalds-
skólans og það er í raun komið að því
að taka ákvörðun,“ segir Sigríður
Finsen, forseti bæjarstjórnar Grund-
arfjarðar. Sveitarstjórnirnar muni
þó ekki gefast upp enda sé þetta mik-
ið hagsmunamál fyrir byggðina. Hún
bendir á að á svæðinu búi um 4.000
manns og þetta sé sá landshluti þar
sem nemendur eiga hvað lengst að
sækja framhaldsnám. Á Stykkis-
hólmi sé þó boðið upp á nám á fyrsta
ári við Framhaldsskóla Vesturlands
á Akranesi og í Grundarfirði er sér-
stakt verkefni um fjarnám á fram-
haldsskólastigi þar sem nemendum
er boðin aðstaða og umsjón með
námi. Sigríður segir að gert sé ráð
fyrir um 170–200 nemendum í fram-
haldsskólanum þegar fullskipað
verður í fjóra árganga. „Þetta yrði
aldrei stór framhaldsskóli en ekki
heldur sá minnsti á landinu,“ segir
hún. Tillögur liggi fyrir um að kostir
fjarnáms yrðu nýttir eftir mætti en
þannig mætti draga úr kostnaði við
rekstur skólans. Þá muni talsverðir
fjármunir sparast þar sem foreldrar
þyrftu lengur ekki að borga fyrir
húsnæði nemenda sem sækja nám í
fjarlægum framhaldsskólum, auk
þess sem ríkið gæti sparað dreif-
býlisstyrki vegna ferða og uppihalds
nemenda. Framhaldsskólinn hefði þó
mest að segja fyrir byggðina. Dæmi
væru um að þegar börn færu í fram-
haldsnám í aðra landshluta fylgdu
foreldrarnir og fjölskyldurnar á eftir.
Þá væru vísbendingar um að færri
nemendur af Snæfellsnesi færu í
framhaldsnám en í öðrum landshlut-
um, en þar sem framhaldsskólar
væru nærri heimabyggð nemenda
væri hlutfallið hærra. „Eigi byggð-
irnar að geta haldið áfram að þróast
og dafna eins og þær hafa gert á síð-
ustu árum er stofnun framhaldsskóla
nauðsynlegt næsta skref,“ segir Sig-
ríður.
Höfum góð orð ráðherra
Óli Jón Gunnarsson, bæjarstjóri
Stykkishólms, segir að Snæfellingum
þyki það miður að ekki skuli hafa ver-
ið fjármagn til að gera ráð fyrir stofn-
un framhaldsskóla á Snæfellsnesi á
næsta ári. „En við trúum því og
treystum að þetta verði að veruleika
árið 2004 í staðinn.“ Hann segist telja
að Snæfellingar hafi orð Tómasar
Inga Olrich menntamálaráðherra
fyrir því að hann muni leggja sitt af
mörkum til að vinna málinu braut-
argengi. Óli Jón segir mjög þýðing-
armikið að fá framhaldsskóla á Snæ-
fellsnes enda sé framhaldsskólanám
hluti af grunnþjónustunni sem verði
að vera fyrir hendi í sveitarfélögun-
um, líkt og gagnfræðaskólarnir urðu
fyrir 25–30 árum.
Snæfellingar vilja fjárveitingu til framhaldsskóla á Snæfellsnesi haustið 2003
Skóli skiptir miklu máli
fyrir þróun byggðanna
MIKAEL Torfason rithöfundur ogÚlfhildur Dagsdóttir bók-menntafræðingur tókust á ádögunum á netmiðlinum kist-
an.is eftir að Mikael hafði kallað Úlfhildi
„vitleysing og kjána“ í pistli sem hann ritaði
á vefmiðilinn. Mattías Viðar Sæmundsson
ritstjóri kistan.is ákvað í kjölfarið að fjar-
lægja öll ummerki um ritdeiluna eftir að
hafa lýst því yfir að birting pistils Mikaels
hefði verið mistök. Var Matthías Viðar gagn-
rýndur af Hallgrími Helgasyni rithöfundi
fyrir að „falsa söguna“ þar sem með þessu
væri látið sem umræðan hefði aldrei átt sér
stað.
Úlfhildur gagnrýndi síðan Samúel, nýjustu
skáldsögu Mikaels, allharkalega í Dagsljósi
og var í kjölfarið sökuð um að misnota að-
stöðu sína og koma fram persónulegri hefnd
á Mikael. Um þetta sjónarmið, hvort gagn-
rýnandinn sé hæfur eða vanhæfur til að
fjalla um verk höfundarins þegar svona er
komið, deila þau Ágúst Borgþór Sverrisson
rithöfundur og Soffía Auður Birgisdóttir
bókmenntafræðingur og gagnrýnandi á kist-
an.is nú um helgina.
Ágúst Borgþór segir: „Rithöfundur kallar
gagnrýnanda vitleysing og kjána í pistli á
netmiðli. Gagnrýnandinn tekur þessari árás
illa og segir upp sem pistlahöfundur á net-
miðlinum. Stuttu síðar gefur gagnrýnandinn
nýrri bók höfundarins falleinkunn í stærsta
fjölmiðli landsins, Ríkissjónvarpinu. Allir
aðrir dómar um bókina fram að þessu eru
samhljóða lof. Engin bók höfundarins fram
til þessa hefur fengið svo slæman dóm og
aðrir gagnrýnendur telja þetta vera bestu
bókina hans.“
Soffía Auður svarar: „Gagnrýnandi gefur
bók eftir rithöfund slæma dóma. Rithöfund-
urinn vill koma í veg
fyrir að hann fái að
ritdæma bækur sín-
ar framvegis. Hann
bregður á það ráð að
kalla gagnrýnandann
ýmsum fúkyrðum í
viðtali sem hann tek-
ur við sjálfan sig.
Með því vonast hann
til þess að slá gagn-
rýnandann úr leik.
Getur ekki allt
eins verið að leik-
fléttan sé þannig?
Eiga gagnrýnendur
að lúffa þannig fyrir
rithöfundum? Er
hérna ekki komið óbrigðult ráð fyrir rithöf-
unda til að losna við umsagnir þeirra gagn-
rýnenda sem þeir telja bækur sínar ekki
höfða til?“ Ágúst
Borgþór segir
ennfremur: „Í
Kastljósi Sjón-
varpsins eru tveir
gagnrýnendur.
Þess utan ratar
ekki nema brot
frambærilegra
skáldverka þar til
umsagnar ár
hvert. Í fyrra var
t.d. engin umsögn
um verkið sem
hlaut bókmennta-
verðlaun Halldórs
Laxness sem og
fjöldamörg önnur
athyglisverð verk. Ekkert knúði því Úlfhildi
Dagsdóttur til að fjalla um skáldsöguna
Samúel eftir Mikael Torfason og henni mátti
vera ljóst að hún var vanhæf til þess eftir
það sem á undan var gengið.“ Soffía Auður
bætir því við að: „Í bréfi Ágústs Borgþórs til
Kistunnar veltir hann því fyrir sér hvað Úlf-
hildur hugsaði áður en hún flutti dóminn um
Samúel eftir Mikael Torfason. Ég geri ráð
fyrir að hún hafi hugsað sem svo að hún
skyldi segja álit sitt á verkinu, eins og henni
hafði verið falið áður en þessi umræða fór í
gang, og gera það á eins heiðarlegan hátt og
henni var unnt. Þeir sem þekkja til Úlfhildar
og gagnrýni hennar velkjast ekki í vafa um
það. Að saka hana um „hefndaraðgerð“ er
fljótfærnislegt. Af fyrri dómum Úlfhildar um
bækur Mikaels má ráða að hún er ekki hrifin
af hans stíl og efnistökum. Nýja verkið hans
sver sig í ætt við hin fyrri og í því ljósi þarf
dómur hennar ekki að koma á óvart.“
Á heimasíðu sinni svarar Mikael Torfason
svo Matthíasi Viðari og öðrum þeim sem
hafa fundið að stóryrtum yfirlýsingum hans í
garð Úlfhildar: „Og eina ástæðan fyrir því að
ég nennti ekki út í einhver smáatriði varð-
andi gagnrýni Úlfhildar er einmitt vegna
þess að mér finnst hennar skoðun jafn rétt
og hver önnur og hún hefur algjöran rétt á
því að segja hvað sem er um mig. Hún má
kalla mig hæfileikalausan kjána, vitleysing
og önnur svona huglæg orð. Eða hún getur
sagt að henni finnist þetta eða hitt klént og
ekki áhugavert. Og ég má svara því með
þeim hætti sem ég vill. Ég þarf ekkert endi-
lega að segja: „Í línu þrjú í gagnrýni á þetta
eða hitt hefur hún augljóslega rangt fyrir
sér því hún segir bla bla bla en ekki ble ble
ble.“ Nei, ég má bara segja það sem mér
finnst um það og held að huglæg skoðun eins
og það að segja að þessi eða hinn sé vitleys-
ingur eða þorpsfífl eigi ekki að vera útlæg.
Jafnvel ekki á Kistunni.“
Tekist á um hæfi
gagnrýnanda
Stór orð hafa fallið á vefritinu Kistunni að undanförnu,
en þar er tekist á um bókmenntir og bókmenntagagn-
rýni. Spurt er hvort gagnrýnandi megi fjalla um bók höf-
undar sem hefur látið hörð orð falla um gagnrýnandann.
Úlfhildur Dagsdóttir Mikael Torfason
STJÓRN Heimdallar, félags ungra
sjálfstæðismanna í Reykjavík, af-
henti í gær Geir H. Haarde fjár-
málaráðherra hugmyndabanka
með sparnaðartillögum, sem ungir
sjálfstæðismenn hafa unnið vegna
frumvarps til fjárlaga. Fór afhend-
ingin fram við styttu Ingólfs Arn-
arsonar. Í hugmyndabankanum eru
hugmyndir um hvernig megi draga
úr útgjöldum ríkissjóðs um tæpan
fjórðung þannig að hægt verði að
afnema eignarskatt, erfðafjárskatt,
stimpilgjöld, tolla og vörugjöld og
lækka skatta á einstaklinga án þess
að draga úr útgjöldum til heil-
brigðis- og menntamála.
Ungir sjálfstæðismenn sendu
einnig bréf til þingmanna með yf-
irskriftinni „Fjárlögin í megrun“,
þar sem þingmenn eru hvattir til að
varðveita fjárlagaafganginn og
draga enn frekar úr útgjöldum rík-
issjóðs. Bréfinu fylgdi miði í líkams-
ræktartíma svo þingmenn gætu
hugsað um leiðir til að skera fituna
frá fjárlögunum á meðan þeir
tækju á því í ræktinni.
Sparnaðar-
tillögur af-
hentar fjár-
málaráðherra
Morgunblaðið/RAX
UPPRÖÐUN á fjölmörgum fram-
boðslistum fyrir komandi þingkosn-
ingar skýrist í dag og á morgun þeg-
ar fjögur prófkjör fara fram hjá
Samfylkingunni í fimm kjördæmum
og eitt hjá Sjálfstæðisflokknum.
Samfylkingin er í dag með sameig-
inlegt prófkjör fyrir Reykjavíkur-
kjördæmin í norðri og suðri, í Suð-
vesturkjördæmi, Suðurkjördæmi og
Norðausturkjördæmi. Samkvæmt
upplýsingum frá skrifstofu flokksins
í gær höfðu á hádegi skráð sig um
14.500 manns í Samfylkinguna, sem
rétt eiga á að kjósa í prófkjörunum,
þar af voru um 4.500 í Reykjavík.
Fólk hefur áfram kost á því í dag að
skrá sig í flokkinn til að kjósa. Reikn-
að er með að úrslit liggi alls staðar
fyrir hjá Samfylkingunni í kvöld eða
nótt en kosið er með rafrænum hætti
í Reykjavík.
Sjálfstæðisflokkurinn heldur próf-
kjör í Norðvesturkjördæmi í dag en
þar sem kosið er mjög víða í kjör-
dæminu, eða á 26 stöðum, fer talning
ekki fram fyrr en á morgun. Sam-
kvæmt upplýsingum frá kjörnefnd
voru í gær um 2.500 manns flokks-
bundin í kjördæminu en þeir geta
einnig kosið sem lýsa yfir stuðningi
við flokkinn án þess að ganga form-
lega í hann. Búist er við að 4–6 þús-
und manns taki þátt í prófkjörinu.
Nánari upplýsingar um kjörstaði,
kjörfundatíma og fyrirkomulag próf-
kjöra er að finna á vefsíðum flokk-
anna, www.samfylking.is og
www.xd.is.
Frjálslyndir funda
Þess skal að endingu getið að
landsráð Frjálslynda flokksins held-
ur samráðsfund í Rúgbrauðsgerð-
inni í dag þar sem framboðsmálin
verða m.a. rædd en flokkurinn
hyggst standa fyrir uppstillingu í öll-
um kjördæmum.
Fimm prófkjör í sex
kjördæmum í dag