Morgunblaðið - 20.11.2002, Page 8

FRÉTTIR
8 MIÐVIKUDAGUR 20. NÓVEMBER 2002 MORGUNBLAÐIÐ
Ráðstefna Skýrslutæknifélags Íslands
Áherslan er á
aukin afköst
RÁÐSTEFNA meðyfirskriftinni „Erlíf eftir .com?“
verður haldin á morgun á
Hótel Loftleiðum klukkan
13 til 17, en það er Skýrslu-
tæknifélagið, www.sky.is,
sem stendur fyrir henni.
Heimir Þór Sverrisson,
lektor í tölvunarfræðum
við Háskólann í Reykjavík,
er í forsvari fyrir ráðstefn-
una og hann var fenginn til
að svara nokkrum spurn-
ingum Morgunblaðsins.
– Hvað meinið þið með,
„Er líf eftir .com?“?
„Mikil uppsveifla varð í
hugbúnaðargerð í lok síð-
asta áratugar. Mörg fyrir-
tæki sem stofnuð voru á
þeim tíma urðu gjaldþrota
enda oft ekki miklir tekju-
möguleikar í þeim hugmyndum
sem byggt var á. Á uppgangstím-
anum, eða „.com“-tímanum var
gríðarleg eftirspurn eftir tölvu-
menntuðu fólki og oft var slakað á
faglegum kröfum við hugbúnaðar-
gerðina. Núna er ástandið á mark-
aðinum þannig að erfitt getur ver-
ið fyrir nýútskrifað fagfólk að fá
vinnu og nýsköpun í greininni er í
algeru lágmarki.“
– Hver er tilgangurinn með ráð-
stefnunni og hverjar verða helstu
áherslurnar á henni?
„Skýrslutæknifélagið hefur
haldið ráðstefnu um hugbúnaðar-
gerð árlega undanfarin ár. Þá er
fjallað um efni sem höfðar til
þeirra sem vinna við eða stjórna
hugbúnaðargerð. Í þetta skiptið
verður sérstök áhersla lögð á þá
þætti sem aukið geta afköst hug-
búnaðarfólks því við í undirbún-
ingsnefndinni teljum að það sé
áhugavert efni.“
– Hverjir taka til máls og hvað
munu þeir aðilar taka fyrir?
„Vilhjálmur Þorsteinsson,
tæknistjóri hjá HomePortal Inc.,
mun velta fyrir sér spurningunni:
„Er hugbúnaðargerð verkfræði
eða listgrein?“ Hann mun meðal
annars fjalla um hvaða tísku-
straumar hafa komið og farið og
hvað hefur breyst og hvað ekki
undanfarin 20 ár.
Þórir Már Einarsson, verk-
fræðingur hjá Kögun, mun fjalla
um aðferðarfræði, hvort hún
skiptir einhverju máli og hvaða
raunverulegur munur er á þeim
aðferðum sem notaðar hafa verið í
gegnum tíðina við gerð hugbún-
aðar.
Ég mun halda fyrirlestur sem
ég kalla „Hönnun – til hvers?“ Þar
mun ég velta fyrir mér spurning-
um eins og: Er nokkur ástæða til
að hanna hugbúnað lengur þegar
tímapressan í hugbúnaðargerðar-
ferlinu er alltaf að aukast? Og: Er
eitthvað gagn að hönnunar-
mynstrum?, því ef hönnun skilar
ekki lægri heildarkostnaði eða
sveigjanlegri kerfum eigum við
auðvitað ekki að eyða tíma í hana.
Skeggi Þormar hjá Íslenskri
erfðagreiningu mun fjalla um þró-
unarumhverfi. Hann
mun fara yfir nokkur
atriði sem skipta meg-
inmáli við framleiðslu á
hugbúnaði og hvernig
við skilgreinum árang-
ur. Í ljósi þessa mun hann ræða
um hlutverk þróunarumhverfis og
prófunartóla.
Ólafur Andri Ragnarsson hjá
Betware mun fást við spurningar
eins og: „Eigum við að nota
grunnhugbúnað, middleware, eins
og gagnagrunna, viðfangamiðlara
og aðkeypt klasasöfn eða bara
skrifa hlutina sjálf?“ og „Eru
rammar, framework, eins og j2ee
og .Net þess virði að fylgja þeim
eða er tíminn sem fer í að læra á
þau meiri en sá sem sparast?“
Þessar spurningar verða sífellt
áleitnari eftir því sem þróunarum-
hverfi verður flóknara og meiri
tími fer í að ná valdi á því.
Að lokum mun Ingi Steinar
Ingason, þróunarstjóri Sögu hjá
eMR, fjalla um viðhald hugbúnað-
arkerfa. Til dæmis hvort upphaf-
leg hönnun skiptir einhverju um
viðhald og hvort það er náttúru-
lögmál að við hættum að geta upp-
fyllt nýjar kröfur og drukknum í
viðhaldi á gömlu kerfunum okkar
eftir ákveðinn tíma. Einnig mun
hann taka fyrir hvenær á að hætta
að halda kerfi við, henda því og
skrifa nýtt.“
– Og verður svo farið beint í
kaffið?
„Nei, ekki strax. Að erindum
loknum verða pallborðsumræður
þar sem allir fyrirlesararnir munu
ræða efni ráðstefnunnar og svara
fyrirspurnum ráðstefnugesta
undir stjórn fundarstjóra sem er
Sigríður Olgeirsdóttir, fram-
kvæmdastjóri Ax hugbúnaðar-
húss.“
– Og ráðstefnugestir eru hverj-
ir?
„Þetta er ráðstefna fyrir fagfólk
í upplýsingatækni, sérstaklega þá
sem stunda gerð hugbúnaðar-
kerfa.“
– Við hljótum að
spyrja, er líf eftir
„.com“?
„Það ríkti bjartsýni í
undirbúningsnefnd
ráðstefnunnar þrátt
fyrir að ástandið í tölvugeiranum
sé ekki sérlega gott. Mín skoðun
er sú að við getum lært af þeim
mistökum sem gerð voru á
„.com“-tímanum. Með því að vinna
að lausn raunverulegra vanda-
mála og nota við það bestu aðferð-
ir á hverjum tíma er ég viss um að
við eigum eftir að vinna okkur út
úr þessari kreppu eins og þeim
sem við höfum upplifað áður.“
Heimir Þór Sverrisson
 Heimir Þór Sverrisson er
fæddur í Reykjavík 1. júlí 1957.
Lauk prófi í rafmagnsverk-
fræði frá HÍ 1981 og meist-
aranámi frá Danmarks Tekn-
iske Højskole 1984. Hefur síðan
unnið við hugbúnaðargerð og
hönnun hugbúnaðar fyrir ýmis
fyrirtæki og kennt rafmagns-
verkfræði og tölvunarfræði við
HÍ og Háskólann í Reykjavík.
Var tæknistjóri Teymis þar til
hann tók við lektorsstöðu í
tölvunarfræði við HR í haust.
Stundar nú rannsóknir í net-
kerfum við Netsetur HR.
Maki er Sigríður Guðmunds-
dóttir barnakennari og eiga
þau þrjú börn.
Við getum
lært af þeim
mistökum
Lyfju Lágmúla
fimmtudag, 21. nóvember, kl.14–18
Lyfju Smáratorgi
föstudag, 22. nóvember, kl. 14–18
Lyfju Kringlunni
laugardag, 23. nóvember, kl.14–16
Húðvörurnar frá Bláa lóninu henta sérlega
vel fyrir íslenskar aðstæður. Nýja andlitslínan
laðar fram náttúrulega mýkt húðarinnar og
ver hana fyrir kulda. Glæsilegar gjafa-
pakkningar Bláa lónsins í öllum stærðum og
gerðum fást í verslunum Lyfju.
Kynningar verða í:
Hlýlegar gjafir
NOKKRAR greinar sérfræðilækn-
inga gætu farið yfir þau afslátt-
armörk sem samið er um í samn-
ingi við Tryggingastofnun ríkisins,
TR. Þegar það gerist þurfa lækn-
arnir að veita stofnuninni 50% af-
slátt. Þetta kemur að engu leyti
niður á sjúklingnum, að sögn
Kristjáns Guðjónssonar, forstöðu-
manns sjúkratryggingasviðs TR.
Greinarnar sem virðast munu
fara yfir sín afsláttarmörk eru m.a.
krabbameinslækningar og blóð-
meinafræðingar, sem eru mjög fá-
mennar greinar og því viðkvæmar
fyrir breytingum. Verið er að
skoða mál þessara greina sérstak-
lega, að sögn Kristjáns. Þá stefna
mál þvagfæralækna og barnalækna
í sömu átt. „Við allar sérgreinar, að
samningi við Barnalæknaþjón-
ustuna ehf. undanskildum, er sam-
ið um ákveðið magn eininga og svo
er þeim deilt niður á greinarnar,“
útskýrir Kristján. „Ef einhver sér-
grein fer yfir sínar einingar þarf
hún að veita Tryggingastofnun
50% afslátt af þeim einingum sem
farnar eru fram yfir.“
Kristján segir samninga við
lækna mismunandi milli ára.
„Stundum hefur úthlutunin verið
nægjanleg eða þjónustuaukning
það lítil að ekki hefur reynt á
þetta. En núna hins vegar eru
minni fjármunir til skiptanna mið-
að við þjónustu sérfræðilæknanna
þetta árið.“
Hvað er eining?
Gjaldskrá sérfræðilækna er til-
greind í einingum, t.d. er venjulegt
viðtal lyflæknis verðlagt á 19,5 ein-
ingar. Í hverri einingu eru 194
krónur.
Nokkrar
greinar
gætu klár-
að sínar
einingar
Þurfa þá að gefa
TR 50% afslátt
Kosningatækni sjálfstæðismanna fleygir ört fram, nú eiga kjörgögnin að elta atkvæðin
uppi, hvort sem er á láði eða legi.