Morgunblaðið - 20.11.2002, Blaðsíða 22

HÖFUÐBORGARSVÆÐIÐ
22 MIÐVIKUDAGUR 20. NÓVEMBER 2002 MORGUNBLAÐIÐ
STEFNA fræðsluyfirvalda í Reykja-
vík er að faglært fólk starfi í eldhús-
um grunnskóla borgarinnar. Þetta
segir Þröstur Harðarson, matsveinn
í Háteigsskóla, sem tekur undir
gagnrýni Manneldisráðs um að ekki
sé nægjanlegt að bjóða börnum á
skólaaldri upp á bláberjasúpur og
tvíbökur í hádegismat eins og sums
staðar er raunin.
Fyrir utan matseldina í Háteigs-
skóla starfar Þröstur fyrir fræðslu-
yfirvöld í borginni þar sem hann sit-
ur fundi með arkitektum og
leiðbeinir um réttan búnað í ný
skólaeldhús og þau sem verið er að
endurbæta. Gagnrýni Manneldisráðs
gengur út á að það vanti fagmenntað
fólk í skólaeldhúsin sem leiði aftur til
þess að maturinn, sem boðið sé upp
á, sé oft á tíðum ekki nægilega nær-
ingarríkur.
„Það er fullur skilningur og vilji
fræðsluyfirvalda í Reykjavíkurborg
til að ráða fagmenntaða einstaklinga
í þessi störf enda gengur ekki annað
því þetta eru fleiri hundruð máltíðir,“
segir Þröstur. „Þannig að það
strandar ekki á vilja þeirra heldur
annars staðar.“
Mikilvægt að sækja námskeið
Hann heldur að ekki sé erfitt að fá
fagmenntað fólk í þessi störf. „Þetta
eru skemmtileg, spennandi, gefandi
og ögrandi störf og ég get ekki séð að
þar sem ný eldhús hafa verið tekin í
notkun hafi verið vandamál að fá fag-
lært fólk til starfa.“
Þá bendir hann á mikilvægi þess
að þeir, sem taki þessi störf að sér,
séu duglegir að sækja sér fróðleik.
„Þeir þurfa að sækja þau námskeið
sem eru í boði og jafnvel mættu stétt-
arfélög viðkomandi fagmanna bjóða
upp á regluleg námskeið. Það eru
alltaf að koma nýjar og nýjar kröfur
og það nýjasta er að það þarf að elda
öðruvísi mat fyrir fólk með mismun-
andi trúarbakgrunn enda er ekki
hægt að neita sumum um mat frekar
en öðrum.“
Þröstur tekur undir gagnrýni
Manneldisráðs um að lítið næringar-
gildi sé í bláberjasúpum og tvíbökum
og segir að hið sama gildi um stafa-
súpur, sem víða eru vinsælar. „Stafa-
súpur eru ekki sniðugur matur, hann
er næringarlítill og í þessum súpum
er líka mikið salt en í bláberjasúp-
unum er hins vegar mjög mikill syk-
ur. Svo er allt of mikið um að börn
séu að borða sætar mjólkurvörur og
þar þarf Mjólkursamsalan einfald-
lega að taka sig á.“
Venjulegur heimilis-
matur bestur
Aðspurður segist Þröstur ekki vita
hversu víðtækt það er að ekki sé boð-
ið upp á nægjanlega næringarríkan
mat. Hann viti þó af því að í Hafn-
arfirði, þar sem börnin hans sækja
skóla, sé matur á borð við stafasúpur,
oft á borðum. Að hans mati er hins
vegar best að bjóða upp á venjulegan
heimilismat í skólum og segir hann
það stefnu fræðsluyfirvalda.
Sjálfur segist Þröstur leggja
áherslu á að vera með fisk tvisvar í
viku, kjötmáltíð tvisvar og spónamat,
grauta og súpur, einu sinni í viku.
Aðaldrykkurinn er svo íslenska vatn-
ið.
Vissulega geti börn í dag verið
miklir gikkir en það sé þó misskiln-
ingur að ekki sé hægt að bjóða þeim
upp á venjulegan mat. „Það borgar
sig aldrei að bjóða börnum á aldr-
inum sex til níu ára upp á flókinn
disk. Ef maður er með fisk þá borgar
sig að vera bara með kartöflur, fisk-
inn, gulrætur eða eina tegund af
grænmeti í einu og svo tómatsósu-
klessu eða eitthvað annað sem þau
geta difið í. Svo þegar krakkarnir
fara upp á miðstig fer ég að bjóða
þeim upp á meiri fullorðinsmat eins
og lauksmjör og heitar sósur.“
Stefnan er að ráða faglært
starfsfólk í skólaeldhúsin
Reykjavík
Morgunblaðið/Sverrir
Krakkarnir í Háteigsskóla voru hæstánægðir með íslenska lambakjötið á dögunum þegar landbúnaðarráðherra
var boðið þangað í hádegismat. Matsveinn skólans segir einfaldar máltíðir mikilvægar fyrir yngstu börnin.
CAFÉ Kristó er nýtt heiti á kaffihúsi
á Garðatorgi en eigandi þess er þó
enginn nýgræðingur í faginu. Krist-
jana Geirsdóttir, eða Jana Geirs eins
og flestir þekkja hana, hefur verið í
bransanum í yfir 20 ár en er nú loks
komin með veitingarekstur á heima-
slóðunum í Garðabæ.
Jana og fjölskylda hennar tóku
við rekstrinum 1. nóvember síðast-
liðinn en það var ekki fyrr en um
liðna helgi sem haldið var upp á það
með pompi og prakt. Nafn staðarins
er ekki vísun í nafn Jönu, eins og
margir gætu haldið, heldur upplýsir
hún að það sé fengið frá barna-
barninu Kristófer.
Staðurinn er opinn frá morgni til
kvölds en afgreiðslutíminn var
lengdur þegar nýir eigendur tóku
við honum. „Það var alltaf lokað
klukkan sex á kvöldin en við erum
með opið frá níu til miðnættis alla
daga nema um helgar en þá erum
við með opið frá tólf til miðnættis,“
segir Jana.
Þá hafa menningarkvöld á Kristó
síðustu fimmtudaga vakið athygli
og meðal annars hlaut frumraun
bæjarstjórans sem tískusýning-
ardama í síðustu viku umfjöllun fjöl-
miðla. „Það hafa verið hérna 6–700
manns á torginu á þessum kvöldum
og verið alveg frábær stemmning.
Þannig að við ætlum að reyna að
halda áfram að vera með einhverjar
uppákomur – manni finnst að
Garðbæingar vilji fá meira fjör í bæ-
inn,“ segir Jana og hlær. Hún bendir
á að næstkomandi fimmtudag verð-
ur síðasta menningarkvöldið í þess-
ari röð en þá mun Tríó Ragnheiðar
Gröndal djasssöngkonu troða upp á
Café Kristó.
Gaman að þekkja alla
Jana bendir á að fótboltaaðdá-
endur hafi ástæðu til að gera sér
ferð á Kristó því fótboltaleikir eru
sýndir beint á 60 tommu risaskjá.
„Þá kemur fólkið úr Stjörnunni og
allir hinir í Garðabænum,“ segir hún
og hljómar eins og hún þekki hvern
og einn þeirra. Í ljós kemur að það
er ekki svo fjarri lagi. „Ég er nátt-
úrlega Garðbæingur frá því ég var
sex ára og þótt ég hafi flutt síðan þá
eru pabbi og mamma hérna ennþá
og öll fjölskyldan mín. Það er líka
svo gaman að þekkja alla, krakk-
arnir sem voru með mér í skóla eru
allir komnir hingað aftur þannig að
maður er í því að heilsa fólki hérna.“
Jana gæti haft ástæðu til að heilsa
fólki af öðrum ástæðum því líklega
hefur hún kynnst mörgum á löngum
ferli sínum í veitingarekstri. „Ég er
búin að vera í þessu í tuttugu
og…almáttugur…það eru komin 22
ár,“ segir hún og virðist vantrúuð á
að þessir útreikningar standist. Þá
hefur maðurinn hennar, Tómas
Freyr Marteinsson, verið viðloðandi
veitingarekstur í um áratug.
En hafa orðið miklar breytingar á
veitingarekstri á þessum tíma? „Eft-
ir að bjórinn kom er miklu meira um
að fólk fari út á kvöldin og fái sér
einn öl eða rauðvínsglas. Og nú þeg-
ar við erum hér í bæjarfélaginu á ég
von á því að fólk komi hingað í
göngutúr og heilsi upp á mann og
fái sér eitthvað létt og gott í leið-
inni.“
„Finnst að Garðbæingar
vilji meira fjör í bæinn“
Garðabær
Morgunblaðið/Þorkell
Jana Geirs ásamt manni sínum, Tómasi Frey Marteinssyni (t.h.), og börn-
um sínum, Geir Ólafi Sveinssyni og Írisi Hervöru Sveinsdóttur.
NIÐURSTAÐA nýrrar úttektar á
fjárhagsstöðu Seltjarnarnessbæjar
er að bæjarsjóður standi traustum
fótum en hlutfall rekstrar af tekjum
bæjarins hefur verið á bilinu 72 – 86
prósent síðastliðin 10 ár. Áætlað
hlutfall rekstrar er í ár um 86 pró-
sent en bæjarstjóri bendir á að væru
heimildir bæjarins til gjaldtöku full-
nýttar væri þetta hlutfall um 78 pró-
sent.
Málið kom til umræðu á fundi bæj-
arstjórnar í síðustu viku en að sögn
Jónmundar Guðmarssonar bæjar-
stjóra er nýlokið úttekt endurskoð-
unarfyrirtækisins Grand Thornton á
fjárhagsstöðu bæjarins. Búið er að
kynna skýrsluna í fjárhags- og
launanefnd bæjarins en þar sem ekki
er búið að kynna skýrsluna formlega
í bæjarstjórn vill Jónmundur ekki
tjá sig um hana að sinni.
Í bókun hans frá bæjarstjórnar-
fundinum kemur þó fram að hlutfall
rekstrar af tekjum bæjarins síðast-
liðin 10 ár hafi verið á bilinu 72 – 86
prósent sem sé ýmist langt undir eða
rétt yfir almennum viðmiðunar-
mörkum í rekstri sveitarfélaga. Að-
spurður segir hann að áætlað sé að
þetta hlutfall verði um 86 prósent á
yfirstandandi ári og í yfirstandandi
fjárhagsáætlunargerð sé stefnt að
svipuðu hlutfalli.
Þá segir í bókun Jónmundar að ef
gjaldtökuheimildir bæjarsjóðs væru
fullnýttar hefði tekjuaukning ársins
2002 getað numið allt að 136 millj-
ónum króna. Það hefði þýtt að hlut-
fall rekstrarins væri um 78 prósent í
endurskoðaðri áætlun. „Fyrir slík-
um álögum er ekki áhugi,“ segir í
bókuninni.
Ný greinargerð um
stöðu bæjarsjóðs
Fjárhags-
staða bæj-
arins traust
Seltjarnarnes
FYRSTA skóflustungan að 60 rýma
hjúkrunarálmu fyrir aldraða við
Hrafnistu var tekin í gær. Skóflu-
stunguna tóku þau Herbert Guð-
brandsson, fyrrverandi sjómaður, og
Guðrún Sigurðardóttir, fyrrverandi
verslunarmaður, en bæði eru þau
heimilisfólk á Hrafnistu.
Það var Arnarverk ehf. sem átti
lægsta tilboðið í verkið en gert er
gert ráð fyrir að húsið verði tekið í
notkun um mitt ár 2004. Heildar-
kostnaður við verkið er áætlaður um
800 milljónir. Þá er ráð fyrir því gert
að heilsugæslustöð fyrir Voga- og
Heimahverfi verði í nýja húsinu.
Lægsta tilboð tæpar
11 milljónir
Kostnaðaráætlun fyrir jarðvinnu
við hjúkrunarálmuna hljóðaði upp á
16,5 milljónir króna en lægsta tilboð,
tilboð Arnarverks ehf., er upp á tæp-
ar 11 milljónir, eða 65% af kostnað-
aráætlun. Hæsta tilboð í verkið var
upp á rúmar 28 milljónir króna.
Sjómannadagsráð mun byggja og
reka hjúkrunarálmuna en Fram-
kvæmdasjóður aldraðra leggur til
40% af byggingarkostnaði og
Reykjavíkurborg 30%. Reksturinn
verður fjármagnaður með daggjöld-
um frá ríkinu. Hjúkrunarálman
verður við Brúnaveg á suðaustur-
hluta lóðar Hrafnistu í Reykjavík.
Um er að ræða þriggja hæða
byggingu með kjallara og um 5.700
fermetrar að flatarmáli. Í álmunni
verða sextíu 25 fermetra einstak-
lingsherbergi með salerni og baði.
Í fréttatilkynningu frá Hrafnistu
segir að yfir 300 einstaklingar séu í
brýnni þörf fyrir að komast í hjúkr-
unarrými nú þegar.
Morgunblaðið/Jim Smart
Guðrún Sigurðardóttir og Herbert Guðbrandsson, heimilisfólk á Hrafn-
istu, taka fyrstu skóflustunguna í sameiningu að nýju hjúkrunarálmunni.
Hafist handa við 60
rúma hjúkrunarálmu
Vogar/Heimar