Morgunblaðið - 20.11.2002, Page 14

VIÐSKIPTI/ATHAFNALÍF
14 MIÐVIKUDAGUR 20. NÓVEMBER 2002 MORGUNBLAÐIÐ
FLUGLEIÐIR og dótturfyrirtæki
högnuðust um tæplega 4,1 milljarð
króna fyrir skatta á fyrstu níu mán-
uðum ársins, en hagnaðurinn var 241
milljón króna á sama tímabili 2001.
Rekstrarafkoma fyrir skatta hefur
því batnað um 3,9 milljarða króna.
Hagnaður eftir skatta var 3,3 millj-
arðar króna á tímabilinu, sem er 2,9
milljörðum betri niðurstaða en í
fyrra.
Í frétt frá Flugleiðum segir að
fyrstu níu mánuði ársins 2001 hafi
495 milljóna króna söluhagnaður
verið færður til rekstrartekna, en
söluhagnaður á þessu ári er hverf-
andi. Afkoma fyrir skatta og sölu-
hagnað hefur því batnað um 4,3 millj-
arða króna fyrstu níu mánuði ársins.
Rekstrartekjur Flugleiða fyrstu
níu mánuði ársins hækkuðu um 2,8%
frá sama tímabili árið áður, voru 31,6
milljarðar nú, en voru tæplega 30,7
milljarðar króna fyrstu níu mánuði
2001. Rekstrargjöld fyrstu níu mán-
uði ársins voru hins vegar 9,2% lægri
en á síðasta ári, 27,1 milljarður króna
nú, en 29,9 milljarðar króna á sama
tímabili 2001.
Mikið fagnaðarefni
Sigurður Helgason, forstjóri
Flugleiða, segir í fréttinni að þessi
árangur sé mikið fagnaðarefni. Hann
megi rekja til fjögurra þátta. Í fyrsta
lagi til uppbyggingar í rekstrinum
undanfarin 6–7 ár sem hafi verið
grundvöllur árangursríkra breyt-
inga í starfsemi móður- og dóttur-
félaga á þessu ári. Í öðru lagi til þess
árangurs sem félagið hafi náð í sölu á
ferðum til Íslands á þessu ári, sem
hafi gengið gegn almennri þróun á
markaðnum. Í þriðja lagi sé þetta ár-
angur af lækkun kostnaðar hvar-
vetna í rekstrinum og rekstrarkostn-
aður Flugleiða sé nú með því lægsta
sem þekkist í áætlunarflugrekstri í
Evrópu. „Þetta er afar mikilvægt því
félagið er nú í stakk búið að takast á
við öflug alþjóðaflugfélög,“ segir
hann.
Þá segir Sigurður að síðast en ekki
síst megi rekja árangur í rekstrinum
til samstillts átaks starfsmanna og
stjórnenda sem hafi verið einhuga
um að koma rekstri félagsins í gott
horf eftir áföllin sem dundu yfir í al-
þjóðlegum flugrekstri og ferðaþjón-
ustu 11. september í fyrra.
Sigurður segir að alþjóðlegur flug-
rekstur og ferðaþjónusta sé sveiflu-
kennd atvinnugrein og við góðar
kringumstæður sé nauðsynlegt að ná
árangri á borð við það sem sjáist í
rekstri Flugleiða á þessu ári. Hann
segir margt benda til að samkeppni á
alþjóðamarkaði eigi eftir að harðna
og félagið verði því áfram að vinna að
breytingum og hagræðingu í starf-
seminni nú þegar stund sé milli
stríða. Hann bendir jafnframt á að
vegna árstíðasveiflu í rekstri Flug-
leiða sé að jafnaði tap af starfseminni
á síðasta fjórðungi ársins. Samt sem
áður sé búist við mjög góðri afkomu
af rekstrinum á öllu árinu.
Hagnaður fyrir vexti, skatta, af-
skriftir og flugvélaleigu í reikningn-
um er 7,6 milljarðar króna á móti 4,2
milljörðum króna fyrstu níu mánuði
2001. Þetta er svokallaður EBIT-
DAR mælikvarði, sem víða er lagður
á rekstur flugfélaga og mælir fjár-
munamyndun í rekstri þeirra óháð
því hvernig flugvélar eru fjármagn-
aðar.
Í frétt Flugleiða kemur fram að
batinn sem kom fram í rekstri Flug-
leiða á fyrsta og öðrum ársfjórðungi
haldi áfram á þeim þriðja. Á fyrsta
ársfjórðungi batnaði afkoma fyrir
skatta milli ára um 745 milljónir
króna, á öðrum ársfjórðungi um
1.704 milljónir króna, og á þeim
þriðja um 1.396 milljónir króna.
Meira veltufé frá rekstri
Veltufé frá rekstri fyrstu níu mán-
uði ársins var 6,7 milljarðar króna en
var tæplega 2,3 milljarðar króna á
sama tímabili 2001. Veltufé frá
rekstri hefur því batnað um liðlega
4,4 milljarða króna. Handbært fé í
lok tímabilsins er um 6,8 milljarðar
króna í samanburði við tæplega 4
milljarða króna á sama tíma í fyrra.
Vegna árstíðasveiflu í ferðaútvegi
er þriðji ársfjórðungur, mánuðirnir
júlí, ágúst og september, jafnan
tekjuhæsta tímabil ársins í rekstri
Flugleiða. Svo er einnig nú. Rekstr-
artekjur voru um 14 milljarðar
króna, en þær voru 10,7 milljarðar á
öðrum ársfjórðungi og 6,9 milljarðar
á fyrsta ársfjórðungi.
Flugleiðir hagnast um 3,3 milljarða eftir skatta
Tekjur hækka
og gjöld lækka
Sigurður Helgason, forstjóri Flugleiða, er ánægður með afkomu félagsins.
VEGNA samkomulags um sölu á
45,8% af hlutafé Búnaðarbanka Ís-
lands hf. til Eglu ehf., Samvinnulíf-
eyrissjóðsins og Vátryggingafélags
Íslands hf., hafa hlutabréf Búnað-
arbanka Íslands hf. verið færð á at-
hugunarlista Kauphallar Íslands hf.
Ástæða framangreindrar ákvörð-
unar Kauphallarinnar er, að ekki
liggja fyrir upplýsingar um þá er-
lendu fjármálastofnun, eina eða
fleiri, sem áætlað er að eigi aðild að
Eglu ehf., né í hvaða hlutföllum
kaupendur muni eignast hlut í Bún-
aðarbanka Íslands hf., hvort sem er
beint eða óbeint. „Samkvæmt upp-
lýsingum sem Kauphöll Íslands hf.
hafa verið gefnar nú, er samkomu-
lag milli aðila að hinum væntanlegu
viðskiptum um að aðild einnar eða
fleiri erlendra fjármálastofnana að
kaupunum verði staðfest í síðasta
lagi 6. desember nk., og að end-
anleg eignarhlutföll kaupenda muni
liggja fyrir um svipað leyti. Kaup-
höll Íslands hf. telur eðlilegt að
hlutabréf Búnaðarbanka Íslands hf.
verði færð á athugunarlista þar til
óvissu um framangreind atriði hef-
ur verið eytt,“ að því er segir í til-
kynningu frá Kauphöll Íslands.
Í gær var lokaverð hlutabréfa
Búnaðarbankans í Kauphöll Ís-
lands 4,7 en Landsbankans 3,67. Á
meðfylgjandi mynd sést þróun
lokaverðs bréfa í bönkunum tveim-
ur frá þeim tíma er þeir voru skráð-
ir á hlutabréfamarkað í lok árs
1997.
: ; 4 3 4 : : 6 2 < = $ : ; 4 3 4 : : 6 2 < = $ : ; 4 3 4 : : 6 2 < = $ : ; 4 3 4 : : 6 2 < = $
 > ?@  >/  ,   
7  , # A
   / ?@    










  $
 
 
 
!
" # 
$%&'"(

  ) *+ *!
 
!"
 # 
$,('"(

#
Búnaðarbankinn
á athugunarlista
TALNING leiddi í
gær í ljós að 81,5%
hluthafa í sænska
fjárfestingarbank-
anum JP Nord-
iska samþykktu
yfirtökutilboð
Kaupþings. Kaup-
þing hefur ákveðið
að kaupa hluta-
bréfin, en samkvæmt tilboðinu,
sem rann út á föstudaginn, gat fyr-
irtækið dregið það til baka ef ekki
hefði fengist samþykki 90% hlut-
hafa. Þá hefur Kaupþing ákveðið
að framlengja frest þeirra hluthafa
sem eftir eru um tvær vikur. Þeir
hafa því svigrúm til 29. nóvember
til að ganga að tilboðinu, sem
hljóðaði upp á 9,55 hluti í Kaup-
þingi fyrir hvern hlut í JP Nord-
iska.
Ánægja með niðurstöðuna
Guðrún Ingólfsdóttir hjá Kaup-
þingi segir að almenn ánægja ríki
hjá fyrirtækinu með niðurstöðuna.
„Við verðum samt að bíða eftir því
að Fjármálaeftirlitið í Svíþjóð sam-
þykki umsóknina um kaupin,“ seg-
ir hún, en stofnun-
in hefur þriggja
mánaða frest til að
afgreiða málið.
Kaupþing var
áður eigandi um
þriðjungs hlutafjár
í JP Nordiska.
Fyritækið gaf út, í
samvinnu við
Handelsbanken Securities í Sví-
þjóð, útboðs- og skráningarlýsingu
í tengslum við yfirtökutilboðið og
fyrirhugaða skráningu Kaupþings í
kauphöllinni í Stokkhólmi. Stefnt
er að því að viðskipti með hlutabréf
í Kaupþingi hefjist í Kauphöllinni í
Stokkhólmi 29. nóvember.
Kaupþing stækkar um 56% eftir
sameininguna, ef einnig er reiknuð
með sameining við Auðlind, sam-
kvæmt uppgjörum um mitt ár.
Heildareignir í íslenskum krónum
fara úr 125 milljörðum króna í 194
milljarða króna í sameinuðu fyr-
irtæki. Eftir sameininguna mun
meira en helmingurinn af tekjum
Kaupþings verða til í Svíþjóð. Eig-
ið fé verður komið í átján til tutt-
ugu milljarða íslenskra króna.
Kaupþing kaup-
ir JP Nordiska
81,5% hluthafa samþykktu tilboðið
EIGNARHALDSFÉLAGIÐ Hest-
eyri hefur selt sinn hlut í Keri til
Norvikur, móðurfélags BYKO, gegn
hlut Norvikur í Vátryggingafélagi
Íslands,VÍS.
Tilkynnt var um sölu Hesteyrar,
sem er í eigu Fiskiðjunnar Skagfirð-
ings hf. og Skinneyjar-Þinganess
hf., á 22,53% hlut í Keri í gær til
Norvikur. Greitt er fyrir hlutinn
með 25% hlut Norvikur í VÍS. Eftir
kaupin er Norvik stærsti hluthafinn
í Keri.
Með þessum viðskiptum og þeim
sem fram fóru í síðustu viku með
hlutabréf Kers hf. í VÍS hefur
ákveðið valdajafnvægi verið tryggt
innan hins svonefnda S-hóps eftir
sviptingar sem þar hafa staðið yfir
milli fylkinga undir forystu Þórólfs
Gíslasonar annars vegar og Ólafs
Ólafssonar hins vegar. Jafnframt
hefur lykilstaða Finns Ingólfssonar,
forstjóra VÍS, verið tryggð.
Jón Helgi Guðmundsson, forstjóri
BYKO, er stjórnarformaður Norvik-
ur.
Samkomulagið gert 2 dögum
áður en Ker seldi í VÍS
Í tilkynningum sem félögin þrjú,
það er Ker, Norvik og VÍS, sendu til
Kauphallar Íslands í gær er vísað til
framvirks samnings sem félögin
gerðu með sér 12. nóvember sl.
Kemur fram að samningurinn hafi
verið háður skilyrðum sem uppfyllt
hafi verið í gær. Er samningurinn á
gjalddaga 22. nóvember nk.
Um hádegisbil 14. nóvember sl.
barst Keri tilboð frá Verðbréfastof-
unni í 25% hlut Kers í VÍS. Síðdegis
þann sama dag var stjórn Kers köll-
uð saman og samþykkti hún söluna
til Verðbréfastofunnar. Var sam-
komulag um að Verðbréfastofan
greiddi bréfin 22. nóvember nk.
Daginn eftir, eða 15. nóvember,
var tilkynnt um að Norvik hafi keypt
fjórðungshlutinn í VÍS af Verðbréfa-
stofunni með framvirkum samningi.
Þórólfur Gíslason, stjórnarfor-
maður Hesteyrar og VÍS og stjórn-
armaður í Keri, segir að með sölu á
fjórðungshlut í VÍS sé Ker að fjár-
magna kaup á hlut ríkisins í Bún-
aðarbankanum.
Þórólfur segir að samkomulag
hafi náðst um þessi viðskipti meðal
allra sem málið varði, að því er hann
best viti. „Þessi niðurstaða var talin
heppilegust til framtíðar. Ker þurfti
að skuldlétta sig vegna kaupanna á
Búnaðarbankanum,“ segir hann.
Stjórn Kers hefur boðað til hlut-
hafafundar hjá Keri 27. nóvember
næstkomandi að beiðni stjórnar
Hesteyrar. Ástæðan fyrir óskinni
var sú að Hesteyri vildi fá fulltrúa í
stjórn þar sem félagið færi með
22,53% hlut í félaginu. Í samtali við
Morgunblaðið í gær sagði stjórnar-
formaður Hesteyrar, Jón E. Frið-
riksson, að þar sem félagið ætti ekki
lengur hlutafé í Keri þá væri ljóst að
þessi krafa væri fallin um sjálfa sig.
Samkvæmt heimildum Morgun-
blaðsins er talið líklegt að af fund-
inum verði enda sé eðlilegt að Nor-
vik vilji fá fulltrúa í stjórn Kers.
Norvik orðin
stærsti hlut-
hafinn í Keri
Valdajafnvægi tryggt í S-hópnum
● SAMRÆMD vísitala neysluverðs í
EES-ríkjum var 111,8 stig í október
sl. og hækkaði um 0,2% frá sept-
ember. Á sama tíma hækkaði sam-
ræmda vísitalan fyrir Ísland um
0,4%.
Frá október 2001 til jafnlengdar ár-
ið 2002 var verðbólgan, mæld með
samræmdri vísitölu neysluverðs,
2,1% að meðaltali í ríkjum EES, 2,3%
á evrusvæðinu og 3,0% á Íslandi.
Í frétt frá Hagstofu Íslands kemur
fram að mesta verðbólga á evrópska
efnahagssvæðinu á þessu tólf mán-
aða tímabili var á Írlandi 4,4% og í
Portúgal 4,1%. Verðbólgan var
minnst, 1,3%, í Þýskalandi og í Belg-
íu.
Verðbólgan
mest á Írlandi
♦ ♦ ♦