Morgunblaðið - 20.11.2002, Síða 37

UMRÆÐAN
MORGUNBLAÐIÐ MIÐVIKUDAGUR 20. NÓVEMBER 2002 37
Skógarhlíð 18, sími 595 1000. www.heimsferdir.is
Síðustu sætin um jólin til
Kanarí
17. desember
frá kr. 49.962
Nú bjóðum við síðustu sætin í
sólina um jólin til Kanaríeyja á hreint ótrúlegu verði. Beint flug til Kan-
arí hinn 17. eða 19. desember, og þú getur valið um viku, 9 nætur, 2
vikur eða 3 vikur á einum vinsælasta áfangastað Íslendinga. Hér nýtur
þú 20-25 stiga hita og veðurblíðu við frábærar aðstæður og getur kvatt
veturinn í bili á einum vinsælasta vetraráfangastað Evrópu. Og á með-
an á dvölinni stendur nýtur þú þjónustu reyndra fararstjóra okkar allan
tímann.
Jólaferðir - 17., 19. og 26. des.
Verð kr. 59.950
Verð á mann, m.v. 2 saman,
stúdíó/smáhýsi, 17. des., 9 nætur.
Stökktutilboð
Flug, gisting, skattar.
Verð kr. 49.962
M.v. hjón með 2 börn, íbúð/smáhýsi,
17. des., 9 nætur. Nafn gistingar 3
dögum fyrir brottför.
Flug, gisting, skattar.
Þökkum ótrúlegar viðtökur í vetur
Bókaðu meðan enn er laust
17. des. - 29 sæti
19. des. - uppselt
19. des. - aukaflug - 19 sæti
26. des. - 28 sæti
2. jan. - 31 sæti
9. jan. - uppselt
16. jan. - 29 sæti
23. jan. - 31 sæti
30. jan. - 37 sæti
6. feb. - uppselt
13. feb. - 24 sæti
20. feb. - uppselt
27. feb. - 19 sæti
6. mars - 29 sæti
Munið MasterCard ferðaávísun
www.europay.is
Prófkjör
Prófkjör stjórnmálaflokkanna vegna þingkosninganna í maímánuði
nk. fara fram í vetur. Af því tilefni birtir Morgunblaðið greinar fram-
bjóðenda og stuðningsmanna. Þær er einnig hægt að nálgast undir
liðnum prófkjör á forsíðu mbl.is.
Á NOKKRUM þingum hefur iðn-
aðarráðherra lagt fram frumvarp til
nýrra raforkulaga, án þess að það hafi
náð fram að ganga. Kveikjan að frum-
varpinu eru breytingar á Evrópurétti,
þar sem mælt er fyrir um samkeppni
og markaðsvæðingu á sviði orkumála.
Fyrir nokkru lýsti ég andstöðu
minni við frumvarpið á þeirri for-
sendu, að reglur Evrópusambandsins
byggðust á allt öðrum meginviðhorf-
um en ríkja hér á landi. Hefði verið
skynsamlegast fyrir Íslendinga að
leita eftir undanþágu frá þessum
reglum, ef verið væri að framfylgja
þeim með hinu nýja raforkulagafrum-
varpi.
Tilefni notað
Við nánari umræður og skýringar
kemur í ljós, að frumvarpið til raf-
orkulaga er ekki nema að litlum hluta
byggt á Evrópurétti. Tilefnið vegna
breytinga á honum hefur einfaldlega
verið notað til að semja frumvarp að
nýjum íslenskum raforkulögum.
Hér skal ekki dregið í efa, að nauð-
synlegt sé að setja ný raforkulög á Ís-
landi og skapa orkufyrirtækjum nýj-
an almennan starfsramma. Hitt er
óskynsamlegt að standa þannig að
málum, að blanda þessu tvennu sam-
an, kröfunni um að laga sig að Evr-
ópuréttinum og nýju heildarlöggjöf-
inni. Ganga síðan fram með þeim
hætti, að þingmenn séu að bregðast
skyldum samkvæmt samningum um
evrópska efnahagssvæðið með því að
veita raforkulagafrumvarpi ekki
brautargengi.
Einföld leið
Aðild Íslands að evrópska efna-
hagssvæðinu hefur hvatt til endurnýj-
unar á mörgum lagaákvæðum og kall-
að á ný. Þegar staðið er að málum eins
og gert hefur verið við nýja raforku-
lagafrumvarpið vekur það tortryggni
meðal þingmanna um, að verið sé að
knýja fram mál í krafti Evrópusam-
þykkta á haldlitlum eða jafnvel röng-
um forsendum.
Iðnaðarráðherra og embættis-
menn iðnaðarráðuneytisins eiga ein-
falda leið út úr þessum vanda. Þeir
geta lagt fram frumvarp til laga, sem
tekur á þeim málum, sem leiða beint
af Evrópurétti. Það ræðst síðan af af-
drifum þess, hvaða þættir Evrópu-
réttarins þurfa að móta nýja almenna,
íslenska raforkulöggjöf. Unnt verður
að ræða hana og afgreiða án þess að
eiga hina evrópsku eftirlitsaðila yfir
höfði sér.
Raforkufrum-
varp í vanda
Eftir Björn
Bjarnason
Höfundur er alþingismaður og borg-
arfulltrúi og býður sig fram í 3. sæti í
prófkjöri sjálfstæðismanna.
„Frumvarpið
er að litlum
hluta byggt
á Evrópu-
rétti.“
SÍÐASTLIÐINN áratug hefur
Sjálfstæðisflokkurinn haft forystu
um ótrúlega umbreytingu hins ís-
lenska viðskiptaumhverfis. Höft hafa
verið afnumin, markaðir opnaðir og
árangurinn leynir sér ekki: meira
vöruúrval, stórbætt þjónusta, lægra
verðlag. Í dag myndi næstum enginn
vilja snúa aftur til þess þjóðfélags
hafta og hindrana sem vinstri stjórn-
ir níunda áratugarins skildu eftir sig.
Nú átta flestir sig á þeim gömlu
sannindum að frjáls viðskipti verða
fjöldanum til góðs en viðskiptahindr-
anir draga lífskjör alls almennings
niður þegar til lengri tíma er litið.
Þær leiða til óhagkvæmrar nýtingar
og hærra verðs. Þær verða til þess að
atvinnulífið starfar ekki með hag-
kvæmasta hætti og verður því ekki
eins öflug undirstaða velferðar borg-
aranna og ella.
Mikill árangur náðst
Mikill og vaxandi árangur hefur
náðst í baráttunni við viðskipta-
hindranirnar. Þar höfum við sjálf-
stæðismenn lagt drýgstan skerf af
mörkum undanfarinn áratug. Undir
forystu okkar hafa Íslendingar gert
samninga við erlend ríki um gagn-
kvæma niðurfellingu ótal tolla og við-
skiptahindrana og hefur hið aukna
frjálsræði fært Íslendingum bætt
kjör og auðugra líf. Mikilvægt er að
áfram verði haldið á þessari braut og
sagan sýnir glögglega að engum
stjórnmálaflokki er betur treystandi
en Sjálfstæðisflokknum til að
tryggja þann árangur. Meðal annars
þess vegna hef ég ákveðið að leita
kjörs til þings á vegum flokksins.
Meðal þess sem leggja þarf
áherslu á, er að matvælaverð lækki. Í
því sambandi er eðlilegt að hafa í
huga að enn eru lagðir tollar á ýmsar
landbúnaðarafurðir og tel ég að með
lækkun og afnámi þeirra megi bæta
hag heimilanna enn frekar en gert
hefur verið. Að því vil ég vinna.
Raunar tel ég að tollakerfið sé Ís-
lendingum of dýrt. Það hækkar vöru-
verð og er dýrt í rekstri. Með afnámi
eða lækkun tolla og vörugjalda
myndi vöruverð lækka og velsæld
aukast. Þetta kæmi ekki aðeins fram
í matvöruverði heldur myndu alls
kyns vörur lækka í verði og má sér-
staklega geta bifreiða sem nú bera
há gjöld og því hærri sem bifreiðar
eru stærri og öruggari. Með afnámi
tolla og vörugjalda mætti bæta hag
alls almennings verulega, ekki að-
eins í bráð heldur ekki síður í lengd.
Ég vil leggja mitt af mörkum til að
þær breytingar megi verða að veru-
leika.
Viðskiptafrelsi
er allra hagur
Eftir Birgi
Ármannsson
„Með af-
námi eða
lækkun tolla
og vöru-
gjalda myndi
vöruverð lækka og vel-
sæld aukast.“
Höfundur er aðstoðarfram-
kvæmdastjóri Verslunarráðs og gef-
ur kost á sér í 6. sætið í prófkjöri
Sjálfstæðisflokksins í Reykjavík.
MORGUNBLAÐIÐ flutti nýverið
fréttir af því að níu Norðmenn
hefðu gengist undir bæklunarað-
gerðir hér á landi og fjórir til við-
bótar væru væntanlegir. Þetta kem-
ur ekki á óvart, því norsk stjórnvöld
verja nú árlega stórum upphæðum
til kaupa á heilbrigðisþjónustu utan
Noregs.
Réttur til þjónustu
Mikil viðhorfsbreyting hefur orð-
ið hjá stjórnvöldum víða í Evrópu
um kaup á heilbrigðisþjónustu í öðr-
um löndum, sem vert er að Íslend-
ingar veiti athygli. Hana má m.a.
rekja til niðurstöðu Evrópudóm-
stólsins frá 12. júlí 2001, þar sem
viðurkenndur er réttur sjúklinga til
að leita sér heilbrigðisþjónustu í
öðru ESB-landi á kostnað sjúkra-
trygginga heimalandsins, fáist hún
ekki tímanlega í heimalandi viðkom-
andi. Að því tilskildu að meðferðin
sé vísindalega viðurkennd og falli
undir sjúkratryggingu sjúklings er
heilbrigðisyfirvöldum óheimilt að
synja viðkomandi um greiðslu
vegna læknismeðferðar í öðru ESB-
landi, nema heilbrigðiskerfi landsins
geti boðið sömu eða sambærilega
þjónustu án óhóflegrar biðar. Þó
geta stjórnvöld gert ráðstafanir til
að verja eigin heilbrigðiskerfi og
tryggja fjárhagslegan stöðugleika
sjúkratrygginga.
Dómurinn hefur þegar haft víð-
tæk áhrif í Evrópu, ekki síst í Bret-
landi, þar sem biðlistar eftir heil-
brigðisþjónustu eru langir. Á
síðustu mánuðum hafa breskir fjöl-
miðlar flutt frásagnir af sjúklingum
sem fara til annarra Evrópuríkja til
aðgerða, en í kjölfar dómsins sömdu
bresk heilbrigðisyfirvöld við fjölda
sjúkrahúsa á meginlandinu um að-
gerðir á Bretum á kostnað breskra
sjúkratrygginga.
Tækifæri til tekjuöflunar
Á síðasta þingi beindi ég fyrir-
spurn til heilbrigðisráðherra um
áhrif dómsins á rétt Íslendinga sem
eru á biðlista til fá heilbrigðisþjón-
ustu í ESB-löndum. Nú vil ég snúa
dæminu við. Réttur útlendinga til
að fá heilbrigðisþjónustu í öðrum
löndum felur í sér tækifæri fyrir Ís-
lendinga. Með samningum við er-
lend heilbrigðisyfirvöld um tiltekna
þjónustu fengist utanaðkomandi
fjármagn sem hægt væri að nota til
að stytta biðlista Íslendinga í heil-
brigðisþjónustu.
Íslensk heilbrigðisþjónusta er ein
sú besta í heiminum, heilbrigðis-
starfsmenn eru vel menntaðir, að-
staða og tækjabúnaður til fyrir-
myndar og tungumálakunnátta góð.
Nú er lag til að heilbrigðisþjónustan
skapi gjaldeyristekjur fyrir Íslend-
inga og nýju fjármagni verði hleypt
inn í heilbrigðiskerfið. Tækifærið er
fyrir hendi, grípum það!
Heilbrigðisþjónustan
getur orðið tekjulind
Eftir Ástu
Möller
„Nú er lag til
að heilbrigð-
isþjónustan
skapi gjald-
eyristekjur
fyrir Íslendinga og nýju
fjármagni verði hleypt
inn í heilbrigðiskerfið.“
Höfundur er þingmaður
Sjálfstæðisflokksins í Reykjavík.
Í KOMANDI prófkjöri sjálfstæð-
ismanna hef ég ákveðið að sækjast
eftir fjórða sætinu. Það einkennir
Sjálfstæðisflokkinn að hann á stuðn-
ing fólks úr öllum stéttum þjóð-
félagsins, enda hefur flokkurinn með
stefnu sinni hlotið traust kjósenda.
Hann hefur laðað að sér fólk á hægri
væng stjórnmálanna og þá sem að-
hyllast frjálshyggju, en ekki síður þá
sem kallast mega á miðjunni. Því er
ekki þannig farið með hægri flokka í
nágrannalöndunum, enda eru þeir
nær því að vera 10% flokkar en ekki
með fylgi nálega 40% kjósenda eins
og hérlendis. Sjálfstæðismenn eru
margbreytilegur hópur með mis-
munandi viðhorf til mála á borð við
sjávarútvegsmál, menningarmál,
heilbrigðismál, umhverfismál og af-
stöðu til Evrópusambandsins en eiga
sameiginlega hugsjónina um frelsi
einstaklingsins til orða og athafna,
einarða afstöðu með vestrænum
ríkjum, áhuga á því að halda ríkis-
rekstri í skefjum og þeir eru einhuga
um að styðja við þá sem minnst
mega sín í þjóðfélaginu. Hjálpa þeim
til að hjálpa sér sjálfir, enda varð vel-
ferðarkerfið ekki sízt að veruleika
fyrir tilstuðlan og framsýni Sjálf-
stæðisflokksins.
Ég lít svo á að ég sé talsmaður hóf-
samra viðhorfa innan Sjálfstæðis-
flokksins og að á slíkum viðhorfum
sé þörf hér eftir sem hingað til, að
listi sjálfstæðismanna við kosning-
arnar í vor sýni þá breidd í viðhorf-
um sem flokkurinn þarf áfram að
hafa. Á grundvelli þess óska ég eftir
stuðningi kjósenda í 4. sæti í próf-
kjörinu um næstu helgi.
4. sætið
„Ég lít svo á
að ég sé tals-
maður hóf-
samra við-
horfa innan
Sjálfstæðisflokksins.“
Höfundur er læknir og
alþingismaður.
Eftir Katrínu Fjeldsted