Morgunblaðið - 20.11.2002, Qupperneq 48

48 MIÐVIKUDAGUR 20. NÓVEMBER 2002 MORGUNBLAÐIÐ
BRÉF
TIL BLAÐSINS
Kringlunni 1 103 Reykjavík  Sími 569 1100
 Símbréf 569 1329  Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
VEGNA greinar um Nöf við Hofsós,
sem birtist í Lesbók Morgunblaðsins
2. nóvember sl.:
Varðandi nöfn á fólki, sem bjó á
Nöf eftir að Skafti fluttist til Siglu-
fjarðar, vil ég leiðrétta þetta:
Ekki er rétt að tala um Kristínu
Hermannsdóttur og son hennar
Hermann. Kristín var Þorgrímsdótt-
ir og sonurinn Þorgrímur Her-
mannsson. Hjá þeim var stúlkubarn;
dótturdóttir Kristínar, að nafni
Bára.
Þegar hafnarframkvæmdir hófust
við Nöf bjuggu þar:
Í gamla bænum Þorsteinn Jóns-
son og hans fjölskylda. Í timburhús-
inu, Sigmar Þorleifsson og fjöl-
skylda. Ég man ekki um fleiri. Ég
held að Kristín og Þorgrímur hafi
verið farin í hús, sem Þorgrímur
byggði.
Það er misminni hjá Hjálmari Sig-
marssyni, að þeir hafi farið frá Nöf
1938.
Framkvæmdir við höfnina hófust
samkvæmt upplýsingum frá Hafnar-
málastofnun 1936 og stóðu líka yfir
1937. Þegar þær hófust fluttu Þor-
steinn og hans fólk úr gamla bænum
í kjallarann á samkomuhúsinu í
Hofsós og Sigmar og synir hans í
barnaskólann.
Ég veit, að Þorsteinn og hans fólk,
fór ekki á Nöf aftur, hvort Sigmars-
bræður hafi hírzt þar vetrarlangt
eitt árið, þá 1937, man ég ekki. Einn
bróðirinn heitir Vilhelm, við erum
jafnaldra og vorum í sama bekk í
barnaskóla. Veturna 1937 og 1938
átti hann heima í Bræðraborg.
Vegurinn upp frá höfninni liggur
þar sem gamli bærinn stóð.
Timburhúsið var ekki í ábúð með-
an á hafnarframkvæmdum stóð.
1939 og 1940 var söltuð síld á
Hofsósi – talsvert mikið magn. Ég
vann bæði sumrin í síldinni þar og
var oft sendur upp í hús að ná í ým-
islegt, hringi og fl. Það var ekkert
rafmagn í húsinu og ekkert rennandi
vatn, en mikið af allskonar rusli sem
hent hafði verið þangað inn.
Um sumarið 1941 komu og settust
þar að mæðgur með eitt barn.
Ég var farinn frá Hofsósi, þegar
húsið brann.
JÓNMUNDUR GÍSLASON,
Iðufelli 10, Reykjavík.
Meira um fólk
og fleira á Nöf
Frá Jónmundi Gíslasyni:
Í BRÉFI til blaðsins „Frá tryggum
áskrifanda“ skrifað af Mörtu Ragn-
arsdóttur, fyrir nokkrum dögum,
birtir hún vísuna góðu um Simpson
og Morgunblaðið:
Simpson kemur víða við
veldur breyttum högum.
Morgunblaðið kemur ekki út á mánudögum.
Hér er leiðréttingar þörf, því vísan
frá höfundi er svona:
Simpson kemur víða við
veldur breyttum högum.
Morgunblaðið kemur út
ekki á mánudögum.
HALLDÓR SNORRASON,
Baldursgötu 37,
Reykjavík.
Leiðrétting
Frá Halldóri Snorrasyni:
Á SL. vori gaf Steinsteypufélagið út
55 bls. bækling með ofanskráðu
nafni. Vel hefur verið vandað til út-
gáfu þessarar og ritvinnslu. Rit-
stjórn var falin Gísla Sigurðssyni
Lesbókarritstjóra sem notið hefir
liðsinnis ýmissa sérfræðinga, svo
sem greint er frá í aðfaraorðum rits-
ins.
Nánast eru öll verkin sem valin
voru í bæklinginn afurð síðustu ald-
ar. Þeim er raðað niður og þau stað-
hæfð með sérhönnuðum kortum, lif-
andi ljósmyndum og stundum
skýringartextum. Þetta er frábær
bæklingur, leiðsögn sem gott er að
hafa í bílnum, hvar sem ferðast er
um landið. Það bjarmar af lýsingum
þessara mannvirkja, sem gjarnan
eru til fegrunar og bóta fyrir um-
hverfið okkar. Um er að ræða mann-
virki sem ber að virða eins og önnur
fyrirbæri augans.
Hið byggða umhverfi okkar hefir
breyst stórkostlega til batnaðar á
síðustu árum og framvindan er í ör-
um vexti. Landið sem áður var sagt
„á jaðri hins byggilega heims“ er að
verða að gósenlandi. Þróunin var þó
ekki sjálfgerð. Framvinda var á öll-
um sviðum. Samferða henni lærðist
byggingariðnaðinum að bregðast við
hinum hörðu niðurrifsöflum náttúr-
unnar. Hér eru tíðari og harðari
slagregn, allt að 80 árlegar yfir-
borðsfreistingar og fleiri saltroksút-
fellingar en annars staðar þekkist.
Því lærðum við á undan grannþjóð-
um að bæla þessi niðurrifsöfl. Notk-
un loftblendis, kísilryks og vatns-
fælna í þeim tilgangi varð strax
almenn í byggingariðnaðinum.
Byggingariðnaðinum lærðist líka að
búa til gott sement og varanlega
steinsteypu, en mikilvægi þess blasir
nú við í hinu byggða umhverfi okkar.
Samtímis jókst þekking á öðrum
sviðum. Hitaveitur, vegalagnir og
orkulagnir ná nú um allt land. Já,
vegir að verkunum eru undirstaðan
og Verk á vegi þínum gæti verið for-
snið fyrir margs konar kynningar.
Slík rit geta verið nokkurt mótvægi
gegn þeirri firringu, sem uppi er
höfð gegn aukinni tæknivæðingu og
orkuvinnslu, sem þó ætti að vera
augljós undirstaða velferðar okkar.
HARALDUR ÁSGEIRSSON,
fv. forstjóri Rannsóknastofnunar
byggingariðnaðarins,
Ægisíðu 48, Reykjavík.
Verk á vegi þínum
Frá Haraldi Ásgeirssyni: