Morgunblaðið - 29.11.2002, Side 11

FRÉTTIR
MORGUNBLAÐIÐ FÖSTUDAGUR 29. NÓVEMBER 2002 11
Bæjarlind 12, Kópavogi, sími 544 2222
Nýjar vörur
daglega!
Burt með vsk af völdum vörum
og að auki 10% afsláttur
P
R
E
N
T
S
N
I
Ð
KÆLI- OG FRYSTISKÁPAR
Gerð RF-270
145x60x60 cm
170+61 ltr.
49.990,- stgr.
Gerð RF-315
173x60x60 cm
229+61 ltr.
57.990,- stgr.
(stál 69.990,-)
Gerð RF-310
173x60x60 cm
192+92 ltr.
59.990,- stgr.
(stál 79.990,-)
Gerð RF-360
191x60x60 cm
225+90 ltr.
69.990,- stgr.
2ja ára ábyrgð, fullkomin varahluta- og viðgerðarþjónusta.
Snaigé kæli- og frystiskáparnir fást í mörgum
stærðum og gerðum, hvítir, metalic og stál.
HÁGÆÐAKÆLISKÁPAR Á ÓTRÚLEGA HAGSTÆÐU VERÐI!
Danfoss kælivél – R600a kælimiðill – Orkuflokkur „A“ – Hávaði 40 db(A)
S
n
a
ig
é
e
r
s
n
ja
ll
k
o
s
tu
r.
..
ASKALIND 3 - KÓPAVOGI - SÍMI: 562 1500
FUNDIR verða á morgun íkjördæmisráðum Sjálf-stæðisflokksins í Suður-kjördæmi og Suðvestur-kjördæmi þar sem tillögur
kjörnefnda um uppstillingu fram-
boðslista í næstu alþingiskosningum
verða kynntar. Þótt tillögurnar hafi
enn ekki verið kynntar opinberlega
liggur fyrir hverjar hugmyndir kjör-
nefndanna um röðun manna í efstu
sæti verða og eru ekki allir á eitt sátt-
ir um niðurstöðuna.
Í Suðurkjördæmi verður gerð til-
laga um að Árni Ragnar Árnason
skipi fyrsta sætið, Drífa Hjartardótt-
ir frá Keldum annað sætið, Guðjón
Hjörleifsson frá Vestmannaeyjum
þriðja sætið, Kjartan Ólafsson frá
Selfossi fjórða sætið, Böðvar Jónsson
Njarðvík í fimmta, Helga Þorbergs-
dóttir það sjötta og Aldís Hafsteins-
dóttir Hveragerði það sjötta.
Forystukreppa í kjördæminu
Auk þess að Suðurkjördæmið sé
nýtt er staðan í kjördæminu að
mörgu leyti mjög sérstök. Það nær
frá Garðskaga að Hornafirði og þar
búa um 40 þúsund manns. Alls eru 22
sveitarfélög á svæðinu og mörg svæði
sem telja sig eiga rétt á þingmanns-
efni á framboðslista, s.s. Suðurnesin,
Vestmannaeyjar og Rangárvalla-
sýsla. Hins vegar standa menn
frammi fyrir þeirri stöðu að það er
enginn sjálfgefinn leiðtogi á svæðinu.
Raunar má segja að ákveðin forystu-
kreppa ríki í Suðurkjördæmi og er
það að mörgu leyti uppspretta þeirra
átaka sem nú eiga sér stað.
Þorsteinn Pálsson var lengi vel
fyrsti maður á framboðslista Sjálf-
stæðisflokksins á Suðurlandi. Eftir að
hann tók við sendiherrastöðu færðist
Árni Johnsen upp í fyrsta sætið og
hann hélt því sæti í prófkjöri sem
haldið var í febrúar 1999. Árni lét hins
vegar af þingmennsku á síðastliðnu
ári og varð þá Drífa fyrsti þingmaður
Suðurlands og Kjartan Ólafsson fór
inn á þing.
Þeir Kristján og Árni Ragnar voru
hins vegar í framboði í Reykjanes-
kjördæmi og voru þar í fimmta og
sjötta sæti samkvæmt niðurstöðum
prófkjörs. Það var því aldrei litið á þá
sem forystumenn í Reykjaneskjör-
dæmi.
Leitað hefur verið til ýmissa
manna um að taka að sér forystu í
hinu nýja kjördæmi, m.a. stjórnmála-
manna úr forystusveit Sjálfstæðis-
flokksins í öðrum kjördæmum. Eng-
inn fékkst hins vegar til að taka
hlutverkið að sér.
Uppstillingarnefndin lagði upp
með það veganesti frá kjördæmis-
þingi að reyna að endurspegla búsetu
í kjördæminu og taka tillit til aldurs-
dreifingar og hlutfalls karla og
kvenna. Það var því ljóst að erfitt yrði
að hafa tvo frambjóðendur frá Suð-
urnesjunum í efstu sætunum. Að
sögn Ellerts Eiríkssonar, formanns
uppstillingarnefndar, voru haldnir
fundir með þingmönnum kjördæmis-
ins og þegar rætt var við Kristján
lýsti hann því yfir að hann hefði hug á
fyrsta sætinu. Hann gæti sætt sig við
að Drífa Hjartardóttir skipaði fyrsta
sætið og hann þá annað sætið. Hins
vegar kæmi ekki til greina að taka
sæti neðar á listanum.
Þegar rætt er við forystumenn
Sjálfstæðisflokksins í kjördæminu
heyrast mismunandi skoðanir. Sagt
er að Árni sé líklegri maður til að
sameina menn, hann sé „heill og
vinnusamur“ þótt hann hafi ekki ver-
ið mjög áberandi sem þingmaður.
Stuðningsmenn Kristjáns benda á
móti á að hann hafi verið fyrir ofan
Árna Ragnar í síðasta prófkjöri, þótt
það hafi vissulega verið í öðru kjör-
dæmi. Kristján þykir hafa unnið mjög
ötullega í kjördæminu og greinilegt
er að hann á verulegt persónufylgi. Á
móti er hann gagnrýndur fyrir að
leika einleik í málum og ítrekað minn-
ast menn á að hann „eigni sér“ mál
sem aðrir hafi unnið að. Er lýsing og
tvöföldun á Reykjanesbraut gjarnan
nefnd í því sambandi. Niðurstaðan
virðist hafa verið sú að kjörnefndin
taldi Árna heppilegri forystumann og
að yfirlýsing Kristjáns um að hann
myndi ekki þiggja annað en efstu
sætin hafi þar með útilokað hann frá
listanum. Kristján er þó ekki sam-
mála þeirri túlkun kjörnefndar á um-
mælum sínum.
Um tvö hundruð stuðningsmenn
Kristjáns héldu fund í Stapanum í
fyrrakvöld þar sem ákvörðun kjör-
nefndar var gagnrýnd harðlega. Þar
var m.a. samþykkt ályktun um að
tryggja yrði Kristjáni öruggt þing-
sæti. Kristján Pálsson vill ekki tjá sig
um hvað það gæti þýtt í raun en mið-
að við úrslit síðustu kosninga er hægt
að miða við að Sjálfstæðisflokkurinn
geti átt von á fjórum þingmönnum.
Það má búast við öðrum hitafundi í
Stapanum á laugardaginn en vel á
annað hundrað manns munu sitja
kjördæmisþingið. Kristján og stuðn-
ingsmenn hans hyggjast leggja fram
breytingartillögur við tillögu kjör-
nefndar og er erfitt að meta hversu
mikils stuðnings hann nýtur. Ljóst er
að hann á víst fylgi í Garði og Njarð-
vík auk stuðningsmanna frá öðrum
svæðum kjördæmisins.
Helga Guðrún út
Sjálfstæðismenn í Suðvesturkjör-
dæmi, sem segja má að sé gamla
Reykjaneskjördæmið mínus Reykja-
nes, munu einnig ákveða framboðs-
lista sinn á morgun. Þar var sömu-
leiðis ákveðið að stilla upp í stað þess
að halda prófkjör þrátt fyrir að löng
hefð sé fyrir prófkjörum í þessum
landshluta. Mjög hörð og dýr barátta
var fyrir síðasta prófkjör og er það
sögð ástæða þess að þessi leið hafi
verið farin. Menn séu enn að jafna sig
eftir það. Einn þingmanna kjördæm-
isins, Þorgerður Katrín Gunnarsdótt-
ir, barðist hins vegar hart fyrir því að
prófkjör yrði haldið. Hún kom ný inn
á þing í síðustu kosningum og hefur
verið einn af mest áberandi þing-
mönnum Sjálfstæðisflokksins á
landsvísu og líklegt má telja að hún
hefði náð góðum árangri í prófkjöri.
Niðurstaða kjörnefndar er sú að
röð þingmanna er óbreytt frá síðustu
kosningum og líkt og í Suður-
kjördæmi þótti mikilvægt að halda
jafnvægi á milli svæða innan kjör-
dæmisins. Árni M. Mathiesen sjávar-
útvegsráðherra mun skipa fyrsta
sætið samkvæmt tillögunni, Gunnar
Birgisson, Kópavogi, annað, Sigríður
Anna Þórðardóttir fjórða sætið og
Þorgerður Katrín fjórða sætið.
Vegna kjördæmabreytingarinnar
má gera ráð fyrir að þingmönnum
Sjálfstæðisflokksins fjölgi og að þeir
verði fimm að loknum næstu kosn-
ingum. Í fimmta sætinu er lagt til að
komi inn nýr og ungur frambjóðandi
frá Garðabæ, Bjarni Benediktsson
lögmaður. Hann starfar nú á lög-
mannastofunni Lex en á einnig sæti í
skipulagsnefnd Garðabæjar. Sam-
kvæmt óformlegu samkomulagi um
svæðaskiptingu innan kjördæmisins
áttu Garðbæingar tilkall til þessa
sætis enda hafa þeir ekki átt þing-
mann frá því að Ólafur G. Einarsson
lét af þingmennsku. Heimildir herma
að nafn Bjarna hafi komið í um-
ræðuna á síðustu stigum en að mikill
einhugur hafi ríkt um hann meðal
Garðbæinga eftir að nafn hans kom
fram.
Bjarni er sonur Benedikts Sveins-
sonar, stjórnarformanns Eimskips og
fyrrverandi forseta bæjarstjórnar í
Garðabæ. Afabróðir Bjarna var
Bjarni Benediktsson fyrrverandi for-
sætisráðherra.
Þar með átti Kópavogur tilkall til
sjötta sætisins, sem líklega verður
fyrsta varaþingmannssæti flokksins í
kjördæminu. Helga Guðrún Jónas-
dóttir hefur verið fyrsti varaþingmað-
ur en hún lenti í sjöunda sæti í próf-
kjöri, á eftir Árna Ragnari Árnasyni.
Hún hefur setið töluvert á þingi síð-
ustu árin, ekki síst í veikindum Árna
Ragnars á kjörtímabilinu. Kjörnefnd
mun hins vegar ekki gera tillögu um
Helgu Guðrúnu á laugardaginn held-
ur Jón Gunnarsson úr Kópavogi, sem
var í níunda sæti í prófkjöri fyrir síð-
ustu alþingiskosningar.
Engin skýr ástæða virðist vera
fyrir þessu önnur en sú að Helga
virðist ekki eiga nógu sterkan stuðn-
ing á heimaslóðum sínum í Kópavogi.
Bent hefur verið á að Helga Guðrún
hafi ekki flutt í Kópavoginn fyrr en
1997 og hafi lítil afskipti haft af
sveitarstjórnarmálum í sveitarfé-
laginu. Á móti er bent á að hún hafi
setið mikið á þingi og sé að auki for-
maður Landssambands sjálfstæðis-
kvenna.
Helga Guðrún segist sjálf lítið geta
tjáð sig um stöðuna fyrr en að nefndin
sé búin að skila af sér opinberlega.
„Það kemur mér hins vegar á óvart ef
menn ætla við uppstillingu að fækka
konum í sex efstu sætunum úr þrem-
ur í tvær. Það hlýtur að vekja upp
spurningar, hvort sem ég eða einhver
önnur á í hlut. Frá mínum bæjardyr-
um séð virðist hins vegar fyrst og
fremst vera um innansveitarkroniku
að ræða,“ segir Helga Guðrún.
Þetta mál hefur ekki vakið upp eins
miklar tilfinningar og mál Kristjáns í
Suðurkjördæmi enda ekki verið að
víkja þingmanni úr öruggu þingsæti.
Á móti nefna margir að þetta sé mjög
óheppilegt „eftir Reykjavík“ og líti
ekki vel út fyrir Sjálfstæðisflokkinn.
sts@mbl.is
Átök um uppstillingu
Umbrot eru í kringum uppstillingu á framboðslistum Sjálfstæðisflokksins í Suðurkjör-
dæmi og Suðvesturkjördæmi. Steingrímur Sigurgeirsson fjallar um stöðu mála.
Helga Guðrún Kristján Árni Ragnar
AF
INNLENDUM
VETTVANGI