Morgunblaðið - 03.03.2003, Blaðsíða 6

FORSTJÓRI Samkeppnisstofnunar
vísar á bug staðhæfingum Kristins
Björnssonar, forstjóra Skeljungs,
um skipulagðan leka stofnunarinnar
á upplýsingum er varða rannsókn
hennar á fyrirtækinu. Hann segir
ásakanir Kristins ákaflega ómakleg-
ar.
Á aðalfundi Skeljungs á föstudag
gagnrýndi Kristinn Samkeppnis-
stofnun fyrir að gæta ekki þag-
mælsku um rannsóknarefni sín og
talaði jafnvel um skipulagðan leka í
því sambandi.
Georg Ólafsson, forstjóri Sam-
keppnisstofnunar, vísar staðhæfing-
um Kristins á bug sem tilhæfulaus-
um. „Mér finnst þetta mjög ómakleg
ummæli,“ segir hann. „Upplýsingar
viðkomnar málinu eru ekki frá okk-
ur komnar.“
Ætla að klára málið á árinu
Á fundinum gagnrýndi Kristinn
enn fremur seinagang stofnunarinn-
ar við rannsóknina, sem hófst í des-
ember 2001, og sagði líklegt að hún
ætti eftir að taka mörg ár til við-
bótar. Georg segir hins vegar ekki
útlit fyrir það. „Svona mál geta tekið
mörg ár en við ætlum að klára rann-
sóknina á þessu ári, það er okkar
stefna. Svo geta menn farið með
okkar úrskurð fyrir dómstóla ef því
er að skipta,“ segir Georg Ólafsson.
Loks gagnrýndi Kristinn að
skýrsla um frumathugun Sam-
keppnisstofnunar innihéldi einhliða
frásögn stofnunarinnar af málinu og
væri full af getgátum. „Þetta er ein-
faldlega plagg sem við sendum þeim
og svo fá þeir tækifæri til að svara
fyrir sig,“ segir Georg. Þannig sé
um eðlilegan framgangsmáta að
ræða.
Forstjóri Samkeppnisstofnunar vísar
gagnrýni forstjóra Skeljungs um leka á bug
„Mjög ómakleg
ummæli“
FRÉTTIR
6 MÁNUDAGUR 3. MARS 2003 MORGUNBLAÐIÐ
MJÖG góð mæting var á opn-
unarhátíð Vöruhótelsins við Sunda-
höfn í Reykjavík í gær, að sögn
Gunnars Bachmann, fram-
kvæmdastjóra Vöruhótelsins, en
húsið var opið almenningi í gær.
Vöruhótelið er dótturfyrirtæki
Eimskips ehf. og TVG Zimsen. Það
er sjálfstætt, tölvustýrt vöru-
húsakerfi sem á að tryggja há-
marksnýtingu á húsnæði, tækjum
og starfsfólki. Vöruhótelið er hið
stærsta á Íslandi en fimm og hálf
Laugardalshöll gætu rúmast í því.
„Við vildum bjóða almenningi að
skoða húsið og erum mjög ánægð
með mætinguna,“ sagði Gunnar í
samtali við Morgunblaðið í gær.
Frá og með deginum í dag verður
húsið hins vegar lokað almenningi.
Fjölmargar uppákomur voru í
húsinu í gær; m.a. var boðið upp á
dans og söng. Þá fengu gestir
rjómabollur og kaffi.
Morgunblaðið/Sverrir
Fjöldi fólks skoðaði Vöru-
hótelið við Sundahöfn í gær
GEIR H. Haarde, fjármálaráð-
herra og varaformaður Sjálfstæð-
isflokksins, sagði á umræðufundi
um stjórnmál í Valhöll sl. laug-
ardag að alþingiskosningarnar í
vor væru óvenjulega mikilvægar
fyrir allan almenning og þjóðlífið í
landinu. „Það er búið að magna hér
upp öðruvísi mynd en verið hefur
og það er verið að gera allt sem
hægt er af hálfu tiltekinna aðila til
þess að koma Sjálfstæðisflokknum
út úr Stjórnarráðinu. Við ætlum
ekki að láta það yfir okkur ganga
þegjandi og hljóðalaust,“ sagði
hann.
Geir var gestur á fyrsta opna
spjallfundi upplýsinga- og fræðslu-
nefndar Sjálfstæðisflokksins sem
haldinn er vegna komandi Alþing-
iskosninga.
„Við stefnum auðvitað að því að
fá þannig útkomu að við verðum
áfram í lykilaðstöðu gagnvart því
að mynda ríkisstjórn,“ sagði Geir.
Kaupmáttur jókst um 33% frá
árinu 1994 sem er einsdæmi
„Við erum að sjálfsögðu klár í
þennan slag, bæði á grundvelli þess
sem við höfum verið að gera á und-
anförnum árum og ekki síður á
grundvelli þess sem tekur við. Nú
hefur verið búið þannig í haginn
hér í efnahagsmálum, sem er
grundvöllur alls annars sem við
viljum gera, að nú getum við farið
að láta ýmsa aðra drauma rætast,“
sagði Geir.
Hann fjallaði um þann árangur
sem náðst hefði í efnahagsmálum á
undanförnum árum og greindi frá
því að á næstunni yrði birt skýrsla
frá OECD um íslensk efnahagsmál.
Það væri mjög fróðleg lesning því
þar væri staðfestur sá árangur sem
náðst hefði. Í skýrslunni kæmi m.a.
fram að kaupmáttur launa eftir
skatta hefði aukist um 33% frá
1994. „Þetta þýðir einfaldlega að
hinn venjulegi maður á Íslandi hef-
ur að einum þriðja meira í vas-
anum sem hann notar til sinan eig-
in þarfa en hann hafði 1994. Þetta
er árangur sem er óþekktur á Ís-
landi. Svona mikil aukning á svo
stuttum tíma hefur aldrei gerst áð-
ur og er hvergi þekkt í nálægum
löndum,“ sagði Geir.
Vilja að Sjálfstæðisflokkurinn
taki við heilbrigðismálunum
Töluverðar umræður urðu á
fundinum um þá málaflokka sem
fundarmenn vildu að Sjálfstæðis-
flokkurinn léti sérstaklega til sín
taka á næsta kjörtímabili, m.a. í
heilbrigðismálum. Kom fram áhugi
á því við umræður fundarmanna að
flokkurinn ætti að leggja áherslu á
að taka að sér ráðuneyti heilbrigð-
ismála í næstu ríkisstjórn.
Einnig var rætt um kosningabar-
áttuna og lýstu nokkrir fundar-
manna því yfir að Sjálfstæðisfokk-
urinn ætti að kappkosta að reka
jákvæða kosningabaráttu gegn
þeirri neikvæðu kosningabaráttu
sem andstæðingarnir héldu uppi og
var sérstaklega vísað til Samfylk-
ingarinnar í því sambandi.
Sjá reikninga Samfylking-
arinnar fyrir leigu á Top Shop
Garðar Ingvarsson vék að frétt-
um og könnunum sem birst hefðu
að undanförnu í Fréttablaðinu sem
kæmu Samfylkingunni vel og
minnti á að þekkt væri í Svíþjóð að
um árabil hefði verið heilagt
bandalag á milli stórfyrirtækja og
sænska jafnaðarmannaflokksins á
kostnað millistéttarinnar og lítilla
og meðalstóra fyrirtækja. Spurði
Garðar hvort nú væri farið að örla
á einhverju slíku bandalagi hér á
landi á milli Samfylkingarinnar og
því sem kalla mætti „nýja kapít-
alsins“.
Geir sagði ummæli Garðars at-
hyglisverð en vildi þó ekki dæma
um hvort samanburðurinn við Sví-
þjóð væri réttur. ,,En ég hlakka til
þess þegar Jóhanna Sigurðardóttir
í krafti réttlætiskenndar sinnar og
kröfu um gagnsæi og upplýsingar,
birtir reikninga fyrir það hvað
Samfylkingin borgar Top Shop fyr-
ir húsnæðið í Lækjargötu, sem þeir
eru búnir að taka til afnota,“ sagði
Geir.
Geir H. Haarde fjallaði um stöðu efnahagsmála og
kosningarnar í vor á stjórnmálafundi
Stefnum að því að verða
áfram í lykilstöðu
Morgunblaðið/Sverrir
Geir H. Haarde, varaformaður Sjálfstæðisflokksins, var gestur á fyrsta
spjallfundi upplýsinga- og fræðslunefndar Sjálfstæðisflokksins, en slíkir
fundir verða haldnir á laugardagsmorgnum fram að kosningunum í vor.
PÁLL Pétursson félagsmálaráðherra
hefur skipað samráðsnefnd til fjög-
urra ára um aðgerðir gegn ofbeldi
gagnvart konum. Formaður nefndar-
innar er Hanna Sigríður Gunnsteins-
dóttir, lögfræðingur í félagsmála-
ráðuneytinu. Þetta kom m.a. fram í
ávarpi ráðherra í upphafi ráðstefnu
um átak Norðurlandanna og Eystra-
saltsríkjanna gegn verslun með kon-
ur, sem haldin var á Grand hóteli í
Reykjavík fyrir helgi. Félagsmála-
ráðuneytið og dóms- og kirkjumála-
ráðuneytið stóðu að ráðstefnunni.
„Hlutverk nefndarinnar er að sam-
hæfa aðgerðir stjórnvalda á ólíkum
fagsviðum sem eru til þess fallnar að
koma í veg fyrir ofbeldi gegn konum,“
útskýrði ráðherra. „Lagt verður fyrir
nefndina að hafa yfirsýn yfir aðgerðir
sem þegar hefur verið gripið til og
vera til ráðuneytis um frekari úrbæt-
ur á þessu sviði. Enn fremur er nefnd-
inni ætlað að skipuleggja herferðir og
ef þurfa þykir framkvæmdaáætlanir
sem hefðu það markmið að opna augu
almennings fyrir ofbeldi gegn konum
og því samfélagsböli sem af því leið-
ir.“
Ráðherra sagði að ofbeldi gegn
konum væri staðreynd í öllum sam-
félögum og að mansal væri ein birt-
ingarmynd þess.
Verslun með fólk
útbreitt vandamál
Meginumfjöllunarefni ráðstefn-
unnar var mansal og sagði ráðherra
að menn hefðu smám saman áttað sig
á því hversu útbreitt vandamál versl-
un með fólk væri og þá einkum versl-
un með konur og börn. „Sameinuðu
þjóðirnar áætla að árlega sæti yfir 4
milljónir manna mansali og að ágóð-
inn af þessari starfsemi sé yfir 5–7
milljarðar bandaríkjadala, eða næst á
eftir ólöglegri fíkniefna- eða vopna-
sölu heimsins. Hér er um að ræða al-
þjóðlega og skipulagða glæpastarf-
semi sem virðir engin landamæri og
hefur vandamálið teygt sig til Norð-
urlandanna líkt og annarra landa
heimsins.“
Ráðherra sagði að aðalatriðið í
þessu öllu væri að konur væru ekki
vara sem ætti að vera hægt að versla
með fyrir peninga. Hvorki hér á landi,
né neins staðar í heiminum. „Hér er
um að ræða brot á grundvallarmann-
réttindum og þarf að beita öllum
brögðum til að hindra að mansal nái
fótfestu hér á landi.“
Morgunblaðið/Halldór Kolbeins
Félagsmálaráðuneytið og dóms- og kirkjumálaráðuneytið stóðu að ráð-
stefnu um mansal fyrir helgi. Fremst á myndinni eru Páll Pétursson félags-
málaráðherra og Sólveig Pétursdóttir, dóms- og kirkjumálaráðherra.
Nefnd fjalli
um ofbeldi
gegn konum
Félagsmálaráðherra segir að beita verði
öllum ráðum til að hindra mansal
ÓLÖF Guðný Valdimarsdóttir,
varaþingmaður Framsóknar-
flokksins á Vestfjörðum, hefur
sagt sig úr Framsóknarflokkn-
um. Í tilkynningu frá Ólöfu Guð-
nýju segir að hún hafi sent Hall-
dóri Ásgrímssyni, formanni
Framsóknarflokksins, bréf þar
sem gerð sé grein fyrir þeim
meginatriðum sem séu ástæða
úrsagnarinnar. „Framsóknar-
flokkurinn stendur ekki lengur
fyrir þeim gildum sem ég vil
styðja í uppbyggingu íslensks
samfélags,“ segir Ólöf Guðný.
Sagði sig úr
Framsóknar-
flokknum