Morgunblaðið - 03.03.2003, Blaðsíða 25
FRÉTTIR
MORGUNBLAÐIÐ MÁNUDAGUR 3. MARS 2003 25
Kraftur – stuðningsfélag ungs
fólks sem greinst hefur með
krabbamein og aðstandendur, held-
ur fund á morgun, þriðjudaginn 4.
mars, kl. 20 í húsi Krabbameins-
félagsins í Skógarhlíð 8, á 4 hæð.
Guðbjörg Gissurardóttir heldur fyr-
irlestur um hvernig nýta megi elda-
mennskuna og eldhúsið í skapandi
þroska og kynnir bók sína „Hristist
fyrir notkun“. Kaffi og meðlæti í lok
fundar. Allir velkomnir.
Málstofa Lagastofnunar verður á
morgun, þriðjudaginn 4. mars, kl.
12.15–13.15 í stofu 101 í Lögbergi.
Stefán Már Stefánsson prófessor
ræðir samninginn um hið evrópska
efnahagssvæði. Fyrirlestur hans
heitir: Er samningurinn um Evr-
ópska efnahagssvæðið lífvænlegur?
Í lok fundar verða fyrirspurnir og
umræður eftir því sem tilefni gefst.
Fundurinn er öllum opinn.
Framhaldsnám við Kennarahá-
skólann Á morgun, 4. mars, verður
kynning á framhaldsnámi við Kenn-
araháskólann kl. 16.15. Fundurinn
verður haldinn í Bratta, fyrirlestr-
arsal í Hamri, nýbyggingu skólans
við Stakkahlíð. Sautján náms-
brautir verða í boði og hafa þær
aldrei verið fleiri. Framhaldsnámið
er ætlað kennurum, þroskaþjálfum
og öðrum uppeldisstéttum sem hafa
áhuga á að efla þekkingu sína og
hæfni og taka þátt í öguðum um-
ræðum um skóla- og uppeldismál.
Námið mun nýtast þeim sem vinna
að eða hafa hug á að sinna þróun-
arverkefnum, rannsóknum eða öðr-
um fræðistörfum, námsefnisgerð,
ráðgjafar- og sérfræðistörfum, mati
á skólastarfi eða starfsemi annarra
stofnana. Námið er einnig ætlað
fólki í forystu- og stjórnunar-
störfum eða þeim sem eru að búa
sig undir störf af þeim toga.
Unnt er að ljúka framhaldsnámi við
Kennaraháskólann með þrennum
hætti, með formlegri viðurkenningu
(diplómu), meistaraprófi (M.Ed.)
eða doktorsprófi (Ph.D)
Kynningarfundurinn er öllum opinn
en þeir sem hyggjast sækja um nám
við framhaldsdeild skólaárið 2003–
2004 eru sérstaklega velkomnir.
Nánari upplýsingar um námið og
umsóknargögn er að finna á vefsíð-
um framhaldsdeildar, sjá vefslóð-
ina: http://framhaldsdeild.khi.is/
Á MORGUN
„Er Evrópusambandið að bíða
eftir okkur? – Hver er okkar samn-
ingsstaða?“ er yfirskrift málþings
sem Samband ungra framsókn-
armanna heldur í dag, mánudag, að
Hverfisgötu 33 kl. 20.00.
Meðal framsögumanna er Diana
Wallis, leiðtogi breskra frjálslyndra
miðjumanna í Evrópuþinginu. En í
tilkynningu segir að hú hafi lengi
haft áhuga á Íslandi og lét fyrir
skömmu taka stöðu Íslands, Noregs
og Sviss sérstaklega út hjá Evrópu-
sambandinu. Framsögumenn eru,
auk Díönu Wallis: Birgir Tjörvi Pét-
ursson, framkvæmdastjóri Heims-
sýnar, Jónína Bjartmarz alþing-
ismaður og Ragnar Þorgeirsson
viðskiptastjóri. Pallborðsumræður
verða að loknum framsögum. Að-
gangur er ókeypis og allir velkomn-
ir.
STJÓRNMÁL
Atvinnuleit – á leið út í atvinnu-
lífið Endurmenntun Háskóla Ís-
lands verður með námskeið fyrir þá
sem hyggja á atvinnuleit, hvort sem
þeir eru að skipta um starfsvett-
vang, eru að koma út á vinnumark-
aðinn í fyrsta sinn, hafa verið að
sækja um vinnu með misjöfnum ár-
angri eða vilja auka hæfni sína í
samskiptum við mögulega atvinnu-
rekendur. Einnig verður m.a. farið í
gerð ferilsskrár, hvernig ráðning-
arstofur starfa o.fl. Leiðbeinandi er
Agla Sigríður Björnsdóttir ráðning-
arstjóri hjá Vinna.is. Námskeiðið
hefst þriðjudaginn 11. mars kl. 9 –
12, í húsnæði Endurmenntunar á
Dunhaga 7. Skráning er í síma og á
netfangi, www.endurmenntun.is
Á NÆSTUNNI
„ÞAÐ var ótrúleg gleði sem fylgdi
því að ná settum markmiðum því
að baki lá gífurlega mikil vinna
margra, góðra manna,“ sagði
Hrafn Jökulsson, forseti Skák-
félagsins Hróksins, eftir að lið
Hróksins höfðu sigrað í 1., 2., og 3.
deild Íslandsmóts skákfélaga um
helgina, en sama félag hefur ekki
fyrr átt sigurvegara í þremur
efstu deildunum.
Lokaumferðir keppninnar fóru
fram í Menntaskólanum í Hamra-
hlíð á föstudag og laugardag og
varði Hrókurinn örugglega Ís-
landsmeistaratitilinn, fékk 45 vinn-
inga. Hellir-a varð í öðru sæti með
39½ vinning, TR-a fékk 36½ vinn-
ing, SA-a 29, TR-b 22, Hellir-b 20,
Bolungarvík 18 og SA-b 14 vinn-
inga. Í 2. deild fékk Hrókurinn-b
32 vinninga og Vestmannaeyjar
urðu í 2. sæti með 27 vinninga. Í 3.
deild sigraði Hrókurinn-c með 27
vinninga, en Selfoss fékk 26½
vinning. Haukar sigruðu í 4. deild
með 35 vinninga en KR varð í 2.
sæti með 30 vinninga.
Hrókurinn var stofnaður 1998,
byrjaði í fjórðu deild, sigraði í
einni deild á ári og varð Íslands-
meistari skákfélaga í fyrra en
varði nú titilinn. „Við sögðum í
fyrra, þegar við unnum Íslands-
meistaratitilinn í fyrsta sinn, að
við ætluðum að axla ábyrgð sem
Íslandsmeistarar og ætluðum að
gera það með alþjóðlegu móta-
haldi og útbreiðslustarfsemi,“ seg-
ir Hrafn. „Þessi árangur um
helgina verður enn frekari hvatn-
ing til þess. Langmest af okkar
vinnu fer í annað en Íslandsmót
skákfélaga því að þessi stórmót
okkar og starfið með krökkunum
taka nánast allan okkar tíma og sú
vinna heldur áfram.“
Aldrei fleiri stórmeistarar
Í dag hefst á vegum Hróksins al-
þjóðlega Edduatskákmótið til
minningar um Guðmund J. Guð-
mundsson, formann Dagsbrúnar
og verður það sett í Borgarleik-
húsinu klukkan 17. „Þetta er okk-
ar langstærsta og viðamesta verk-
efni til þessa,“ segir Hrafn og
bætir við að nýtt met verði sett
varðandi fjölda stórmeistara á
einu móti hérlendis. „Þeir verða á
bilinu 25 til 30, en við vorum með
25 stórmeistara á minning-
armótinu um Dan Hansson í
fyrra.“
Stórmeistararnir koma víða að
og segir Hrafn að 15 skákmenn á
mótinu séu með 2.600 skákstig eða
meira og grasrótin í skákinni fái
tækifæri til að mæta þessum
mönnum, því mótið sé öllum opið
upp að 120 manns, en í 1. umferð
mætist sá stigahæsti og sá stiga-
lægsti. „Þarna munu einhverjir
tugir óbreyttra skákáhugamanna
fá tækifæri til þess að tefla við
fremstu skákmenn heims í fyrstu
umferð,“ segir hann.
Þrjár umferðir verða tefldar í
kvöld, fjórar á morgun og tvær á
miðvikudag en keppni hefst klukk-
an 17 alla dagana.
Hrókurinn sigraði í þremur efstu deildum Íslandsmóts skákfélaga
Hvatning til alþjóðlegs mótahalds
Morgunblaðið/Jón Svavarsson
Íslandsmeistaralið Hróksins 2003. Hrafn Jökulsson, forseti félagsins, er þriðji frá hægri.
SÉRFRÆÐIÁBYRGÐ fjármálafyr-
irtækja í tengslum við ráðgjöf á kaup-
um á verðbréfum var til umræðu í
fjórðu málflutningskeppni Orators,
félags laganema við Háskóla Íslands,
sem haldin var í Hæstarétti í gær.
Verkefnið, sem laganemarnir
spreyttu sig á, fjallaði um ráðgjöf
ímyndaðs fjármálafyrirtækis á kaup-
um á hlutabréfum í deCODE í nóv-
ember 1999 áður en félagið var skráð
á Nasdaq hlutabréfamarkaðinn og
verð þeirra féll.
Að sögn Ara Karlssonar, funda- og
menningarmálastjóra Orators, var
verkefnið búið til á þann hátt að samin
var lýsing á málavöxtum sem var
rammi umfjöllunarinnar auk þess
sem sönnunargögn hafi verið lögð
fram. Þannig var reynt að hafa verk-
efnið eins raunhæft og kostur var.
Spurningin, sem lá fyrir réttinum,
varðaði ábyrgð hins ímyndaða fjár-
málafyrirtækis á kaupunum eftir að
verð bréfanna féll. „Þetta svið skaða-
bótaréttarins er dálítið nýtt og það
mun væntanlega reyna meira á það á
næstkomandi árum í tengslum við
breytingar á íslenskum markaði og
hlutabréfamarkaði,“ segir Ari.
Keppt var samkvæmt reglum ís-
lensks réttarfars og var umgjörð
keppninnar í samræmi við meðferð
mála fyrir dómstólum. Tvö lið kepptu
og voru tvær umferðir. Í fyrri um-
ferðinni keppti helmingur hvors liðs
til sóknar og í seinni umferðinni
keppti hinn helmingur liðsins til varn-
ar og öfugt en sama verkefni var not-
að í báðum umferðum.
Að sögn Ara var góð stemning á
keppninni, sem haldin er annað hvert
ár, en það voru þeir Árni Hrafn Gunn-
arsson, Arnar Þór Stefánsson, Berg-
ur E. Benediktsson, Daníel I. Ágústs-
son og Stefán Bogi Sveinsson sem
stóðu uppi sem sigurvegarar.
Morgunblaðið/Sverrir
Oratorsliðar velta fyrir sér tilbúnum sönnunargögnum í keppninni í gær.
Ræddu ábyrgð
fjármálafyrirtækja
Lýst eftir vitnum
LÝST ER eftir vitnum að um-
ferðaróhappi er varð á bifreiða-
plani við Esso, Ártúnshöfða,
föstudaginn 28.2. á milli kl.17.55
og 18.15. Ekið var utan í ljós-
brúna Mazda 323-fólksbifreið
sem lagt var í bifreiðastæði og
fór tjónvaldur, sem talinn er aka
svartri Toyota Celica-fólksbif-
reið, af vettvangi.
Þeir sem upplýsingar geta
veitt um mál þetta eru vinsam-
lega beðnir um að hafa samband
við lögregluna í Reykjavík.
Þjóðmenningarhúsið
Guðríður Sig-
urðardóttir
skipuð for-
stöðumaður
GUÐRÍÐUR Sigurðardóttir hefur
verið skipuð forstöðumaður Þjóð-
menningarhússins frá 16. mars, en
hún hefur gegnt starfinu undanfarna
mánuði.
Undanfarinn áratug hefur Guðríð-
ur verið ráðuneytisstjóri í mennta-
málaráðuneytinu og verið með
ótímabundna skipun sem slík, en
óskað var eftir því að hún tæki við
starfi forstöðumanns Þjóðmenning-
arhússins og varð hún við þeirri ósk,
að sögn Ólafs Davíðssonar, ráðu-
neytisstjóra í forsætisráðuneytinu.
Hann segir að þar sem um flutning í
starfi sé að ræða haldi Guðríður öll-
um sínum réttindum, þ. á m. ótíma-
bundinni skipun, en þegar um nýja
skipun sé að ræða gildi hún í fimm
ár.
Guðríður tók að sér starf forstöðu-
manns Þjóðmenningarhússins tíma-
bundið frá 27. september til 15. mars
og var Guðmundur Árnason settur í
starf ráðuneytisstjóra í menntamála-
ráðuneytinu á sama tíma. Staða
ráðuneytisstjóra hefur nú verið aug-
lýst og skal umsóknum skilað eigi
síðar en 13. mars, en skipað verður í
embættið frá og með 16. mars.
LEIÐRÉTT
Í REYKJAVÍKURBRÉFI var
rangt farið með þar sem fjallað var
um efni bókar Samönthu Power um
þjóðarmorð á síðustu öld, en þar átti
að koma fram að meðal annars segði
frá þjóðarmorði Tyrkja á Armenum.
Beðist er velvirðingar á þessu.